على هامش عمق أنثى جموح

[أنثى جموح]

الصورة رقم (4)
للفنانة :
Louise A. Frechette‏







وترجع ترتحل فيني ولا أقدر أدلّك وين ...
وتفتح في وسط صدري إلك بابين
بابً تدخله فيني على كيفك
وبابً تطلعه مني على كيفك
وانا سيفك , ولكنك تقطّعني
تخليني قهر يسعد بي الواشين
ويحكون الغرام اللي خسر قلبين
ويحكون الغرام اللي عصى أمرين
أمر قلبي بأن قلبك أبد ما يوم يخليني
وأمر قلبك بأن قلبي أبد ما يوم يعاديني
وانا لك وين؟
وين وين ؟
وترجع ترتحل فيني ولا أقدر أدلّك وين ...!

 

[أنثى جموح]

[poem=font=",6,firebrick,bold,normal" bkcolor="transparent" bkimage="" border="none,4," type=2 line=0 align=left use=ex num="0,black""]
عمتي يا من لها فينِ ارتكاز=اسمحيلي لا غدى دمعي يسيل

عمتي يا من تحايد بانحياز=اذكريني في وسط غيبة عليل

مرّري طيفك ودفّي الانكراز=احلمي فيني ولمّيني بِحِيل

دعوتي بالقلب للي فيه فاز=دعوتي من قلب حاضن به جليل

دعوتي لك بالشفا يَحْلى نشاز=يا عساني ألتقي بك بعد ليل

تشرقي في طلّتك أبهى طراز=تسعديني ، يا عسى سعدك طويل

عمّتي هذا الأمل للعرق حاز=بسّ دمعي : إسمحيلي لو يسيل![/poem]

 

[أنثى جموح]

,


[poem=font=",5,royalblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لولاك يا حبي ترى ما ترتسم بسمة شفاي=لولاك ما شافت عيوني ضيّ وما شافت حلا

انت الوحيد اللي أحسّه داخلي ساكن معاي=وانت الذي ربحك يساوي بيعي لْـ كل الملا[/poem]


,

 

[أنثى جموح]

[poem=font=",6,red,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
سامحيني يا تفاصيل السعادة=واتركيني في بحر دمعي أغيب

إنتِ ياللي في سنا وجهك إرادة=تبتديني لا بدا وقت المغيب

إعذريني لا غدا همّي ( شهاده )=شاغلنّي عن لقا صبحك ( أديب )

إذكريني يوم أنا جنبك وساده=ألتهي في لون خدّك والمشيب

عاتبيني يوم أقصّر في العبادة=علّميني كيف للخالق أنيب

ذكّريني بالصلاة وبالهواده=بيّنيلي وش يشرّف / وش يعيب

سمّعيني آيتين .. وبالإعادة=حفّظيني / واشرحي معنى حسيب

سولفي لي قصةٍ فيها إفادة=سانديني لا طرى الحال العصيب

أسعديني بابتسامتك ( العياده )=ضمدي جرحي وصيري لي ( طبيب )

ياللي كنتي في زهر عمري قلاده=تصقليني كالذهب .. أصلك عجيب

ياللي إسمك مكتمل فيني عتاده=إنتي أغلى من غلا أغلى حبيب

لا تخافي .. راق حبّك في زيادة=[/poem]
[poem=font=",6,red,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
=لا تحاتي
.
.
.
=جدّتي
.
.
.
=هذا نصيب![/poem]
[poem=font=",6,red,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
كن "موتك" ناطقٍ : " ربي أراده "=كيف أبسلى والوضع صاير غريب

كن شعوري بالحزن رافع عماده=كن وجودي في بعادك شي مُريب

كن غيابك يكتب فروحي إبادة=كيف أعبر عن فراقك بالنحيب ؟

يكفي إنك راضيه .. هاذي إشاده=من لسانك .. يا عسى حالك يطيب

راجيه ربّ البشر يطلق وداده=نلتقي في جنته عمّا قريب

سامحيني يا تفاصيل السعاده=واتركيني من بعد موتك أغيب ![/poem]

ولا يكفي بحر حبّي حبر يكتب عن اغيابك !

 

[أنثى جموح]

أين هم ؟
في بذرة البرتقال كنتُ أجدهم
وفي العرق الجاف
على طرف الكرز
ألمحهم
حتى في البثور المتناثرة
على سطح ورقة العنب
وفي اللولبات الأنيقة
أعلى العنقود الحصرم
الـ لا أحد يطوله!

 

[أنثى جموح]

شوف دمعي ما يفارق وجنتي من يوم رحت
لين يومي ما أحس اني بعد موتك وصلت
طحت وطحت
طحت وطحت
طحت وطحت
لين مدري آخر الطيحه أنا حيه ومت
صعبه تسمعني وانا فوق الثرى يوم انت تحت
صعبه توصل أنّتي من شدة الصدمات ضعت
كن دمعي قبل هالمره جهل معنى سهرت
كن قلبي قبل هالمره نسى معنى جرحت
بعد ما غابت نجومك عن سما ليلي وغبت
كيف أنا ممكن أنام ؟
كيف في جنح الظلام ؟
صمت ما عاشر كلام !
صمت أكبر من جبال الهم فالغربه سمعت
صمت أعظم من محيطات(ن) بها ضلعي نثرت
كيف أنا ممكن أقول ؟
كيف أبي أوصف ذهول ؟
شارده مني خيول !
شارده لابعد مسافات ارتحالي لو عثرت
شارده لاصعب مسارات اختيالي ما صبرت
لين أنا كلي نسيت
ظرف وقت(ن) به قسيت
ماطريت
غيبتك ما جت في بالي
لا ولا حتى خيالي
ما لقيت
ما لقيتك وقت كافي لجل أطري بك جراح
ما لقيتك غير وافي حاضرك ما يوم راح
كيف أبي أذكر غيابك ما حييت ؟
نصفي الأول وثاني نصفك الراحل بقيت

ذا هدوئي ما جمح إلا مع اعيونك جمحت
ذا جموحي ما هدا إلا بعد عينك هديت
,
,
كل حبات الرمال اللي مشيناها تئن
كل صخرات الهضاب اللي لمسناها تونّ
كيف دقة خافقي ؟
كيف دقة خافقي يوم ارتحلت ؟
ما تصدق لو أقول أكثر من أنفاسي بكيت
عدّ ما تشهق ضلوعي داخلي زفره وشهقت
قدّ ما دفّت عروقي لمستك بعدك بردت
بس باقي في نهاري شي باقي
رغم آلامي ونار الكي لك زاد اشتياقي
يا عسى نلقى بعض باحلى جنان
ونتبادل تحت ظل العرش نظرات الحنان
يا عسى ألقى بعد خوفي على قلبي أمان
ويا عسى كل شي كان
نستعيده
من بعد رحله بعيده
يا عسى ترجع ملاقينا السعيده
وابتسم
,
,
الله
,
,
من
متى
ما
إبتسمت!

 

[أنثى جموح]

(*)(*)(*)(*)(*)(*)(*)(*)(*)(*)(*)(*)(*)(*)(*)........

[poem=font=",6,royalblue,bold,normal" bkcolor="transparent" bkimage="" border="none,4," type=2 line=0 align=left use=ex num="0,black""]
أحيـــان ألاقـــي فيك نفسـي وأحيان=ألـــقى شـتـــاتي مـن بعـــادك تنــثّر

شوف الزمـــان شلون ما فـارق أزمان=حتى ( القمر ) لا غـاب نصفه ( تـــــأثر )

شوف الأراضي كيف ما تنقسم ( سانـ=ـــتي متر ) من طــين وتــراب وتحجّر

هذا أنـــا حطيت فـي بـــالي إنســان=نبضـــه وسـط قـلبي .. وقــلبه تخـثّر

أشــره عــلى غيبــات عينه ولا بـــان=وان مــرّ طيـفه جــيت كني مُــسَـخّر

حسبي على لوعات حبي والأحــزان=مـا تجـبـر الخــذلان وخــــاطر تكــسّر

نصفي فقد معشوق والنصف عشقان=يجرح هجيري برد / هـل مــن مُـدثّر ؟

يسقي عــذابي صــدّ وانــام ظمــيان=يـطْـوَل حنيني مــدّ وصـــوبـه يـقـصّر

أحــلــم بـذاته ردّ والــفــيه هــيمــان=واصــحى عــلى ذالجدّ وحدي أفسّر

كيف الغـرام يكون في يوم نسيان؟؟=كيف الغـرام يـصير لحظة تحــسّر؟؟[/poem]

(*)(*)(*)(*)(*)(*)(*)(*)(*)(*)(*)(*)(*)(*)........

 

[أنثى جموح]

أحياناً :
تنتهي الأساطير بحكاية حلمٍ مات في كبوتٍ جعله يتنفّس الجرح
ويعشق الاستفراد بوحدانيته حتى لا يطيق إطلالة غصنٍ من النافذة الصغيرة!



وأحياناً :
تتلاشى قصص التاريخ غوصاً في أعماق السنين
وسبراً في علم الأثر يبقى أنينٌ لا ينسى زخرف القول غروراً!



وأحياناً :
لا يبقى مجالاً لذرة لقاءٍ أخيلي , وتحضر الأسود تشييع لذته في ظلامٍ أحلك وحيد
وتتابع المشاهد بصورة متتابعة لمداعبة ملك الغابة , بأوجّ حنان وبقمّة شغب!



وأحياناً :
يطلبني في ذات الأسد لنلتقي
وأطلبه في قوّته وشعره الكثيف!



وأحياناً :
لا زال الصمت يردّد لحن الانسحاب
في فضاءات الواقع الذي تجهله كواكبه
وتخال النجمة أنها تنير لي أملاً في لجة المحيط
لكنها وللأسف ؛ تشحذ همة الذكرى في إرواء المحيطات دموعاً!



وأحياناً :
ضرب الجنون ينطبق , وقد لا ينطبق
حتى أن معجم العرب يتوه في الحروف لإيجاد كلمة وافية
وتغيب وتغيب وتغيب الكلمات حتى لا تجدها في مكتبة أو حتى في الوسيط!



وأحياناً :
أستميحكم عذراً لهذياني بحلم ليلٍ فائت
وزخرفة الزجاج المتحطم تشهده وحدها , وأنتم!