[ برود >> أبـعـاد << كاست ]

[صالح العرجان]

كل الأماكن " وطن " وعيونك " المنفى
" وأنا غريب لقى في عيونك ديـاره

يا ساكن القلب خذني للوجـع تكفـى
مادام ذنبي كبير اكبر مـن اعـذاره

البرد موحش دخيلك بس كيف ادفـى
واعصاب جرحي من التأنيب منهـاره .. ؟!

 

[صالح العرجان]

مادام ان الامل بقيود هالعتمة غدى مكتوف
أنا بعزف على شباك صبحي ضحكة سكاتي

على الميعاد ياجرحي / تخيَّر بالحنايا وطوف
ويادنيا إذا عندك زيادة من "ألم " هاتي ..!

 

[صالح العرجان]

:

ضد الوفا ماهو خيانة على طول !
ناظر ترى يمكن يجي " قل حيله " .. ؟!


.

 

[صالح العرجان]

ياهلا واهلا هـلا ياهـلا واهـلا هـلا
لو هلا تكتمل على الكل لـك ماتكتمـل

صوتك يجيني منه شر ويجيني منه بـلا
واتظاهر كن مابـي خـلاف ولا زمـل

والا انا والله ان في البـلا هـو الجـلا
ويتدابا معي شيٍ مثـل ممشـى النمـل

وانت ماشفتك ولا ادري من ايات المـلا
وكان شكلك مثل صوتك ثبت قول وعمل

ليت يـوم الله خلـق خلقـه بليـا حـلا
أوخلقهم فـي حلاهـم وخلاهـم همـل .. ؟!

 

[صالح العرجان]

من يوم غابت ضحكتك
ماظل فعيوني ضوا
ولا ظل بي غصن ٍ ندي
ولا ظل بين الناس حي !!
حاولت ادور لك شبيه
حاولت ...
لكني اتيـــه .. ؟!

 

[صالح العرجان]

يجيك الذل : من أقرب بشر في دنيتك | وتنام ,
عسى نومك يبدد لك : ضياعٍ سبّبوه اقراب !

وتاخذ من عمر صبرك : لحاف | ومسندة أحلام ,
ايلين تغيب عن نفسك , ولا تذكر جرح وأحباب !

 

[صالح العرجان]

الشعر : حكمة .. وإرتباكة ! .. وتصويـر !!
يغنيك صوته .. عن جميـع .. / الغنـاوي!


مرات أحسّه ( ماء ) ! .. إن جاز .. تعبير !!
ومرات أحسّه ( داء ) .. لكن .. يداوي !!!!


ماكل من يقرا الشعر .. يفهمك / ... ميـر :
أطعن ظنوونك ... لاقدحت... الهقـاوي !!!

 

[صالح العرجان]

لبى العيون اللي ترامش تبي النووم

ولبى الدوام اللي مخليك صاحي .. ؟!