[ برود >> أبـعـاد << كاست ]

[صالح العرجان]

ملّتني أحلامنا ..... من كثر ما اكتبها
مير البلى ... منت مكتوب .. بمقاديري

تشبه قصيده .. سهرت الليل ... أرتبها
وبالصبح /.. قدام عيني .. تُنسب لغيري !

 

[صالح العرجان]

.

سلَمتـه الــروح واغليـتـه عـلـى [ الـبـدَه ]
... يرعـى مفالـي حـشـاي ، ويــارد عــدوده !

مـن كثـر مـا اتـوق لـه ، واغليـه ، واودَه
... تنقص مقامات بعـض الناس من [ زوده ] !

 

[صالح العرجان]

جيت و الصدر سلّة و الضلوع الورود
..... وسطها قلب يشبه وردة الأورِكِيْد


جيت و الحب يرمي بابنا بالوعود
..... كنّه اللي يبي حلواه في يوم عيد !


جيت لك.. لوّنتني لهفتي بـ البرود
..... مثل ما هالقصيده لونها من جليد !


كل عام إنتي الدنيا و نور الوجود
..... و إنتي لحالك بقلبي و أنا بك وحيد

 

[صالح العرجان]

حتى وأنا فاقد ... صباحات خيرك !
حتى لو الإحساس ... لا قلتها غير

أسمع صباح الخير بأصوات غيرك
وأتخيل إنك قلتها ... وأصبح بخير

 

[صالح العرجان]

تجيني طيف ..
وأمرر بالهوى يدي ..
أحاول أمسكك !! لكن ..
أبعرف كيف ؟

 

[صالح العرجان]

كل ماقلت الهوى باله طويل
كل ما دمعي من جفوني دنا


يووه ياشحّ الصبر عابر سبيل
منّ ، في دافي يدينه و انثنى


مابقى فيني حمامات و هديل
ومابقى فيني محاصيل و جنى


لو جفاف الوسم مدميني ب اسيل
مثل ماني كنت انا ، ببقى انا .. ؟!

 

[صالح العرجان]

لو جفاف الوسم مدميني ب اسيل
مثل ماني كنت انا ، ببقى انا


لو سألتوا:ليش بختار الرحيل
وليش مابه شيء باقي مافنا


وليش خصر احلامها ذابل هزيل
عقب ماكانت جناينها غنا


ماتعودت انتظر رد الجميل
عيب في سلم الاماني عندنا


والله اني مامعي خافق بخيل
و حلم يوجعني كثر ما انحنى


مستحيل امد لك شيء قليل
وقلت ابترك كل حاجه لك هنا

 

[صالح العرجان]

يا صاحبي توّي صحيت
لو نمت ، قلبي ما هجع !

بكيت ولا .. ما بكيت !
أصل الوجع نفس الوجع

فكّرت ترجع ، او نسيت ؟!
شوف الشتاء حنّ و رجع !