آخ ـــــر .. أح ــــــــلامه نفق ..

[عون القحطاني]

.

.


* فلسطيني يشارك في عملية حفر نفق على الحدود المصرية



شعور ممزوج بالعلقم
عذراً .. هذه الصورة استنطقتني
هي لكم
فاستنطقوها ..




؛

؛


يارب ..
شف هالولد مسكين ..
ماله على هالارض
لو درب ..
يارب ..
لو يلتفت لـ يمين
او يلتفت لـيسار
خوف ..
ورصاص وحرب..
يارب ..
جنود هالصهيون
للأرض محتلين ..
من جلجلت الاصوات
من حرّة الحسرات ..
اللي بقى له صوت
بكل الجهات ..
يصيح
يصرخ ..
صلاح الدين
وينك..
صلاح الدين
مابه .. صلاح الدين
باي الدروب يطيح
باي الجهات يموت
بالقدس او حطين ..
جنوب والا شْمال
بالشرق
والا
الغرب ..
يارب ..
هالمعتدي .. سكين
تقتل بلا رحمه
وهاالمضهد مسكين
من جابته امه
عايش مع همه
جوع وفقر والآم
تمره الايام
ماذاق طعم الزاد
محروم ..
حتى الشرب ..
حتى
من
الاحلام


.

.


ماله من الجهات..
الا تَحَت
يحفر الارض في صمته ..
تَحَت ..
لين الاموات..
من جوفه صحت ..
شق الاخاديد
زنوده معاول حديد
وقلبه الصلب
يارب ..
,
,

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
معّول أوجاعه .. حَفَر = آخر أحلامه.. نفق
لاصرخ شق الصخر = درب .. طاول به شفق
يحفر الارض بقهر = يدفن احزانه ارق
للزمان اللي غبر = يلثم اغباره عبق
كلما صدره زفر = وكلما صدره شهق
عزّته طهر المطر = لنسكب منه العرق
غصن زيتونٍ خضر = ماهو عوسج واحترق
ليت له درب البحر = كان ماخاف الغرق
ليت همه هالسفر = همّ ..مفتاح وغلق
ليت يدري لا كبر = هو متى نوره شرق
صورةٍ بين الصور = نورها يحفر نفق
ليتها شعر وسهر = كان ماحزن الورق
من شعورٍ لاحضر = ضج باضلوعي.. خفق
ربي لك كل الامر = ربي يارب الفلق

؛[/POEM]

؛

رجّع
.
اللي
.
انسرق

؛

؛


يارب ..
يارب ..
يارب ..
تمم دعاي .. امين
فرج علينا الكرْب
اما نصر حطين
والا
اشرقت
من
غرب ..

.






وشكراً