[ .. غـن لا ضاقت عليك الوسيعه غـن .. ] .. !!

[حنان العصيمي]

كل ما شفت زولك به يقر النظير
وان فقدتك على روحي يضيق الفضا

كيف أباصلك يا خلي وحبلي قصير
أتصبر وصبري يا عشيري قضى

لو تصبرت نار الحب وسط الضمير
أتجلد وكني فوق جمر الغضا


محمد السديري

 

[ناصر حطاب الدهمشي]

المشاركة الأصلية كتبت بواسطة شوق علي

ياصاحبه ... قلّه ( عوافي) .. خبرته !
_________ يبى يروح ... ويرسم الضيق داري ...!

[ سنه جديده ] ... باعني ... وإنتظرته !
_________ وكمْ خابت ظنون الرجا في مساري !

[ سنه جديده ] - والشعر ... ما ذخرته !
_________ الا عشانه / ... [ مادرى عن مداري ] ؟!

عزاه ... ياجرحي وليل ٍ ... سهرته !
_________ ولاّ حسافه جيّتي .... وإختياري ..!!

مع كل هذا [[ آسفه ]] ... ما شكرته !!
_________ لو كان بيده ( ضحكتيني ) ... و ناري !

هيّلت [ صمت] السالفه ...واعتبرته ...!
_________ ليلٍ مشاه الصبحْ ... والصبح ساري !

يا صاحبه ... قلّه ... شعوري فطرته !
_________ على سلوم الصدق والطيب ضاري

وارجوك ! لا تنسى ... تراني عذرته !
_________ مع اني ادري ... ما سأل عن قراري ...

ش . ع

عذبة و رب العالمين ..

 

[محمد الغشام]

شرفتني بالهم ظلمة وتجريح
... ... ... وعلمتني ان الشقا في غرامك

مريت لك يالغيم ويديني الريح
... ... ... واكسر لك المصباح واضوي ظلامك



* مختار السلامي

 

[محمد الغشام]

أخاف أن قلتها أذنب وأخـاف أن مانطقـت أذنـب

ياربـي ويـن أوديهـا وكلتـا الحالتيـن ذنــوب

أبكذب بس ماأدري وش أكـذب لـو بغيـت أكـذب

وانا ادري أن الكذب حبلٍ قصيرٍتختنـق بـه قلـوب

حديثٍ صعب بس إنـي ألاقـي فـم لـه أصعـب

مع إن قلوبنا صـارت قريبـه مـن مسمـى دروب

إذاكان الحطب غابة ضلوعي ويـن أجـي أحطـب

وأنا أدري ان الحشا كله نخيلٍ فـي الريـاح تـذوب

نخيلٍ مارضـت تشـرب إذا ماقلـت أبـي أشـرب

كثر مااعتادت في صدري تخاطب كل شي ب اسلوب

من اللي يستحـق أدعـي عليـه أو داخلـي أعتـب

وانا ماأذكر إن اسمي على بعـض البكـا محسـوب

ممات رجـال يتكـرر طبيعـي ان قلـت ماأتعـب

أنا اتعب لو رحل طفلٍ ولا يـدري لمـن منسـوب

يقولون أسكب المـا ثـم لمَـه قمـت أنـا أسكـب

مع أني ادري أن الرمـل ماقـط رجَـع المسكـوب

غريبٍ هالغـلا وبعـض الحنايـا طبعهـا أغـرب

عليها يشَمـت الدنيـا وعيَـت عـن هـواه تتـوب

ياربي كلمه ف صـدري بقـت او روَحـت أذنـب

رجيتـك ويـن أوديهـا وكلتـا الحالتيـن ذنـوب

فهد السعدي

 

[صالح العرجان]

آسترْ بـ جلبَآب الفَرح عَورة الجرحْ ‘

مَا كل من فتّش جُروحَك حّضنهّآ ‘‘

 

[شوق علي]

_

ما جيت وقتي بعد ما فاتني فوته ..
.. .. .. .. .. .. لو قلت لخطاي في دربي تأنيني ..
جيته مثل غصن تدلا بي بخوته ..
.. .. .. .. .. ..ان ما قطف وحدتي او لا يثنيني ..
واللي ذخر ما كتبه لما بعد موته ..
.. .. .. .. .. .. لا صرت انا اياه يا ذكراي هنيني ..
شاعر يسيل كلامه غيمة سكوته ..
.. .. .. .. .. .. لا قال يا مجدبات القاف عِنيني ..
من ونة ايتام شعره حول تابوته ..
.. .. .. .. .. .. لكن نخاها دخيلك لا تونيني ..
مثلي اذا ما تعمر صيته بيوته ..
.. .. .. .. .. ..جعل الزمن مايجود بما يمنيني ..
والبحر لو يحرمك دره وياقوته ..
.. .. .. .. .. .. رزقك بشاطيه ولشاطيه دنيني ..
يامترفة شاعرك عاف الفرح صوته ..
.. .. .. .. .. .. ودي اهيجن عنا تكفين عنيني ..
ايامي اوتار واقدار العمر نوته ..
.. .. .. .. .. .. تفنني .. دوزنيها .. ثم غنيني ..
ماودي اعيش عيشة زيف ممقوته ..
.. .. .. .. .. .. في شرع من يعشقون الصدق سنيني ..
يا مشرب المنهك المتعب ويا قوته ..
.. .. .. .. .. .. اليا ضميتك وجعتك لا تحنيني ..
دامك على ضلع من بك جن منحوته ..
.. .. .. .. .. ..اقصى حدود العقل لما تجنيني ..
حربك انا لو زمانك جار طاغوته ..
.. .. .. .. .. ..لكن على مين ياحسرة تشنيني ..
خلك مثل قنبلة بالصبر موقوته ..
.. .. .. .. .. ..ولو انفجرتي بدم البوح حنيني ..
واخر رجا من غدا التايه من نعوته ..
.. .. .. .. .. ..هويتي ضايعة ممكن تبنيني ..!






-

محمد بن علي السعيد

.....

 

[شوق علي]

لو قلت : بالنجم اهتدى من تاه و أعياه السهاد
................ البارحة .. والريح ما تبّت عن اطرافي .. يدا

من يهتدي يا سيّدة للضوّ من تحت الرماد؟
................ من يستمع صوتي؟ ومن يحبس عن الصوت الصدى؟


يا آهتي : جيتي تعريني من ثياب الحداد ؟!
................ أنا الحداد اللي على وجهي من غيابك .. بدا !


جيتي مطر يستغفر الرحمن عن ذنْب العباد
................ وانتي ذنوب عباد ما مرّوا على درب الهدى !


جيتي من اقصى حنجرة فلاح في موسم حصاد
................ اعياد شكر و ذكر و خشوع و تناهيد و حدا !


فدا ، يغني ما غدا للطير ؟ في يوم المعاد
................ ان عاد ؟ ما له غير أغنّي له ، على عيني فدا !


جيتي غرور ام بْـ طِفِل يكره يحاصره المهاد
................ كانت تغنّي له عشان يدوزن الخطوة ( هدا


هدا ) ، وثارت، ما هدا باله من الدنيا ..عناد
................ استقبل الشمس وحذف بـ عيونها ( سن ) و عدا!


لليل؟ للمجهول؟ للبرد؟ لْـ عُيونك؟ للبعاد؟
................ للضفّة اللي ما لعابرها من الضفّة جدا ؟


والله تشتّتّ اجمعك منّك وفي الظلما بلاد
................ مافيه للظامي بها ليلة .. يبلله الندى !


أنا اشتهيتك ( غطرفة) تفهق عن الليل السواد
................ آه اشتهيتك ( رقص ) يتسلطن على أكباد العدا


أولاد ابعتقهم معك .. لله .. عن ظلم القياد
................يمكن تكون أيامهم ، وجهك و صوتي و المدى !


لله أنا ، من ينزع اطرافي من اطراف البراد ؟
................ النجم تاه وتاه من بالنجم يا رب اهتدى !


أنا (انطفيت) وما بقى تحت الرماد الا رماد
................ أنا (انتهيت) وما على شفاهي حبيبي ، ماعدا :


يارب ، عطني من تطرف ليلتي (ساعة حياد)
................ ما أنتظر فيها .. ولا أفقد من الدنيا ، حدا !


عبدالله الكايد

 

[محمد الغشام]

,

,

وأنْثركْ فينيْ عطرْ
... ... وآتلحّف نظْرتكْ
وأحْتضاريْ للزهرْ
... ... يوم طاح بْحضرتكْ

عاطِر التحايا