كل واحد يقول وين كان مكانه بصراحه ..!

[نايف السميري]

المشاركة الأصلية كتبت بواسطة غاده

الا ملح بس كانت الاستاذه تسوي مربي القرع <الحمدلله

وخلصناالعلبه كلها ولاخربت الطبخه

ههههههههههههههه ..

وش مربي القرع ..؟

 

[أماني بنت محسن]

يسعد صباحات الهجولة

:

أنا عن نفسي كل مرحلة ولها مكان حسب الطاقه اللي عندي
بس كنت سوسه , معلماتي يمدحون هدوئي ومادروا إني أساس ضحك البنات بالفصل .
والله أحلى المراحل كانت ذكريات ( بس مو قديمه توني متخرجه )

:

 

[أماني بنت محسن]

المشاركة الأصلية كتبت بواسطة عبدالله العويمر

هلا والله ساميه

تدرين
كنت انا واخوي الي اصغر مني بسنة اولى ثانوي-درست متأخر سنه-

المهم كنت دايما في الاخير واخوي في اول كرسي والاقلام الوااان معاه والدفاتر

المهم

كان في مدرس كيمياء اتوقع والله العالم في عينه اغث خلق الله انااا

في يوم من الايام كان يكتب على السبوره والطلاب ينقلون من السبوره وانا قاعد اتفرج واسولف بشويش

المهم جاني

قال وانت ليش ماتككتب يالامير

قلت اخوي يكتب

قال : واذا كتب

قلت : اخوي يكتب وانا اشرح له نهاية السنه

اقسم بالله ارتفع ضغطه

وطردني من الفصل

المهم

درات الايام واختبرنا وطلعت نتايج اولى ثانوي وكنا انا ومجموعة من الطلاب عند الجدار نشوف النتايج وشافنا ومر وسأل اللي معاي -وكانوا مؤدبين وجيدين -سألهم عن نتايجهم وكلهم والله اللي رسب في ماده واللي في مادتين والتفت علي باحتقااااار وقال: وانت


ضحكت وقلت ناجح

ماصدق قال قل الصحيح ، حلفتله اني ناجح وسألني عن اخوي قلت راسب بمادة ،، وماااات ضحك واخذني لغرفة المدرسين وكانوا مجتمعين وسألهم كم تتوقعون معه ماده ، وطبعا هات ياتحطيم اللي يقول اربع واللي يقول اعادة سنه ، قالهم تراه ناجح هههههههههه

نفسي أصدق .
ماأدري احساسي يقول أن الأساتذه نجحوك بالرفس يبون الفكه .

 

[نايف السميري]

المشاركة الأصلية كتبت بواسطة أماني بنت محسن

يسعد صباحات الهجولة

:

أنا عن نفسي كل مرحلة ولها مكان حسب الطاقه اللي عندي
بس كنت سوسه , معلماتي يمدحون هدوئي ومادروا إني أساس ضحك البنات بالفصل .
والله أحلى المراحل كانت ذكريات ( بس مو قديمه توني متخرجه )

:

ههههههههههههههههههههههههههههههه

هلابك / اماني ..

حلووووووه سووسه ..
بس هذا ذكاء منك يعني تكسبين المعلمات وفي نفس الوقت
تستأنسيين ..

 

[حنان العصيمي]

والله يا بوباسل
أنا كنت سوسه مثل أماني
ومسوية شطوووره
ومو مشكلة أي مكان يحطوني فيه طال عمركم

وصباح الورد

 

[بندر الصقر]

المشاركة الأصلية كتبت بواسطة نايف السميري

جداً ..
هم الاخير وماقبل الاخير مكان الهجولة ..
عبدالله ، احسه يتنقل ماثبت بمكان واحد ..

اما بندر وسعيد ، مدري ليه احسهم بالاخير ..

اجل بصدمك يابو باسل ههههههههههههه

انا كنت من النوع اللي كل شوي مدرس مناديه يخليه يشرح للطلاب عشان يحرجهم , ولا فيه مسابقة ولا معسكر مايرزوني فيه مع المصاريه والدوافير
والله كان عندي فوق العشرين شهادة شكر وتقدير ومع ذلك انفصلت اربع مرات ودرست بأربع مدارس بالثانوي بس ولايمر اسبوع ماتوقف فيه ودرست سنتين ثاني علمي وماقدرت في الرياضيات فحولت ادبي ..
اما بالنسبة للدرج انا متنقل يعني في حصة الانجليزي مثلا اكون في الصف الأول لأني احبه واحب استعرض على الطلاب المتنحين , وكذلك في حصص الدين .
وفي حصة الرياضيات أكون في الصف الثاني لأني مدري وش السالفة وابي المدرس يقدر موقفي
وفي حصة الاجتماعيات تلقاني بالصف قبل الأخير استهبل شوي واشارك شوي ,
في ثاني أدبي كنت بالصف الأخير استهبل واشارك واخذت الأول على فصلي والثاني على الفصلين
وفي ثالث أدبي كنت في الصف الأخير في الترم الأول وجبت 91% بس
فكنت مضطر النصف الثاني اثبت وجودي ورفعت النسبة لـ 93%

اما سعيد أحسه من النوع اللي مايصير شي بالفصل الا يوافق عليه وخصوصا تأجيل الاختبارات

 

[عبدالله العويمر]

المشاركة الأصلية كتبت بواسطة ساميه العمر

اهلين عبدالله والله لك فقده كبر راس أماني الثابت << بايعتها
أكيد انه انجلط منك والله مالومه شكلك غاثن ابوووووه مو بس هو .. وماتوقعك تنجح
ذكرتني في ابلة التاريخ الله يرحمها
كنت اجلس في الاخير دايم واسولف كثير مع اللي بجنبي واللي قدامي واللي وراي
وكانت اتحذفني في الطبشور وعمرها ماجت فيني .. ومره احذفتني فيها وجت في راس اللي قدامي
وتهاوشت معها وطردتها وطرتني معها << يعنني ماسوت شي غلبانه

ياهلا والله بساميه
وماتفقدين غالي ويسلم راس اماني الثابت




وسالفتك معك الطبشوره هههههههههههههههه بجد تضحك

بس زين اللي جت فيها الطبشوره تهاوشت مع المعلمه حسستك انك اخذتي شي من حقك

 

[عبدالله العويمر]

المشاركة الأصلية كتبت بواسطة هيفاء الزامل

ولحظاتك عبدالله أكثر أنس





.

الله يخليك ياهيوووف

على فكره

ذائقتك بالشعر خطيره والله انتي وغاده