وقلبي ذاب

[سلطان الغنامي]

.


كلّ ماحاولت اغنّي على الطاروق
ـــــــــــــــــــــ عادت اوجاعي تراكم وقلبي ذاب

مابقى في طبع الايام ذرّة ذوق
ـــــــــــــــــــــ علّمتني وش يكون الهوى الغلّاب

ان ستر عِرْي الوله ثوبه المفتوق
ـــــــــــــــــــــ ماستر وقتٍ سرقني بضحكة ناب

راح كلّ العمْر اقول العمر ملحوق
ـــــــــــــــــــــ لين وجه الدرب من دون ما اشعر شاب


ليت لي فكرٍ يسجّ انبسط واروق
ـــــــــــــــــــــ كان مادوّرت خلف الشتات اسباب


اجمع ارقام وأسامي والمّ الشوق
ـــــــــــــــــــــ وارجع انثرها حنين وقلوب احباب


تمطر الذكرى وتلمع سماي بروق
ـــــــــــــــــــــ وافتح لصبْحي نوافذ على الغيّاب


افتكرهم ويتساقط صور من فوق
ـــــــــــــــــــــ واسمع اصوات ويطير الحمام اسراب


واكتشف بانّه وهم من عمر مسروق
ـــــــــــــــــــــ غربةٍ ماتجمع الا وجيه اغراب


ياخسارة حبي وقلبي المحروق
ـــــــــــــــــــــ من كثر ماذاق طعم المواجع ذاب
..

 

[ميــرال]

كلّ ماحاولت اغنّي على الطاروق
ـــــــــــــــــــــ عادت اوجاعي تراكم وقلبي ذاب

هذا الغناء رغم جراحه شجي
مااعذب الشعر ان حضر بكل بساطه وعمق
الف روعه

 

[سلطان الغنامي]

.
.
مليون شكر ياميرال لاتكفي

لك التقدير والاحترام اكثر بكثير واعمق

تحياتي وامتناني لروحك

اخوك : سلطان

..

 

[شقران الزيادي]

راح كلّ العمْر اقول العمر ملحوق
ـــــــــــــــــــــ لين وجه الدرب من دون ما اشعر شاب

سلطان الغنامي/.. غيمة شعر تمطر من علو يفوق السحاب وأعلا
عندما اقرأ نص جديد لسلطان اهيئ نفسي لمجموعة من الصور البكر
التي تخطفها ملكة الغنامي سلطان

سلطان بك يكون الشعر اجمل وارقى
دام نبضك يا شعر

باقات شعر وانا

 

[فهد الماجدي]

اجمع ارقام وأسامي والمّ الشوق
ـــــــــــــــــــــ وارجع انثرها حنين وقلوب احباب


تمطر الذكرى وتلمع سماي بروق
ـــــــــــــــــــــ وافتح لصبْحي نوافذ على الغيّاب


الله الله موجع هذا الحنين والذكريات,, بعد غياّب الاحباب والاصحاب

صح السانك ولاهنت يالغالي الغالي

التحيه والتقدير,
\

 

[أمجاد محمد]

ذابت قلوبنا بهذا النص الجميل
شكراً لك

 

[منتهى القريش]

يا أبو ديمه

عمرك شفت مجرم يتسم بالبراءة؟
هذا إنت ..

وعمرك شفت مجني عليه يبتسم ويكون طربان؟ ..
هذا احنا ..

انت الجاني البرئ .. واحنا المجني عليهم وكلنا رضا ..

الله يخليك للشعر يا سلطانه ..

 

[ميــرال]

تمطر الذكرى وتلمع سماي بروق
ـــــــــــــــــــــ وافتح لصبْحي نوافذ على الغيّاب


تنهيده