على هامش عمق أنثى جموح

[أنثى جموح]

يَ هْلَ الحروف المترفات بـ حبّنا ...

من بعضنا كنا
وصرنا بعضنا / في صوب
والباقي :
بعد في صوب ...

ذنبنا إنا سترنا حبّنا ... مع حلمنا ...

حتى غدى سرّي بإيجاب القبول اللي يحلّل وصلنا : لا ما يجوز !





















صارت أحلام الصبايا كلها باسم السراب
وكل سربٍ للحمام يسلّم بـْ ألفين قاب
في قلبي
ألف
وفي قلبه
ألف
وانفتح ألفين بابٍ للظنون ...
يا ترى من هي تكون؟
ويا ترى كيفه يكون؟

وانتبرعم اسئله
ما لقينا أي جواب ...

جنبنا ذاك الشريط الذكرياتي !

ضعفنا !

فينا لقينا بعضنا
حتى لقينا بعضنا

والحين ..

أنا في صوب
وهو بعد عمري وسط قلبي بـِ صوب !

 

[أنثى جموح]

ثبت علميـًـا :

أن سماع القرآن يقلل من انتشار الخلايا السرطانية في جسم الانسان بل ويدمرها !

أن إطالة السجود يقوي الذاكرة ويمنع الجلطة الدماغية !

أن رفع السبابة للتشهد يزيد من تدفق الدم في جسم الانسان ليساعد على تقوية القلب !

أن السجود يزيل الشحنات الموجبة في الجسم لأن شحنات الارض سالبة !

قال إبليس :
العجب لبنى آدم ! يحبون الله ويعصونه ...
ويبغضونني ويطيعونني !


،

 

[أنثى جموح]

تغانم فرصة اغيابي
وحَشّ بـْ أصلي وْ فصلي
وقال إني على غيري
أشوف النفس , وغداره !


ولا يدري بأحبابي
يجوني باسرع اخباري ..
يصيدون الحكي لما
أحد تطريني أخباره !


ترى حتى شواهينه
تسولف عنّه لـْ طيري
ويحكون القهر لما
يلاقي ألف محاره
تسابق من يجي صوبي
تدوّر جيدي ادواره !


آنا كذا لا ما علي من شخص في أرضي وطا
.................... يدخل بعد مــا يــطلع لْـ برّا , ويرجع لي , يفوت

ماني من اللي لا درى عنّه على مثله سطا
.................... ولاني من اللي تجهله حتى ولو طال السكوت

مات بْـ قهر مثله على ما فاض عندي من عطا
.................... ربي عطا واليا عطـا خله على حاله يمووووت !

 

[أنثى جموح]

• تكسّر جانبي الأيمن
وجيت انته
كسرت الجانب الأيسر ...
حرام آكون مع كلن
أسولف واضحك وْ منته
معي
يا ليت ما أسهر !


• تصدق عاد؟
ولو ان باقي(ن) قلبي
على حاله يبي قربك
أبينا بْعاد !


• على وجدي أنا بصبر
وبتحمّل بكا لنجوم
إلا من مرّ عليّ اليوم
بدونك
هالعمر ما زاد
ولا بْيقصر !


• ولو ان الوفا نادى
وثم نادى
وثم نادى
عليك وْ راد ...
انك تسكن بْعيني مثل لاوّل
ما راح أخسر !


• وراح أمسك قلم راقي
وبفتح للشعر دفتر
وبملي منّك أوراقي !


• تصدّق عاد؟
تعوف احروفي احروفك
وتتذكّر
كلامك , صمتك وْ خوفك !


• وش الباقي؟
ما غير آثار من كحلي
يلامس رمش أحداقي
وأتمسكر
عشان أمي إذا جت في حلوم الصبح ما تجهر:
علامك هالشكل؟ يَ وْداد؟


• وأتستّر !


• ولي في غرفتي سله
بها من ورده وْ فله
مَهي منّك
ولا مثلك
من الوالد
لإنه شاف في صمتي
ظلم واجحاف
وهو أدرى بأشواقي !


• وهو عارف بأن يْميني مْكسّر
وأتمنى ...
ويا رب ما يجي يلحظ
بأن الحظ
جلب مثلك
لأن مثلك
يكسّر جانبي الأيسر !


• ويا ويلك من الوالد !

 

[أنثى جموح]

ولّت أيامي معاكم يا قرايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ من عرفت اليوم لا يمكن يعود

حسبة اللحظه معي فيها حسايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ في بدايات المقال اكتب ردود

لو تسائلني حروفي كيف غايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ لاجواب(ن) تسمعه غير الرعود

من برق يوم الموادع راسي شايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ تنزل أمطار المحاجر عالخدود

ويتنامى في حشانا قلب ذايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ ما بنينا قبل هالفرقى سدود

ياسنيني صرت وهمومي نسايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ كل ما هبّت رياح الودّ تعود

تطري آهات المعنّى للسبايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ ايش ذنبي؟ والحِيَل كلها جمود

ماني ابساعة فراقي غير تايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ عن ذنوب(ن) ما تعرف إلا الصمود

بسّ لو يدري الحبر كيف المصايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ وايتفهّم كيف وصلي والصدود

لجل اعبّر عن فراقي للحبايب ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ واللي يسوى واللي مايسوى يسود

 

[أنثى جموح]

..

.

وآنا اقول ان انت واحد
.. مثَّل الكل فالكون
وانت عني ما دريت
.. وما شعرت بلهفتي

..

آنا مدري .. انت قاصد ؟ / ولّا ناسي؟ / أو تخون ؟
المهم : إني هويتك .. وابتدت بك نشوتي !!

..

ياحبيبي
وين غايب ؟
حتى ربعي يسألون
ما دروا إني لحالي
لو دروا
ابيزعلون !

صدِّق إني صرت أعجز
أبتسم
لو يضحكون
يحسبون إني سرحتك
والتهيت بفكرتي

..

. يحسبون إنك تحبني .
. كنت مِمّن يحسبون .

..

واستمعت فوسط صدري
للحنين

..

ابغفوتي
جاني أنين

..

زرتني هايم وعاشق
زرتني .. هم يحلمون !
شافوا إنك وسْط قلبي
شافوا إنهم يرقصون
شافوا إنك لي محبٍ
وما تحدد فرحتي

..

وآنا شفتك
في ثنايا
روحي الوجله .. جنون
وانصدمت
إنك بقلبي
عند حدّك ( غربتي )

غربتي !

إي غربتي

يوم دمعي صار خلّي
وافي
وبه دفءٍ حَنون
يغسل ذنوب الخطايا
يوم زلّت خطوتي
وارتجيت أقسى عيونٍ
تحتضن مني بقايا
بس حسافه
ما لقيتك
وانت شارد
خيّبت فيني من ظنون

إيه خابت
والتحمنا

قلب عاشق
شخص غايب

.

..

...

وانكسارات الغصون !

...

..

.

 

[أنثى جموح]

	2010 ذكرى ألفين وجه وْ عَشْره وألفين قلب وْ عِشره ... وأكثر من اللي صار صار مرّوا علي اكبار ... وصغار وآنا أنا ... ما قد عرفت مْن الهنا إلا أمم منتشره وأخبار ! حولي جموع وْ كثره ... وآنا معاي الخبره ... مابي من الأوصاف شي" عليه آخاف خلني بعيد وْ حفرة : صمتي بها ينشاف حرفي بداخل عيني وآنا معي سكيني ما قصّص الأطراف إلا إذا منكسره ... باعيش عمري لي مابي أحد يختصره ألفين وجه وْعَشره وألفين قلب وْ عِشره باقي لي آخر ذكرى وان كنت أنا متذكره ماني بهم مفتكره ! ماني بهم مفتكره ! ماني بهم مفتكره ! ...............2011 الخافق اللي بين ضلعيني بدا نبضه يداري فيني أشواق وحنين............... في ذكرياتي ما لقيت إلا مدى فيه المشاعر تنتثر طول السنين............... عامٍ مضى / راحت محبّتنا سُدى عامٍ يجي / دمعة ندم فيها أنين............... وش حيلة اللي ما لقى قطرة ندى يروي بها صبحٍ معه لهفة ضنين............... وش حيلة اللي ما لقى غير الصدى يوم المسا نادى لكلّ العالمين............... وين التراحم والموده والفدى؟ وين القلوب اللي مع العالم تلين؟............... وين الوداد اللي ولا يعرف عِدا؟ وين الشموخ اللي على القمه يزين؟............... وين الجموع اللي تملّي مسجدا؟ وين الشيوخ اللي منابرها تزين؟............... نبغي كذا كِلْنا ولا يبقى حدا نفهم أصالة حبنا يا فاهمين............... نبغي نلاقي يدّنا فيها يدا فيها توحّدنا و روح العازمين............... والخافق اللي في صدر كلن بدا نبضه يداري شوق وأخلاق وحنين............... عامٍ مضى ضاعت محبتنا سدى عامٍ يجي ننسى معه كلمة ونين !...............

 

[أنثى جموح]

يبه خلّك معي لا لا تخليني
يبه مالي بهالدنيا سواك انته
يبه خلّك معي لا لا تخليني
أبيك انته
ولا أبغي أحد غيرك من الدنيا
يبه ما يضوي اشعاع الشموس الا من اجبينك
يبه ما نوّرت قمره , بعد ما غمّضت عينك
يبه مالي بهالدنيا سواك انته
صباح الخير
مع اول نسمةٍ في صبحنا برسل تحياتي
بدونك يا يبه وشهي أحاسيسي ورغباتي
مع اول يوم في عامٍ بدا كنه إلك ياتي
يقول اسمح لي بْمسكن وسط قلبك
لأن الكوووون ما كفّى وكفاني وسط قلبك
أبي أرتاح
ما بين الضلوع اللي بها شمّيت مسكٍ فاح
من ايام وْ سنين وْ همّ , وتاريخٍ أبد ما راح
سوى في نظرة اعيونك
وجيلٍ ما عرف نصّه ولا ربعه يحاكونك
لأنك أكبر وْ أكبر من الكلمه
لأنك لو بتعطيهم فرص عمرك يخلّونك
تصب أمجادك الحية
تمووووت ولا يعرْفونك
لأنك ما مشيت بْدنيتك طالب لك السمعه
ولكن ما دريت ان الشرف في خطوتك جَمْعه
وأنا قدواتي رجلينك
على ما حطّت أقدامك أنا وينك
بنفس الحطة اللي ما أحد يقدر يساويها
أنا لك يا يبه أقدر !
مساء الخير
أقبّل داخل ايدينك
يا معظم لمس كفّينك
ويا زينك
يا وقتٍ مرّ بَحْضانه
ولا حسيت
يا ربٍ حافظٍ صانه
ولا قدّيت
حبي له ولو أكثر
من امواج البحر أكتب له وْ أكثر
من ألوان الغروب الناعسه وأكثر
من أوراق الشجر لا طاح
وإلى منه نما وأكثر
من ارمال الصحاري لا بعد أكثر
أحبك يا يبه لا لا تخليني
يبه مالي بهالدنيا سواك انته
يبه مالي بهالدنيا سواك انته
يبه مالي بهالدنيا سواك انته !