0 0 0 يـا مدعـــــــي 0 0 0

[خالد السويلمي]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يامدّعي لا تشتكي من شكالك=لاتضيِّع الهقوه تجيك المشاريه
واللي شكالك بـ اللوازم وجالك=جالك على الهقوه بك الطيب هاقيه
إبذل له المجهود واٌجْـهد ونالك=كفيل واضمن رد طيبٍ تسويه
خلّك لمنهو بـ الكرامه لجالك=ستر وذرى للي زمانه معنِّـيه
وعن لابتك حذراك تقطع وِصَالك= العزْ عزوه والمراجل مكاريه
ترى الزمان اللي صفالك لوالك=لاتامنه تَرْها قريبه مَعَاديه
واحذر خمال الجار يظهر خمالك=الياباع دم الوجه ملزوم تشريه
وإيَّاك تجزى بالجفا من وفالك=ومن لابكابـ فرقاك حذراك تبكيه
إعْزه لو انه واحدٍ من عيالك=عِـدِّه مع الاموات وإياِّك ترجيه
وحذرا يغرَّك من بطيبه حبالك=اللي يطيب لحاجته لا تخاويه
اللي يحظَّك كان وقتك صفالك = ويبغضك كان الوقت شانت لياليه
خلِّهْ بـ فاله وانت خلّك بـ فالك=جنِّب طريقه والردي لا تماشيه
إلياصار ما يسبق سؤاله سؤالك=عن حاجتك ينشد وش اللي تبي فيه
وحذراك تنسى بـ حاضرك ما مضالك=إحذر غرور النفس لا تتبع التيه
للناس ساس وللمهالك مسالك=وعند الصحيح يْـقصْ كلٍّ بثاريه
لاشك كف الهرج واللي شكالك =رجلٍ هقابك طيب واخطتْ هقاويه[/POEM]