على هامش عمق أنثى جموح

[أنثى جموح]

[poem=font="Traditional Arabic,6,royalblue,bold,normal" bkcolor="transparent" bkimage="" border="none,4," type=1 line=0 align=right use=ex num="0,black""]
وصلني حكيك البارح عن احسانك ونكراني=وانا اشهد انك املخبط مع احساني ونكرانك

ترى عيب الحكي لما يجي عنا لخلاني=وعيب أكثر إذا صرنا سوالف بين خلانك

أقول إسمع حكي قلبي ونبضاته بشرياني=بعد ما رحت عن عيني بزلاتك وطغيانك

سأل عنك يبي عرقٍ فقدته وهْوَ خلّاني=لأنه ما لقى داعي يعيش ب غش أحضانك

لأنه ما لمس لحظه .. رغم عشقي وتحناني=بأنك صادقٍ قلبك أو المخلص بتحنانك

لأنه ما عرف يلقى أمانٍ فيك واساني=ولا حتى قدر يشعر من احروفك بإنسانك

كأنه ينذر إحساسي .. يقوّيني ببرهاني=وانا ردّه واقول ايام ويبطل كل برهانك

أتاري حكيه الصادق ينبّهني على شاني=درى إنّ الغدر واقع وإنّ الغدر من شانك

رغم هذا أنا حدّي / رغم كل الذي جاني=قلم بيدي وأوراقي بلا إسمك وعنوانك

حكيت القصه في دفتر / ومن ثُم صار ديواني=تصفّقلي على شانه جموعٍ وهْوَ ديوانك

ولحدٍ داريٍ عنّا / بعد ربي ولا ثاني=ولا راح اشرح اظروفي ولا ببكي لجيرانك

غمرني بالنعم مولى أهو القاصي وهو الداني=وحيد ل ونّتي سامع / يبعّدني عن اوطانك

بعد كل الذي قلته عن احسانك ونكراني=أمانه بس لا تنسى تسلّم لي ع نكرانك

وأرجو إنّك اتباعد ولاتقرّب لخلاني=كفاك امن الشرف إنك قدرت اتحاكي خلّانك[/poem]

وكل عام وانت بخير

 

[أنثى جموح]

حين يعبُرُ صوتٌ كيانك
وحين يعبّرُ عمّا يختلج في نفسك
فلا مفرّ من انسكاب الدمع !

 

[أنثى جموح]

لا جيت أنادي له أناديله بِإِسمه
يزعل شْويّه ويرسل لي بكلمه
مادريت اهيَ العتاب اللي سكن وجدي وحام؟
وللا طلب منّه يبي (حبي) وسام؟
مادرى إني أموت بْكلّ رسمه
تحتوي جزءٍ تطاوِلْه السهام ...
تنجرح كِلْهَا وانا جرحي أساس ...
بس أحب إني أناديله بِإِسمه !

 

[أنثى جموح]

ما أجمل الأفلام حين تنتهي بقصة حبٍ تتوّجت بزواج
وحين أبدأ أنا بخيالاتي الخاصة
وحنين إليك يزداد ويزداد
وأحس كأني أريد أن أحضن الكون بأسره
ليس إلا لأنك فيه !

أصبحت أمسك بالقلم لأكتب
فأكتب اللاشيء
في غيابك
أصبحت لا أفكار
لا أوزان
لا بحور
ولا حتى ظلال
وكأن العالم أجمع ما عاد ينفعني
وما عادت تلك الأغنيات الرقيقة
والألحان الشجية تقلّني من مطار الغربة
إلى أرض الوئام !

يا وساده ...
إسكتي عني وخلّيني أَغَفّي
علّني ألقاه في حلمي ورفّي
حاملٍ حرفه على جنب الشموع
وْ ما دروا به
آآآخ يا قصه كَذُوبه
تضحك بْأوّل جزء
تتناثر بْجزءٍ أخير
والناس تستنشق عُذوبه
هي عُذوبة جرح فيني
وِلّـ هو عطره وثوبه ؟
ما دريت !

 

[أنثى جموح]

,

,

,

,


نفسي كذا
لو بس نعيش
اثنين والثالث ثمر
طفلٍ سكن بعد السهر
في داخلي
واصبحت انا أمٍ حنون
و بْطَـلّتِك يَ الأب تكون
أحلى قمر !

 

[أنثى جموح]

,

[poem=font="Traditional Arabic,6,purple,bold,normal" bkcolor="transparent" bkimage="" border="none,4," type=2 line=0 align=left use=ex num="0,black""]
خجلت أسترجع الماضي بعد ما قال لي "روحي"=نسيت أصلاً حكاياتي مع اقليبه ومفتاحه
وقلت "أبشر على كيفك" ولا فكّرت بجروحي=غصب عني رضيت إنه يخلّيني من اجراحه ![/poem]

 

[أنثى جموح]

يا ليييييت يلقانا حضور
وْ يرحل بْداله غياب
وْ يختفي من كل دربٍ به نمرّ كل السراب
نوصل لْ بيت الدفا
في وقت كل من به غفا
واحنا نقفّل ألف باب !

[poem=font="Traditional Arabic,6,firebrick,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لا تظن انك ملل .. أو لا تظن اني مَلول=كل ما في الأمر اني ضايقٍ صدري عنا

لا تحاتي يالحبيب ولا يجي ظنك عجول=انت بس اللي بغيته وانت مصدر للهنا

داخل قليبي شعاعك ما يسامرك الأفول=قاع صدري مع ضلوعي تحتضن انت وانا

ودي لو مو بس أحبك ودي لو أكثر أقول= ودي تتجمّع حروفي بحر يوصف عمقنا

حتى قمرات السهارى من ضيا خدّك خجول=حتى حبّات الرمال اللي تطاها تهتنى

شوف انا كم في عيوني هم وفي جسمي نحول=وفي جوانب هيبتي باح انكساري وانثنى

والورود اللي فخدودي من عذابي في ذبول=والدياجير فخصل شعري تشكّل منحنى

لكن اسْطوعك حياتي عدّل الدرب الميول=ونوّر أطراف الزوايا ثم زرع في حوضنا

زهْر ما فوّح عبيره غير من راعي الأصول=طيب ومبدا مع خلق زايد حدايد ودّنا

والجديد انه يشكّك في هوى قلبي يجول=يسأل ان كان النوايا غيّرت في شملنا

وان أفكّر بالمفارق بس أخبّر أو اقول=لا وربي يا حياتي عاش معنا حبّنا

ما تغيّر بك مزاجي الا للوضع العدول=انت لي احلى مرادي وانت لي كل المنى[/poem]

أنثى جموح

 

[أنثى جموح]

* بعيداً عن أرض الألم ...

" صباح النظارة المنكسرة "


ما أعرفه هو أن العنوان اقتباس لمحتوى رسالة أرستلها فلانة إلى فلانة في صباح اليوم , والقصة كالآتي:
فلانة ( الأولى ) من الناس الذين يعانون من حساسية معينة من العدسات اللاصقة ؛ لذا : فإن النظارات الطبية هي الصديق الأوفى من بين أصدقاء العيون ...
حكت لي قصة حياتها مع النظارات قبل فترة ليست بقصيرة , لكنني أذكر بعضاً منها , مثال: النظارة الوردية ...
ما حكاية النظارة الوردية؟
المكان : مدرسة من المدارس الابتدائية ,
الزمان : قبل 13 سنة تقريباً ( أول مرة أحس إن إحنا كبرنا )
الأحداث :
من ضمن سلسلة النظارات التي لا تنتهي صلاحيتها إلا بكسر أو خدش أو اعوجاج أو ضياع , قبل ذلك ... كانت تلك النظارة من أشد النظارات جمالاً في نظر طفلة في الصف الثالث الابتدائي , بعدساتها السميكة , وشكلها المتسع الذي غدى متسعاً جداً على وجه تلك الطفلة ذات الأنف الصغير , على قولتها: "أونّه موضه" !
وفي يوم من الأيام ... اختفت تلك النظارة من درج المكتب الخاص بتلك الطفلة ... فظنّت أن إحدى طالبات الفصل قد استولت على نظارتها لجمالها ...
إن الطريقة التي تسرد بها قصصها مع النظارات لهي أجدر بالثقة والاستمتاع من مجرد كتابتها بواسطتي لكم هنا ... ( خاطري أصورها فيديو وهي تقول السالفه )
المهم :
ضاعت النظارة , وبدأ المسلسل الدرامي , أقصد تتابع المسلسل الدرامي والمشاهد التراجيدية بعد كل حتفٍ لنظارة عزيزة ....
اليوم ( صباح الأربعاء )
استقبلتني بكلمة : "الله لا يرويج حالتي الصبح مع النظارات"
كالعادة : ضحكت قبل أن تبدأ بسرد الحكاية , وكعادتها قبل أن تبدأ بأي قصة تقول : "إنتي اصبري بس شوفي شصار"
"شصار؟" سألتها.
والقصة كما روتها حرفياً :
"قمت الصباح , عيوني مسكره وما أشوف , نعسانه , وماعلي نظارتي , وأختي طلبت مني أزيّن مرضاعة الحليب لولدها الصغير , وأنا أتحلطم , ورايحة أسوي الحليب , صار شي , بس شنو هالشي ؟ مادري ! .... المهم : رجعت , عطيتها المرضاعة , وجيت أبي آخذ نظارتي لأني خلاص ما استحملت , أطالع الدنيا وماشوف شي ! وين النظارة ؟ مش موجوده .. يا ربي وينها ؟ وأدوّر أدوّر .. إلين حصلت شي ع الأرض ( أنا طبعاً بس أضحك ) ...أطالع : إلا في شي معتوه يكسر الخاطر , مديت يدي , خذته , إلا نظارتي !!! أشوفها , شالسالفه؟ طالعي ش صار فيها ؟ ( وترويني إياها هههه ) , مسكينه ما سلمت مني في شي , من هنا مكسوره , وهنا ملتويه , وهنا مادري حالتها لله يختي , بس خذتها ورحت لأبوي وأمي , وعاااادي متعودين , ما هي بأول مرة !"
( المشكلة إن هي تتكلم وأنا خيالي شغّال معاها )
والجميل في الموضوع أنها أحضرتها معها إلى الجامعة , وكما قالت : "معليه بستحمل , اليوم وانا راجعة البيت ان شا الله بنمر على محل النظارات ... أمي تقول شيصلح فيها؟ قلتلها مادري! هو فيها شي يتصلّح؟ باخذ وحده جديده...."
واقترحت عليها أن تضيفها لقائمة وفيات النظارات , فقالت : "إي إي , كتالوج الله يسلمج!"
وأضافت: " أنا اللي موب فاهمته بس شلون جت النظارة ع الأرض؟ أخبر إني حاطتها جنب المخدة , مرة وحده أحصّلها على الأرض , لا ودايستها بعد وانا مادري!"
وبكل استمتاع : أخذت جوالها , فتحت القفل , القائمة , الرسائل : إنشاء رسالة جديدة : " صباح النظارات المنكسرة " إرسال إلى ((نور)) ... وتم التسليم.
سألتها: "وأخبار النظر الحين؟"
قالت: "كل شي مايل أحسه , عادي تشوفيني ماشيه ع الطوفه"

ملاحظة :
تمنّيت لو أنها أرسلت : "صباح الأرض المفروشة بالنظارات" !