ترى وقتي بلا شوفك خسارهـ

[فهد العباري]

السلام عليكم ورحمة الله وبركاته

مساء يتجدد بكم يا أحبتي

مشاركه أرجو أن تنال بعض من إستحسانكم

قصيده محلها القلب وصدى ذكراها يملأ المكان

كتبتها بحبر الذكرى الأليمه وحب لا تتجرأ القصائد على محاكاته

أكنها وأكن كل ماتجلبه هذه الطيوف الغاليه

رغم قسوة الفراق إلا أن الحب لازالت تعصف عواصفه

دخول

كل ماهبت رياح البعد في درب الحبايب
.. .. .. تحكم الأقدار والأقدار مافيها اعتراض
نفترق لو كان قلبي من الهوى بالحيل ذايب
.. .. .. الغريبه كيف ياروحي تجمعنا الرياض ..!

ترى وقتي بلا شوفك خساره

تذكرت الغياب اللي طواني
..............حرم قلبي وحطم لي كياني
تذكرته لو اني مانسيته
..............ولاظني حبيبي هو نساني
تفارقنا بحكم اللي حكمنا
..............ضروف الوقت واحكام الزماني
ألآ ياسعد عيني لو تشوفه
..............وتزيّن طلته حلو المكاني
وأضمه ضمة ٍ تبري خفوقي
..............من الحّره ومن شدة طعاني
عزفنا بحبنا صدق المشاعر
..............بعذب الشعر وألآ بالأغاني
بيوت الشعر في حبه تغنت
..............من الفرحه تردد في لساني
سألني مرة ٍ وش كثر احبه
..............وقلت اكثر من أعداد الثواني
ضحك وازدادت الفرحه بعينه
............وقال ..الله..وش كثري أعآآآني
جلس جنبي وقال احس قربك
..............براحة بال وإحساس بأماني
حضني وقال سمعني جديدك
..............أبيك تقولها بإحساس ثاني
وانا مدري وش إللي صار فيني
..............نسيت الكون يوم إنه حواني
وبعد ماطال صمتي قال روحي
..............أبيك اتقول لاتسكت عشاني
وقلت إن القصايد في وصوفك
..............توجب بالشعر سحر وبياني
في حبك لابغيت أكتب قصيده
..............تجي من صافي إحساسي وحناني
تبختر لـ أجل ترضي لك غرورك
..............بلهفة شوق وجزال المعاني
لو ان العمر يهدى لك هديه
..............أبهديك العمر والعمر فاني
ترى وقتي بلا شوفك خساره
..............سفينه تشتكي بعد المواني
وجات اللحظه الصعبه علينا
..............حكى ثم انتثر دمع وبكاني
صرخ ياتاج راسي ويش أسوي
..............لو إن البعد عن شوفك حداني
ترى قلبي معك خله أمانه
..............لو اني بالجسد غيرك خذاني
لطيف الروح زايد في جماله
..............يشاوره القمر تجلس مكاني ...؟
عليه عيون لاسلهم هدبها
..............رمت سهم ٍ فتك عوج المحاني
عيونه من نظرها طاح مرمي
..............ويكتب ياعرب ربي بلاني
جسدها من الأنوثه قد تشبع
..............بياض اللون والخد احمراني
وجديل ٍ لاإنسدل من فوق متنه
..............سواده لاانهمل ليلي غشاني
غزى حبه فؤادي واستحله
..............وطغى يالعنبو حيه سباني
وترك روحي بلا وصله وحيده
..............وعذبها بلا رحمه وتواني
اخذنا بالهوى سبعة سنين ٍ
..............من اللذه وتحنانه سقاني
وتفارقنا بحكم اللي حكمنا
..............ضروف الوقت واحكام الزماني

خروج

ترى الحزن إنسان , له بيت , وعنوان...................

وأنا مدينة ( هم ) حزني سكنها

فيها كريم النفس مبلي ومنهان...................

وساس البلى , فيها , عليها , ومنها

أحيان مدري كيف يابعض الأحيان...................

ضيقة صدور الناس صدري اختزنها

نبض المطر

فهد العباري