خبزة امي واستكانة الـ تشاي وطاسة الروب

[عبدالناصر الأسلمي]

دخلت البيت قبل شوي جاي من البر
ومتلهف على خبزة امي بس كنت متخوف انها ما راح تخبز اليوم
لانها بالفترة الاخيرة ما قامت تخبز كل يوم وصارت كل جمعة بس
عشان اخواني وخواتي يجتمعون بالبيت الكبير كل جمعة
وفرحت من كل قلبي لما شفتها واقفة قبال التنور ومفسرة عن ايدينها
وتخبز لنا اروع خبز اكلته بحياتي.
وهذي حكاية الخبزة واستكانة التشاي
وطاسة الروب اللي عمري ما اكلت مثلها وبطعامتها ولذتها.
وكله من صنع ايد امي "اروح لها فدوة".

اول شي تقرص العجين

وبعدين بالملزاقة تحطه داخل التنور

وينضج وحدة ورا وحدة

حال وحال

ورحت لحالي اتغدى اروع غدا
خبزة امي واستكانة تشاي وطاسة روب

 

[الهنوف الخالدي]

منْ فيّنا لا يرغبُ في هذا الرغيفْ . الطمأنية . الخلقةُ الأولى
* أصابعُ الجنّه
بالأمانه : قبل عنيّ رأس أمُكْ .

 

[سعد المغري]

..

أخ

..



.

 

[محمد الغشام]

,

,

الله ياعبدالناصر
مافيه مثل خبزة التنور من يدين الوالده الله يحفظ لك الوالده ووالدتنا

بقولك شي
الدقه الزرقاء للأستكانه والروب الخاثر
والـ جاي

أفضل وجبه وخصوصاً لاصار فيه سمن بعد

علّه عوافي يارب

على فكره ترى اخوك يعرف يخبز

اخوك محمد الغشام الأسلمي


عاطر التحايا

 

[زينب آل ياسين]

الله الله الله
أروع حاجة والله

الله يخلي لك الوالدة ويحفظها لك ..

 

[نايف السميري]

.
.
كل شي هنا مختلف / ياعبدالناصر ..
بدءً من العجينه وانتهاءاً بكأسة الشاي والروب ، الام تطبخ لاحبابها
بقلبها وليس بيديها ..


حفظ الله لك والدتك وجميع المسلمين ..
.
.

 

[أسمى]

ياربِّ يخليها ..يارب
ويعين على برها.

 

[بندر الصقر]

الله يحفظلك الوالدة ياعبدالناصر وتسوي هالخبزة لعيال عيالك .. ويرحم والدتي ووالدي وأموات المسلمين ..

القرصان عندنا تختلف .. عندنا عجين البر ونسويه على الصاج ونسميه المراهيف ..
كنت حتى وانا في العشرينات اذا شميت ريحة المراهيف اروح لا إراديا للمطبخ واقعد جنبها رحمة الله عليها وخبزة في الحافظة وخبزة في يدي .. كان له طعم ثاني خصوصا مع رشة خفيفة من السمن البري والبصل المقلي ..

تصدق , كنت باطلب غدا من المطعم وهوّنت ياعبدالسلام