طـقـوسـ الـراحـلـيـن

[محمد السالم]

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
الا يالله تجازي الراحلين وثورة الأوجاع = أداريها منين ولا دري حتى تجي منين

يحثون المطايا في المسير وتستشف القاع = وانا رقب في رجم حزني واصوت وينكم غادين

يغوص الناب في كفي بعد ما عقب الأصباع = طقوس تعتريني هكذا معرف لها تبيين

تخالط في ضلوعي حس عطش ردها القراع = على مشرع لئيم مايوردها على دلوين

اخايل في رحايلهم وهي تنحي مع المفراع = تهادا ماتعوج ارقابها في خدمة المقفين

تصاغر بي جهات الأرض وامقدهن وهن اوساع = اصوت للسعة ونبح صوتي والسعة ماتبين

يجاوبني قنيب يحرس اعياله وهن جياع = تعدوه الشواوي وابعدوا عنه وهم حذرين

تلج اضلوع صدره من صغاره والسباع سباع = تحامى عن محارمها وهاذي عادة الشرهين

تعديته أبادل في خِطا دربي وهن اسراع = إلى ضلعٍ تغنا في فضا راسه غراب البين

يلوح البرق في صدرٍ غدا لرياحهم مطواع = تكسر به قنيف وترجمة وضعه محاجر عين

تثنا في يدي رمح قنيته عادني فزاع = تعثر بي جوادي واعتذرت الهم وهم مخطين

تهب النود واستسغي لها كلي رهف واسماع = واحس انهم معاها يبخلوا عني وهم دارين

إلا يا نود زفي في صفيرك بلسم الملتاع = مامثلك يجهل اوجاعي ويجهل حاجتي تكفين

تزعزع بي يقيني لين قدني للودع تباع = أبحث في فناجين الطوالع واللعن التخمين [/POEM]