أنا يومه يغيب .!

[عبدالمحسن الطليحي]

أمانه.!

[POEM="font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أمانه ياقصيدي كان جا .. لاتحرجهْ=أنا مسامح خطاه ..ومابي بحبه دليل
أخذ منّي مواثيق وعهد " وجه لـ وجهْ=بأن لا أُشرِك بحبه و أتّخذهْ خليل!
وعاديْ!..لو نزل وإلا رقى بيّ درجهْ=أنا منّه كِذا وإلاّ كِذا أبقى أسيل
صحيح ظروفه أحياناً تجيني مزعجه=صحيح يحسّسَك أحيانْ إن قلبه بخيل
وأنا أحيان أبالغ فـ الجفا و العربجة=أقول أنّي أدور له بديل! ولا بديل!
ولكنّي أعرف بمعدنه.. وأستخرجه=إذنً .. بالرغم ما أقسى على قلبه أصيل
وهو بالرغم من حبه يُحب البهرجة=ومع إنّه يموت بسيرتي! طبعه ثقيل
ولولا فارسه لامن بغاه..إستدرجه=أبد..لاباح في حبه ولا فوّر عليل
أنا حاكم غلاه .. ومن غلاه آتوّجه=ولو إنّي على قلّة زياراته قتيل!
أنا يومه يغيب..أصبحت أدوّر هودجه=أحسب الرُكب وآنادي "لذو صبرٍ جميلَ"
لحقته ممتطي كرّاس شعر! ومسرجه=أجي له..وتعدي أقلام له..ويطيح حيْـل
كأني أسأل الصحراء ذيك..أين أتجه=ولاعبّرني الرمل وتِبعت آثار خيل
أخيْل بضيقتي في كل درب و مخرجه=وعيني ترتقب في كل زول أحدٍ نحيل
وحشني لاضحك غنّى بليله مُثلجه=سقاني من جداولها " نبيذ و سلسبيل "
وهو في خاطره ماضاق شيْ إلاّ أدرجه=يزوّد زعلته شيك برصيد المستحيل
يبيني! بس غاب! وهالغياب إستنتجه=على شفاه الجواب بكم باب لـ هالرحيل
كأنْ فلمه و أبطاله و هو و منتجه=وحتى مُخرجه مع طاقمه كلّه ذليل
إذا ذي ضيقته ببقى على وعد فرجه=و أنا صدري كبير و أوووف هالليله طويل
أخذ منّي مواثيق وعهد وجه لـ وجه=بأن لا أُشرك بحب وأتخذه خليل![/POEM]