غونتناموا - الصفحة 2

متعب المضعان · 02-13-2007, 09:30 PM

اقتباس:

المشاركة الأصلية كتبت بواسطة سلطان المضعان

أحبتي الاعضاء الكرام وإعذروني على الغياب هذا غيض من فيض

الشعراء الأفاضل فأرجوا منكم قبولها.....

جرح التخاذل للعرب صار معطـاب
ماهمهـم غيـر الأكـل و الشرابـي

العالـم أول كلـه لأجددادنـا هـاب
وحنـا نهـاب الغـرب لاواعذابـي

نشجب ونستنكر على الذل بخطـاب
وصرنا مانملك حيلـة إلا الخطابـي

مانتفق نبقـى جماعـات وأحـزاب
وشمس العروبة تشتكي من الغيابـي

مأساتنا(مانتفق)مـثـل الأجـنـاب
دايـم نخالـف بعضنـا بالجوابـي

حنا فتحنـا لأرذل النـاس الأبـواب
بإهمالنا (للديـن) ضـاع الزهابـي

حنا إنغلبنـا بذلنـا وصـار غـلاب
بموت الكرامه الله يهـون مصابـي

أمة محمد جرحهـم كيـف ماطـاب
جرح(ن)سطا فيهم جميـع وسطابـي

إن ما عملنـا وإجتهدنـا بالأسبـاب
عز الله اللـي يرجـي العـز خابـي

منهو علـى الله يتكـل دوم ماخـاب
وأنـا علـى الله متكـل بإحتسابـي

قلي(أسامـة)وش يجيبـه (لخطـاب)
الفرق واضح (بالخطأ)و(الصوابـي)

في(غوننتاموا)عذبوا بعض الأصحاب
بإسباب(حب)الدين راحوا أصحابـي

في (المعتقل)ماينفع يصير الأضراب
أصبر أنا وأرجي مـن الله (ثوابـي)

عقب الترف(صدام)يلبس له (أسلاب)
ذليـل ويستـر ذلتـه (باثيـابـي)

خانوا به جنود(ن) ملاعين وكـلاب
وهذا جزاء اللي يحتمي (بالكلابـي)

مثل القذافي يـوم خـون بالأعـراب
خان العروبة والعـرب (والكتابـي)

هذا(ذنب)والعالـم الله (بـالأذنـاب)
للغرب صاروا (كل أبوهم ) أذنابـي

عمر الزمن مـادام لأحـد ولاطـاب
مهما حسبت يخالف الوقـت حسابـي

كم واحد(ن)حاجز ذهابـه والأيـاب
مايدري أنه (روحـه) بـلا إيابـي

كني يوانيومينتظر (بعض) الإخصاب
والموت ياقلبـي (نتيجة)إخصابـي!!

مادامهـا مابيـن طالـب وطـلاب
و(بلير)ينشد (بـوش) كانـه درابـي

قل لليهودي (بوش) يأكل له (تـراب)
وإن ماكفـاه نزيـده حنـا ترابـي

مادامني (مسلم) أنا رمـز الأرهـاب
بعيونهم صار (السعـودي) إرهابـي

بين الخيانه وبيني موصد(ن) أبـواب
وعمر الخيانه ماتجي صـوب بابـي

أمسيت أنا مطلوب و(الدين) الأسباب
(مخلص)لديني وراضي(ن) في عذابي

خلاص أبسكت إنتهى وقت الأشنـاب
باكر مثل غيـري بيهـوي شهابـي

إن غبت عنكم يكفي الشعـر ماغـاب
في (غونتناموا) راح أصفي حسابـي

كان إنتمائـي للعـرب والله إرهـاب
لي الفخر لا قالوا إنـي إرهابـي!!!

غلا سلطان

1426هــ

ابو غلا

صح السانك

الى ان تقوم الساعة

اصبت قلب الهدف

دمت ودام ابداعك

لك الود

خيك

متعب