][ قررت انسى جرحك اليوم وآتوب ][

[عبدالعزيز الرقابي]

[poem=font="traditional arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] قررت انسى جرحك اليوم واتوب=وانسى زمان ٍ عاجز ٍ لـ / يتذكّر
احيان انا انسى مع البعد محبوب=وهذاك محبوب ٍ نساني وتنكّر
بعض الوفا ماهو مع الناس مطلوب=راحل بعيدٍ عند الأغراب وكّر
وانا تراني شخص بلحيل طيوب=رايق مزاجي دوم صعب يتعكّر
من تبوك الورد سافرت مشبوب=وقلب المعنى لي بالأقفال صكّر
مشيت انا بالشام وحسيت بالشوب=وجلست بجنينة خضارٍ أفكّر
رويان عُوده ماهوب حيل دبدوب=ينقال له ريم ٍ وصعب ٍ أحكّر
ينساق عطره داخل الروح مسكوب=وينساق فيني عشقه اللي تشكّر
والله لولا البعد ماهو بمكتوب=حرام لأكتب له من الشعر سكّر
كتبت انا قافي على طرق مسحوب=يمكن مع الأيام ليّه يتذكّر[/poem]

أتمنى ان تجد نافذه إلى قلوبكم
عبدالعزيز الرقابي

 

[نوف سعود]

بعض الوفا ماهـو مـع النـاس مطلـوب

راحــــل بـعـيــدٍ عــنــد الأغـــــراب وكّــــــــــــــر

.

.

الله .. الله

صح الله لسانك الاخ القدير / عبدالعزيز الرقابي ..

نص فآخر باذخ المعاني ..

شكراً عالدعوة ..

تقديري وتحيه ..

 

[وديع الأحمدي]

عبدالعزيز الرقابي ,

محببة هي النصوص التي تأت هكذا , بلغة بسيطة تنبض بالحياة ..
لكن - ولسعة صدرك التحية - اختل الوزن في هذا الشطر :
مـن تبـوك الـورد سـافـرت مشـبـوب

ولعل خطأ إملائيا ساهم في هذا الاختلال ,,,
شكرا لرحابة روحك , وألفقك ...
دمت بود


تحاياي

 

[ماجد العيد]

عبدالعزيز الرقابي ..
خفقات حرفك أحيت شعراً ..
أشكرك كثيراً ..

 

[زينة الناصر]

اخي الكريم عبد العزيز الرقابي .
شعرك مليئ بالحياة ..و ممتع للغاية ..
دائماً سوف اتبعك ..
تقديري

 

[عبدالعزيز الرقابي]

المشاركة الأصلية كتبت بواسطة مجدولينا

بعض الوفا ماهـو مـع النـاس مطلـوب
راحــــل بـعـيــدٍ عــنــد الأغـــــراب وكّــــــــــــــر
.
.
الله .. الله
صح الله لسانك الاخ القدير / عبدالعزيز الرقابي ..
نص فآخر باذخ المعاني ..
شكراً عالدعوة ..
تقديري وتحيه ..

صحت أبدانك كاتبتنا المتألقة مجدولينا
وحضورك أضاف للنص وزاد من روعته

شكري من الأعماق

 

[عبدالعزيز الرقابي]

المشاركة الأصلية كتبت بواسطة وديع الأحمدي

عبدالعزيز الرقابي ,

محببة هي النصوص التي تأت هكذا , بلغة بسيطة تنبض بالحياة ..
لكن - ولسعة صدرك التحية - اختل الوزن في هذا الشطر :
مـن تبـوك الـورد سـافـرت مشـبـوب

ولعل خطأ إملائيا ساهم في هذا الاختلال ,,,
شكرا لرحابة روحك , وألفقك ...
دمت بود


تحاياي

وديع لقد أسرت النص وصاحبه بجمّ تواضعك
وأحسنت في ملاحظتك
شكري وامتناني