[ برود >> أبـعـاد << كاست ]

[صالح العرجان]

اقـل مـن مـره تقابلنـا وأقـل مـن القلـيـل
واكثر من ميـة مـره اسمـع صوتهـا وارتابلـه

بنت الرجال اللي نهار الهـوش يشفـون الغليـل
وأم العيـون اللـي تهـد الجيـش يـوم تقابـلـه

عريبة المنسب مـن الجديـن مرويـن الصقيـل
وبنتٍ لفـارس قومـه اللـي يحسبـون حسابلـه

فيها ثلاث اشيـاء ماهـي عنـد نقاضـة جديـل
عقـل وجمـال وعفـةٍ تسـوى البـلاد النابـلـه

 

[صالح العرجان]

على آخربصيص من الأمل ..لآخرشعاع النـور
توسدت الطريق ..ورحت أجاوب كل ساجع ورق

أبادلها الغنااللي ينـوزن بحـره ..وأنامكسـور
وهي مثلي تبادلني وجعها ..بين طرق ..وطرق

تهجّتني ..وقالت:فيك حنيّـه ..وفيـك غـرور!
وأنا حنيّتي متواضعه ..!بينـي وبينـك فـرق!

 

[صالح العرجان]

::


يـا لـيـتـنـي ’ كـبـرك ، ولا ادري عـن الـنـاس ؛
ولا اشـوف نـاس ٍ بـالـ / خـفـا ؛ يـظـلـمـونـي .... !


رح قـلـّهـم انـه فـقـد كـل .... الاحـسـاس ...
أو قـلـّهـم .... | دمـي | نـزل مـن عـيـونـي ... !


::

 

[صالح العرجان]

يامرك قلبـك بالوفـا لـي وتنهـاك
ناس (ن) على لاماك تفـرك يديهـا

رزين عقـل ومـن مزايـا مزايـاك
نفسـك تحـب وعفتـك تمتطيـهـا .. ؟!

 

[صالح العرجان]

الجمره ان ماتت فلا ينّفـع الكـرّ
مافادهـا الشبّـاب لـو زاد كـرّه .. ؟!

 

[صالح العرجان]

ما هي بيدي ..لا صرت مشغل "بعض" ناس
ولا هي بيدي لو "بعض" ناس كرهوني..!!

 

[صالح العرجان]

.:.

مـن ’ غـلاهـا ، في حـيـاتـي كنـت اسـميـها / أمـيـره
مـن غـلايـا : فـي غـلاهـا : كـنت انـا [ كـلـّي ] غـلاهـا ؛؛

مـن صغـرهـا فـي عـيـونـي , كـانت بـقـلبـي ’ كـبيـره ،
مـن كـبـر حـظـي مـعـاهـا ... ابتـدى عـمـري معـاهـا ..

كـان يـميـّزهـا عـبـثـها كـانت بـ / عـيـني مـثـيـره
كـان حـرف ’ الـراء ، اجـمل مـا يمـيـّز في : حـكـاهـا

كـانت : اطـهـر : ذنـب فـيـنـي ، اعـترف انـي | اسيـــره |
ابـتـدي مـن منـتهـاهـا ,,, و انتـهـي من مـبـتـداهـا ... !

.:.

 

[صالح العرجان]

.
.

احيان..! اعيش بداخلي لحظة ايمان ..
واحيان..احس اني مجّرد انـــانـي.!

احيان ..اقول ان الزمن كله احيان ..
واحيان ..اقول احيان كذبة زماني.

هذا انا.. والا أنا حالة جنان ،،
والا أنا عقلي ،، وهذا جناني ..

يامعشر الانس العفاريت والجــان
البارح ..اللي جاني العام .. جـــاني.!

والله .. لو بقلوبكم ذرة احسان
ماتتركون اللي يعاني .. يعاني..

.
.