تعال واكتب حالتك/لحظتك شعراً ..!

[ناصر حطاب الدهمشي]

[ برج المملكة ]

جيت عاني من بعيد
من بلاد ٍ ليلها طفل ٍ وليد , و صبحها طالب يردد
للوطن أجمل نشيد
جيت من صدر الشمال ممتلي فيك وّحيد .. !
أنت ِ وش لك بالطويلة ؟ بسألِك
أنت ِ يومن شفتي وجهي
وش قريتي به جديد ؟
خلِّي وجهي .. أبغى صوتي أول أول ما ندهتك
ما سمعتي به قصيد ؟
يا أميرة .. داخلي زحمة طواري و اسئلة !
تزدحم في شاعر أسمر .. اسمعيها ابْكل وله
ليش أوَّل ما جلسنا شيلتك قامت تزيد
المسافة بيننا !
و ليش أوَّل ما حكينا بالشعر , الستاير و الكراسي صفقَّت
لـ اثنيننا ..
حتى أكواب العصير !! قامت اتنادي يدينا :
قرِّبن قرِّبن قرِّبن ودي أطييييير
للشعر بحلوقهم
للهوى بعروقهم
للغلا للأمنيات
للسهر للظَّاميات النابتة بصدورهم ..
لآخر حدود المداد اللي ابتدت بعيونهم
و انتهت بقلوبهم
و انولد عشق ٍ جديد
آآآآآآه منِّك .. وين كنت ِ من زمااااااااااان .. علميني ؟
هاتي أي عذر ٍ قبيح .. واوعدك بااااااا صدِّقه , و إلا أي حلم ٍ جميل
يشبهك بااااا حقِّـقه ..
حسسيني انِّك أنت ِ تعرفيني من قديم , حسسيني إننا مبطين
ما شفنا بعضنا .. و اننا قبل التلاقي ذا فقدنا الذاكرة
ما قضيت و طالبك لا تنقدييييين
باقي ٍ فيني سؤال
بسسسسسسس مدري مْـنيييين مثلي يبتدي بِه .. يـ الحبيبة
يوووووووه جاوبت المُحال ..!!
كنت ابسأل أنت ِ منهي ؟
يـ الله يـ الله
يـ الله نامي الوعد حلم ٍ .. بعيد
الوعد حلم ٍ بعييييييييييييييييد
بسسسس مو بالمملكة !
.
.
ناصر حطاب الدهمشي

 

[ناصر حطاب الدهمشي]

كيف حالك ..!
هو صحيح إنَّك لحالك .. ؟
هو صحيح البرد
جمَّد في مشاويرك خيالك ..؟
ليه أطوِّلها عليك .. و كل ما فيني يبيك
ليلة البارح لمحتك من بعيد
ما معك غير .. أنت
و اِغياب ٍ جديد
و ارتحال ٍ علَّمك تمشي وحيد
و دامي شفتك يا وحيد
في منامي
من بعيد
مابي أعرف
كيف حالك
بس أبعرف شي واحد
هو غيابك وين شالك ؟
هو غيابك وين شالك ؟
هو غيابك وين شالك ؟
.
.
ناصر حطاب الدهمشي

 

[حنان العصيمي]

المشاركة الأصلية كتبت بواسطة داليا العنزي

حنان حنان حنان
لذوقك وقلبك وروحك العطر ياطهر

ولجمال روحكِ وبهجتي بكِ بساتين من الياسمين



هاذي حياتي
غنها لي قصايد
مرً على الهين
ومرً على الكود
وعمــر الفتى لحظـات
هين وكـايد...
واسمع من الخفاق
رجعً ومــردود.....

( خالد الفيصل )

 

[سعيد الموسى]

بيني وبينك بياض وليل !
ــــ مابينها بحرك ومركب !



مجدافي الصمت !
مجدافك !
ثوره من الموج
وأنهارك !
ياليت حظّي وحظّك
ناس !
تزرع حجر ينبت الياقوت !
الحمدلله ماضقنا
دام الدعا
يسقي التربه !
عطني يِدك ... وارفع ايديني !
خلنا نقول :
الله الواهب !
لو بعت ثوبي
وهو ثوبي !
ماآمد يدّي لوحل الناس !
خلنا نعف أظفر إيدينا !
الشعر يوهب !
ولاينباع !
*
*

 

[بَقَاءْ]

عقدْ وثِمآن سنينْ
يا عمري خيييييييـبة ~
مَدري وش اللي كآيد الحظ يآ يُـوم !

 

[حنان العصيمي]

هلابك في حنايا الصدر لك مرتع ولك منزال
ولايمكن يغيره الزمن لو طول غيابك

رضيت بحلوك ومرك ولاأسمع هرجة العذال
رغم كل الظروف اللي تصادفني وأنا أشقا بك

وأنا في غيبتك عايش ولكن مهتنالي بال
يراودني خيالك وانت قاسي بقرب أحبابك

ماتدري يابعد عمري بأن العشق هو قتال
ولا يرحم أسيرٍ فالمحبه صار يرضا بك

( .. )

 

[عبدالله صلال العساف]

خليت شعري وشوشه بإذن شبّاك؟
خجول ..ينطر كلمةٍ ..من خجوله؟
هالناس ودّي تسمعن من شفاياك
الشعر يحلا يوم ...ثغرك يقوله
عبدالله صلال العساف

 

[غاده]

الله يهديني ف - بُعدك - ويهديك ،
ويشفيني منْك ومن مرض إنتشارك !

كل عام وانت بخير من قبل أخليك ،
أخاف - ما أقدر - أدق ، / وأبارك !

تقبّل الله طاعتك - جرح مغليك -
معذوُر به - لو ما بديت - اعتذارك

العيد قرّب / وأنت جتني عياديك ،
أثريتني - إحساس - رغم افتقارك !

عايدتني بـ / غيابك وجيت - أهنّيك :
شكراً على جرحك - وعيدك مبارك - !

(؟؟؟؟؟؟؟؟؟)