بوح....ي ؟!

[عبدالله صلال العساف]

هنا مركون ع اطرف طاوله متنطّر الياتون
وكل مقرى وجوه اللي اقبلو استفقد احبابي
بتفاهة عذرك اتذكّر على هامان يافرعون
واحس ان المدينه ضايقه من نشوة اعرابي

 

[عبدالله صلال العساف]

بعْض السوالف تغيض الناي
يكفيه مابه من اشجونه
مو قلت لك يالغلا بهداي
مشجونكم لا تعزفونه

 

[عبدالله صلال العساف]

كل شمعه انذرت عمره وجت تفتديك
ودها اتكون أول شمعةٍ تنطفي
جمرة اشفاك تروي الشمْع من يحتريك
وكل شمعه ترجّى ابشفّتك إف..ف في

 

[عبدالله صلال العساف]

تعجبيني كثيرا حينما تمتطين كعبك العالي
وتركظين بدلع في الصاله
....هنيئا لوجوه الطرقات بخطواتك

 

[عبدالله صلال العساف]

سافرت لكن كلكم في حناياي
واشوفكم بين السطور وحروفه
للكل منكم حصه ابّحة الناي
والنهر عمره ماتناسا اجرروفه

 

[عبدالله صلال العساف]

خلّك مثل ناي الحزن
في لجة الافراح
يهني الناس باحزانه
خلّك وطن
لا جاع الفقير وصاح
يلقاك اهله واخوانه
خلك لو تروح ازمان
لو يتبدّل الانسان
لو تذبل وجوه
وتنكشف الوان
خلك دوم اخو افلانه
خلك دوم اخو افلانه

 

[عبدالله صلال العساف]

لا جيت ارتّب دمعتي عالمناديل
تستوعب اكفوفك سوالف حنيني
سؤال سولفته على مسمع الليل
ولا جابلي هذا الدجى مايفيني

 

[عبدالله صلال العساف]

الناس تحتار بالالوان..؟
والاّ انت كل لون يلبقلك
صدّق قبل تلبس الفستان؟
احس قام ايتفزّزلك
بنعومتك ذايب الكتّان...؟
لا تلبسه هو تلبّس لك..!