:: صــوت نـجـري ::

[ثاني الدهمشي]

قديمة ولكنها غالية على القلب ..

أحببت التواصل معكم من خلالها ..

تفضلوا ..

:

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]يارب وفّقني لما فيه لي خير=مادام ضيّقها على القلب صدري
وما دامت أحزاني مشت بي مشاوير=ولا اوْقفَت إلا على قلّ صبري
من سبّة أفراحٍ يجي طعمها غير=ومن كبرياءٍ رافضٍ خلق عذري
ومن نفس ما تلقى سوى الدمع تعبير=ومن خافقٍ لا دكّه الهم يسري
أطلبْك لطفك لا اعتراض المقادير=وانت العليم بنيّتي قبل حبري
كل شي من حولي يخلّيني آدير=بالي لما يجري وانا كنت مدري
جساس لو يدري وش يسوّي الزير=ما حلّت اللعنه على كل بكري
لكني ادرك بعض الأشياء.. وآسير=في دربٍ اشواكه دلالات نصري
وانا على علم بعدم علم تقدير=بالضبط كم باقي من سنين عمري
عندي قناعة بإختلافي عن الغير=مثل اقتناع الغير بإبداع شعري
وهذا البلا..واللي جعلهم طوابير=ناسٍ تشوف بزلّتي شيّ مغري
واشوف انا بعيونهم وضعٍ يثير=ممّا يؤكّد بأن " لا حل جذري"
ودّي بهم ويّاي بس الأعاصير=دايم بما لا تشتهي السفن تجري
فْما والله القى لحسن ظني معاذير=لا صرت أبأمن مكر من ظنّ مكري
وابن آدم أفعاله مرايه لـتفكير=مثل قلمي يومه عكس شكل فكري
والشعر واحساسي ليا عاش تصوير=والحب وغيوم الوصل يوم تحري
لو كنت ما ابغاهم يجوني مسايير=ما صحّت خيوط الفجر صوت نجري
ويارب عوّضني بقلّ المخاسير=وصغّر بعيني دنيتي حين يطري:
بأني لو ازرع شعر واحصد جماهير=آخر مشاويري بدنياي قبري[/poem]


:

وسلامتكم .

 

[قايـد الحربي]

ثاني الدهمشي
ـــــــــــــــ
* * *



أُرحب بعودتك .

مناجاتك هذه نجاتك .. منذ النداء و الداء حتى أول الدواء
والشعر كذلك و لـ ذلك .. لا يُشفي بقدر ما يزيد الداء .

شكراً لك بحب و مودة .

 

[مشاري الشليمي]

.
.
.

ثاني الدهمشي
شاعر جميل

و لي الفخر بـ أنه أحد تلاميذي في الشعر

وفقك الله يا سيد ثاني

 

[ثاني الدهمشي]

قايد الحربي ..

الله لا يحرمني منك ...

ردودك لها وقع على النفس ..

.

محبك .

 

[ثاني الدهمشي]

تلميذي الوحيد

مشاري الشليمي ..

أنت شكلك من اللي يقال عنهم :

سبقني وبكى وضربني واشتكى ..


لأني ذاك اليوم قلت لك ابياتك مكسّرة ؟؟
جاي تقول ثاني تلميذي؟؟؟

الله يالدنيا !!


عموماً لا غرابة يا تلميذي !!


محبك .. ثاني..

 

[عودة نزال]

قديمك يتجدد

ويتمدد

بك ابداعا

وامتاعا ..


اعجبتني القصيدة ..


كثيرا ..


شكرا ياثاني ..

 

[فيصل الحلبوص]

كل شي من حولي يخلّيني آدير
بالي لما يجري وانا كنت مدري
جساس لو يدري وش يسوّي الزير
ما حلّت اللعنه على كل بكري
لكني ادرك بعض الأشياء.. وآسير
في دربٍ اشواكه دلالات نصري


الله عليك يا ثاني


جساس لو يدري وش يسوّي الزير
ما حلّت اللعنه على كل بكري


صح لسانك يا ثاني



اخوك/ فيصل

 

[جُمان]

ثاني الدّهمشي ..


لا شَيء يُشبِهُ هذا النّص العَذب وهذه المنَاجاة الشّفيفة ../ سوى عذوبَة الماء
رقيقةٌ كأنفَاسِ المؤمنين


شُكراً كثيراً لك / عليك

.

.