صوت :
كنت أشتكي منه إليه وانا لا اعلم !!
صدى :
كم لك معرف ياسلايل كحيلان
....................تدري ،، بلاش من الاجـــــابه عشــــانــــــي !!
ما بي أعيش بصدمتي فيك يافلان
.....................................تكفيني صدمة صاحبي الأولاني !!
اتعبت نفسك لا تحلف ، خل الايمان
.......................................كذاب يــ/اصدق من كذب في زماني !!
ماني مصدق مارأيته وإلى الان
......................................وانا اسير لضيقتي واهذياني !!
وشلون جتني منك ذا رد الاحسان :
.......................................طعنة قفا ردت صداها المحاني !!
يموت قلب لمثلها ويعقد لسان
......................................والله لو انزفها العمر ماكفاني !!
اللي جرالي منك مو كبوة حصان
....................................مبغى اتكلم حط نفسك مكاني !!
مبغى اتذكر ليت لي درب نسيان
...................................وانسى الشعور اللي نسى مانساني !!
ليتك تشوف شلون طعنات الاخوان
..................................تصنع من الانسان إنسان ثاني !!
ياكبر قلبي كنت من زود الإيمان
................................. بإني إذا عانيت ضيقه تعاني !!
اجي اشتكي لك كل مــ /يهب خذلان
................................. يهز خفاقي ويقلب كياني !!
وافضفض لقلبك وتنزاح الاحزان
................................. وتعيد ترتيبي اماني ،، اماني !!
ماكنت اظنك لابس قناع الانسان
................................ وعايش كذا بين الفنا والتفاني !!
قسمت من نفسك لي أشباه عدوان
................................ وجوني على صهوة هزيل المعاني !!
امقنعين ومقنعين ،، و بالألوان
............................... جو يطمسون الكايدات بلساني !!
واخترت من زوادتي صمت حقران
.............................. وهمست : ليت اللي حكابي حكاني !!
ماكان صارت ساحة الشعر ميدان
.............................. لجاهل ، حقود ، مهايطي ، بهلواني !!
وماكان شفنا ١٠٠٠ هافي وخوان
............................. يتلو مفاهيم الشرف للغواني !!
وماكان شفتك في ذرى كل ديوان
............................ تنعق قصيد ويستحيل لــ اغاني !!
خذ راحتك ماللخطا وجه عنوان
........................... ضاعت ملامح وقتنا بالثواني !!
ياصاحبي ماصاحــ بي غير كتمان
.......................... ومامال بي للذنب غير إتزاني !!
إيه اقترفتك واعترف كنت غلطان
.......................... والله بعد كبر الخطايا هداني !!
شفني ازيد ايمان واتزيد نقصان
..........................أكبر همومك قول : عوده هجاني ؟؟
وانا مــ/اراك ،، ان جيت وان رحت سيان
.......................... يحشم غضب سيفي ويكرم سناني !!
من شان ،، ماله في مدى خافقي شان
.......................... لو يلمس نجوم السما ماعناني !!
برحل واشوم بمبدئي قدر الإمكان
.......................... وبلغ خطا ذيك الليال امتناني !!
ماني بصاير للمسافيه نيشان
.......................... كل من لبس برقع خواته رماني !!
__________________________________________________ ___________
آخر المشاركات
02-20-2009, 09:46 PM
عــــوده هـــجـــانــي ؟؟!!
العرض الشجري