مرثية فالشيخ عطية مانع الرحيمي المطيري

[عبدالله البطي]

فقيده يالرحيمي ياعطيه
على كل القبايل يالسنافي
لون لي بالمنايا مقدريه
حرام الموت ماياصلك لافي
خوين ماتخلى عن خويه
وفى معنا وعند الناس وافي
سخي واكفوفه البيضا سخيه
عليه اعبار من عيني ذرافي
الا ياليت ماذاق المنيه
ولكن حكم منشي كل خافي
بكى الطايف وناحت فالحويه
الشوارع والمنابر والسوافي
بطون البيض ماتالد عطيه
عطيه سمح واكفوفه غرافي
يحول الحول مايلفيك زيه
ولابه شي يالسامع يعافي
كتبت وقلت والدمعه عصيه
على عين الذي للنوم جافي
غدت عيني من الفرقا ضحيه
وروحي مالقت فالدمع شافي
لكني مؤمن برب البرية
وهو لاشك في نجواي كافي
عسى يسمح ويغفر كل سيه
ويهل الديم من ينبوع صافي

 

[بدرية البدري]

رحمه الله وأسكنه فسيح جناته

عبدالله البطي ..

بارك الله فيك على هذه المشاعر الطيبة والروح الودودة

فائق تقديري