مـنـحـوس

[محمد الزويد]

السلام عليكم و رحمة الله و بركاته

مدخل

الحـظ فوْجيـه المقـاريـد غــدار
... ... ... لـو تبتسـم يطلبْـك تدفـع سعرهـا
وش مكسب المنحوس من عدّ الاصفار
... ... ... غير الشقا و همـوم يكبـر كسرهـا

[poem=font="simplified arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الى متى يا حظ بتضلّ منحوس=لك يا النصيب سْنين لازلت نايم
كل ما سريت بْدرب القاك معكوس=ما اظن تمطر وان غدى الجو غايم
ناس ٍ من اعماق البحر صادت عْروس=حوريةٍ ما مثلها من غنايم
وانا مع سنارتي جبت لي قوس=و جفّ البحر من يوم ما جيت عايم
وشلون تضبط دام هالوجه معبوس=دوم انت ضدي ما كفتـْك الظلايم
الجوع جاب الويل و القحْط ملموس=الزاد عندي واغلب الوقت صايم
احفظ من كـْتاب الزمن بعض الدْروس=دونتها في منهجي لي علايم
المنزله ما تنبني بْـملك الفلوس=لكن رخوم اليوم صاروا عظايم
والنخله اللي هدها الضيم و السوس=وش عاد نرجي من ثمرها قسايم
واصل الشجاعه ماهي بْكسر الضروس=حلم الذكي بيْـبـيْن وقت الهزايم
واذا شعرت انك من الخلف مرفوس=هذا دليل انك على العز قايم
احذر يصير الجاه في كل ملبوس=يمكن تصير ارخص من لـْباس حايم
لاتشتري لك سلعةٍ باعها نـْجوس=تنغش وانت بْـسوق بايع و سايم
السيره الحسْـنه بها الطيب مغروس=تبني بها دنياك و تـْدوم دايم
يا شينها لو يصبح الحلم كابوس=لا بوه حظٍ ّهدّ حيل العزايم
يا حظ قلي وين تنباع بفلوس=عطني مكانك بسّ وآجيك هايم[/poem]

مخرج
بعض من جد انتهى فيما وجد من هـول ... ... ...
ما حصد غير التعب ينبي على التهميـش

 

[محمد عوده البلوي]

صح لسانك يا سمي ابدعت وأمتعت

لكن وبرغم اليقين والايمان بالقضاء والقدر

مع الرضا بما يكتبه الله ويقدره

جاء في بالي أقول لك

لحظك إستاذ في اختلاس الجهد
وتصفية الصدف لا يفارقني البته
*

*

نقول هذا فقط لنفضفض

وبصراحه نصك سيّل الصمت
ولكن
سأقف
هنا


وابلغك السلام واهديك التحيه والتقدير

 

[فاطمة ناصر]

الله الله الله
لله در الجمال ولله در الشعر الي يأتينا زلال
كل بيت حكمه وكل شطر حكايه وقصة تروى
عجزت ياخي استشهد ببيت لجمال وصدق وترابط كل من النص
ولكن على ماقيل الخلاصه [ هنا ]
السيره الحسْنه بها الطيـب مغـروس
تبنـي بهـا دنيـاك و تْـدوم دايــم
السيرة الحسنْه هي ماتبقى وكل شئ قابل للزوال من مال ومن جاه
لله درك يارجل اسعدت صباحي بهذا النص الرائع
حروف تقُرأ في الظلام ف نورها يكفي
سلمت وسلم قلبك وفكرك .. بك سعدتُ كثيرًا ، ف أشكر الله لك ..

 

[محمد الغشام]

,

محمد الزويد
كم أشتقت لك ياصديقي والله
في كُل أطلاله لك تنثر عبير الحظ بأجوافنا لنرى أنهُ مائل كبرُج إيفل ..
ويبقى صامداً على مر السنين
والسر يكُمن بقوة الجذوع التي صمدت كُل هذا الوقت

فقط علينا قص التذاكر لنذهب هناك ونقوم بتعديله ..

عاطِر التحايا

 

[محمد الزويد]

المشاركة الأصلية كتبت بواسطة محمـد البلوي

صح لسانك يا سمي ابدعت وأمتعت

لكن وبرغم اليقين والايمان بالقضاء والقدر

مع الرضا بما يكتبه الله ويقدره

جاء في بالي أقول لك

لحظك إستاذ في اختلاس الجهد
وتصفية الصدف لا يفارقني البته
*

*

نقول هذا فقط لنفضفض

وبصراحه نصك سيّل الصمت
ولكن
سأقف
هنا


وابلغك السلام واهديك التحيه والتقدير

محمد البلوي
اسعدني تواجدك في متصفحي
لا حرمني الله تواجد الانقياء امثالك
ممتن لك