عَطشانْ / وإسمعْ يا نَهر ... ||~

[شوق علي]

-


مَدخَلْ :} ...

عطشانْ
والغيم بـ/ يديك ْ
والبرّد إكتفى ..
هو أنت صاحي ؟؟
من متى !
قد بان لك ماهو اختفى ..؟
ولا انتظرت!
يمكن اجي ..
وأرويك ..
مِن نبع الشعر ...
والليل فيني يحتفي !
بس انت ..
ايه ..
دايم كذا
ما تكتفي !!
ولا تسمح إني اعشقكْ ..
وتضمى !
ولا تسمحْ ..
إني أعتقك !
ونبقى كذا ..
عطشان والغيم بـ/ يديك!

تَقديرْ: يا عُمر السنينْ ولهفةْ الماضي القديم !
_______ تقدير : يا ليل العنا من واقع ٍ أزرى .. ينوبْ !!

مِن فكرةٍ شحّتْ على دار المشاعر و.. الصميمْ !
_______ عيّت على قطع الخبر من صمتها اللي ما يذوب !

يا ديرتي طاحْ المطر- ماكان يروي بك .. عقيمْ !
_______ ياديرتي صَبْ المطر فوق المواجيعْ - .. القلوبْ !

وأنتي وأنا يا ديرتي .. نعزف .. مِن أضلعنا .. هشيمْ !
_______ وتبلّنا كِل الصوّر ( تحرير) و ( أشباه ) و ( حروب) !

يا ديرتي ماتْ اللقا في موقفٍ .. كافر .. يتيمْ !
_______ ما كِنْ بأرضكْ يا وطنْ غير انهزاماتي ... شعوب ْ !

نادى ( حبيبة خاطري ) قومي .. ندثرّنا .. نهيمْ !
_______ ومن لمسة كفوفة صحّت كِل المداينْ .. ( لا نتوب) !!

والليل مهما ملّنا .. مايحجب إحساس .. ( النسيم) ! ...
_______ لا رقّص جنوني ( وأنا ) .. ( كِلي على كـِلي / شحُوبْ )

ونعوّد ونرسمْ بـعضْ في لوحة ألوانْ ... ونضيمْ ...
_______ نظراتهُم بـَ أجمل خطا .. يتنّفس احساسْ الجنوبْ ...!

ونقول لـ " الصَمتْ " .. التّعب ما خلّف إلاّ . ( روح غيـم ) !
_______ تصنع سرابه مِن شجن ( ضيقة مدامع ) لـ " الغروب " !!

قال : اشرقي .. قلت : العطر .. قال : احتراقاته جحيمْ !
_______ قلت : المكان اللي بقى ما يستّر ضلوعي / يا دوبْ !! ...

قمْ حس بي .. قم لمنّي .. قم رتّب الشوق العظيمْ !
_______ وأكيدْ ماني ( كامله ) ...وأكيد تِعشقني ... { عيووب } !

أنثى .. ويكفّي هـ " المطر " لا.. لامس اطرافي يهيمْ !
_______ أنثى : ويكفي هـ " الشتاء " لا عانق ثيابي .. يذوب ْ !

-

أنثى .. ويكفّي هـ " المطر " لا.. لامس اطرافي يهيمْ !
_______ أنثى : ويكفي هـ " الشتاء " لا عانق ثيابي .. يذوب ْ !

-
مَخرجْ.. } !!

الصَمتْ وأشياءٍ قديمه .. بـَلا روحْ !
وردهة أمل .. متلبسّه ..رعشةْ شفاي ْ ..

كِنتْ أحتبِسْ بـَ [البوح] ماوِدي آبوحْ ..
أخشى أنام بـِ ظلمة عطورْ .. فوضاي ْ !

لبيتْ من صمتي [ كِذا ناوي تروحْ ] !!
وإسترسلتْ كِل السواليفْ "... ويايْ ..."

فيني تقول أشياء .. راحِلْ / ومسموحْ ..
وفيني تِضجْ أشياءْ وتعزّي .. أشيايْ !

لا يِقلقِك... { قلبي من سنين مجروح ] !
عادي يعيش الموتْ في رِحمْ ..(جواي) ..

فـ *آبيات آخرى .. موتت يَدي طموح ..
يومي على خوفي وناديت ... نسآآآي ..!

-
:

ش . ع

 

[فضائِلْ]

{

حَرفِك ياعَذبة فَوق الْمعقول
تُبهريني دائِماً بـ عَزفِك الْفريد مِنْ نَوعه ...!
ماشاء الله
توليبُ يَحرسِك يارائِعةْ


}

 

[ناصر حطاب الدهمشي]

قال : اشرقي .. قلت : العطر .. قال : احتراقاته جحيمْ !
_______ قلت : المكان اللي بقى ما يستّر ضلوعي / يا دوبْ !! ...

قمْ حس بي .. قم لمنّي .. قم رتّب الشوق العظيمْ !
_______ وأكيدْ ماني ( كامله ) ...وأكيد تِعشقني ... { عيووب } !

أنثى .. ويكفّي هـ " المطر " لا.. لامس اطرافي يهيمْ !
_______ أنثى : ويكفي هـ " الشتاء " لا عانق ثيابي .. يذوب ْ !

شوق علي ..نوافذ عريضة تطلّ الحياة من خِلالِها..
لأجل الشعر حضرت
.
.
ناصر الدهمشي

 

[نواف العطا]

شوق علي
كلمات يحتفي بها الشعور ويتقد
بها الإحساس لعذوبتها وحسنها
لله درك على هذا الشعر الجميل
يا ملكة القوافي والشعر
ودمتِ بود

 

[عون القحطاني]

جميلة ياشوق
شاعرة مميزة
وحضور في غاية العذوبة والروعة

شكري وتقديري

 

[باتل عبدالعزيز]

شوق علي
شاعره قادمة بقوه
هنا شعر يطاول الغيم من فرط عذوبته : دائما ً الشعر الجميل : يقال له جميل مهما كان
شوق
ينتظرك مستقبل جميل شعريا ً
واراهن عليك وبقوه
فقط اتمنى لك التوفيق ... والتروي في طرح النصوص!
وسوف تشرق الشمس ذات يوم
ننتظر....ولن اخسر الرهان

 

[عبدالعزيز العميري]

شوق هذا النص
يستحق ان نتوقف مع جمالياته كثيرا

بالتاكيد

سوف نعود كثيرا هنا

 

[حياه]

قمْ حس بي .. قم لمنّي .. قم رتّب الشوق العظيمْ !
_______ وأكيدْ ماني ( كامله ) ...وأكيد تِعشقني ... { عيووب } !


أنثى .. ويكفّي هـ " المطر " لا.. لامس اطرافي يهيمْ !
_______ أنثى : ويكفي هـ " الشتاء " لا عانق ثيابي .. يذوب ْ !

..

الله الله عليييك ي شوق
جَميلة رائعة .. عذبة
شُكراً ي نهر ،

صح لسانك ولا فض فوكْ
اعجابي ،
..