[ .. غـن لا ضاقت عليك الوسيعه غـن .. ] .. !!

[حنان العصيمي]

بللنى مطرلــ.. اشواق
.. على باب الشتا والبرد
ومر الصيف
ياطول ايامه ماتنعد
ومرت ذكرياتى تشيل باقة ورد
انتظرتك ماوصلنى رد
ذبّلت الصبر والورد
وريحك بعثرت بالوجد
طبيعى إنى يوم انساك
وطبيعى كل فعل له رد
أنا يأسى اللى ودانى
على بيبان نسيانى
أنا النسيان
أكو نسيان فى الدنيا يتذكر

 

[سكون]

تعال/ اقلط على صدر الغلا بسلـوب
مدام انك علـى بالـي فـلا تبالـي

تعال/ اسقيك من شهد الحلا مشروب
واذًوب لك شفـاه الحكـي بلحالـي

واولًع لك شموع العاطفـه بـدروب
تنور لـك زوايـا المقعـد الخالـي

تعال/ بليلة وحده نعيـش حـروب!
اجل في ليلتـي .. سلمـك تهيالـي

تبيها / رقصةٍ حره علـى المسحـوب
يدوزن لـك بقايـا اللحـن موالـي

تبيها / هرجـةٍ عذبـه تفـك كـروب
بسولف / لك عن عيونك وترحالـي

تبيني لعبتك؟ ابشـر بـلا مغلـوب
بكيفك ( لعبتك ) خذني علـى فالـي

تبي صمتك وانفاسي تصير( اقروب)
ابسكت واسمـع انفاسـك بمقيالـي

تبيني اقرب لشعرك مـن المطلـوب
تعـال افتـح دواوينـك لـ ياماااالـي

واغير وجهتي لاجلك تصير اغروب
اذا هالشرق ماجابـك علـى جالـي


تعبت ارسم سهم واحد يصيب قلوب
يسيف لك كـروت الحـب جوالـي ...




بلا (ارسل) ..

بلا (لحظه)...

بلا (مندوب).....

مناديـب الولـه تكفـي لمرسالـي


هنا / (ياعزوتي) دونت لك مكتـوب
تفضل يالغـلا .. لاجلـك وكرمالـي ........!!

سكون

 

[سعـد السعـيـدي]

:
ليه ساكت ؟ وداخلك زحمة حكي !
ليه تضحك.. وفيك عبرااات وبكي
ما تعبت و ضقت ليما تتكي

ليه همك وانت آخر همهم
ليه ظنك في رجا باقي بهم
ضاع عمرك.. ضااااع في مداراتك لهم

( نوال الكويتية )

 

[باتل عبدالعزيز]

بتشوف ناس .. وتحب ناس
وتنسى وأكون بدنيتك .. واحد من الناس
كنت أتصور إني لك .. وانته عارف منزلك
جدّت ظروف .. وعينك تشوف
صرت بصعوبه أقابلك .. صرت بألم اشتاق لك
سلمت .. انا مالي غير الصبر
آه لو تدري بعد هذا العمر
إسمك إذا مرني .. يعطرني عطر
آه يا كل العمر
كون بمكاني وشوف عانيت شكثر
بتشوف ناس.. وتحب ناس
وتنسى .. واكون بدنيتك واحد من الناس




فائق عبدالجليل

 

[حنان العصيمي]

المعذره ..
قلبي ولا اقدر اجبره يمشي معاك باجي الطريج
المعذره ..
عمري ولا ابي اخسره واخلي همك له رفيج
كافي اللي حاصل ... ماقدر اواصل
ولا تجبر اللي يوم حب يحس يوم انه كره

عشتك وهم عشتك الم عشتك دموع
صعب استمر صعب احتمل صعب الخضوع
وآسف اذا انا قلتلك صعب الرجوع
كافي اللي حاصل ... ماقدر اواصل
ولا تجبر اللي يوم حب يحس يوم انه كره

ارحل بلا تجريح يبقى الرحيل اريح
سابق خطاوي الريح مثلي ولا تسمح
للشوق لي نادى صبر
للذكرى لو خلت اثر
ارحل .. ارحل بلا تجريح
كافي اللي حاصل ... ماقدر اواصل
ولا تجبر اللي يوم حب يحس يوم انه كره

 

[بدر العرعري]

روح .. ولاتنسى يوم .. إنه حبايبك هنا .

 

[سكون]

حبرا لقصيد:المطر، والعشب:الأبيات

والبيـد:الأوراق ، والغيـم المحابـر

والشعر كله ، وشعر الـذات بالـذات

هـو: الفرج،والقلم:مفتـاح صابـر

والكون قبـل الكواكـب والمجـرات

غبار يمـلا المكـان بوقـت غابـر

لين إنكمش وإنفجرفي سبـع ليـلات

بأمر الخبير الـذي بالأمـر خابـر

والعمر مشوار وسنينـه ...مسافـات

والحي يقطع سنيـن العمـر عابـر

يمشـي ولاينتهـي عمـره إليامـات

يبعـث ولا ينقطـع للـدرب دابـر

واليوم صم المدينة سمعـوا أصـوات

صاحوا بها البكم في روس المنابـر

المقبرة ماهي إلا : حـي الأمـوات

ومساكن الحـي : للأحيـاء مقابـر

والمجتمع : وحدة الأفـراد الأشتـات

متفاوتيـن المظـاهـر والمخـابـر

أعادي الصحبة.....أصحاب العداوات

اقراب وأغراب وضعـوف وأكابـر

أحـدٍ معاناتـه: إن مالـه معـانـاة

وأحـد مثابرتـه : إنـه مـا يثابـر

وأحدٍعلى جفـوة الخلان....شمـات

وأحدٍعلى خـوة العميـان ...سابـر

الناس..عـز الله إن النـاس مـرات

حتى على الأعـرج تسـدا لمعابـر

يارب...لي مثل ما للنـاس عثـرات

اجبرنـي أكـون للعثـرات جابـر

أنا لو اقدر أكابـر بعـض الأوقـات

في كل الأوقـات مـا اقـدر أكابـر

رشيد الدهام

 

[خديجة إبراهيم]

غريبة حالة الدنيا..غريبة لعبة الإحساس
................................................ .كثرماتصون لهم عهدك..كثرماهم يخونونك.!!