شفّاف واحروفي من الروح للروح ،،،

[حسين الحوّاس الجباري]

،،،


،،


،


،


،

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شفّاف واحروفي من الروح للروح=عفوي ولا حب التصنّع مع الناس

فقير ما عندي عمارات واصروح=لكنّي اغنى هالبشر قلب واحساس

وشلون تنساني مع الناس واتـروح=وانت النفس للروح وانفاس الانفاس

ياغايب ارجع غيبتك جابت اجروح=عجزت اعالجهن وانا انسان حسّاس

ادناهن بوسط المعاليـج وايفـوح=فوح الدلال اللي على النار جلاس

ما يكفي انك دون هالناس مملوح=لازم تحس بعروق الاشواق يبّاس

تعبت احاول بك ولا فيك مصلـوح=ازرع تعب قلبي معك واحصد الياس

ما يجرح اقلوب المخاليق مجروح=لنّه مشى في عالم الجرح واحتاس

ادري تبي ترحل ولا هزك البـوح=وادري تبي تبقى مع البال هوجاس

واذا رحلت و ردّك الوقت مسموح=انسى وتذكرني ترى الناس للناس
[/poem]

 

[جُمان]

فِعلاً يا حسين ..
الشِّعر الأبيض العذب المُنسدل من كفِّك شفَّافٌ
وجمالهُ وفيرٌ يأسِرُ الروح

شُكراً لك

.
.

 

[محمد الغشام]

,

,


ياحسيِن الحُواّس
وقلبك شفاف وروحك جميله ونبضك سلسله
يتجلى كل حرف على ارواحنا بكل جماله
ورقته ..ومفرداته الراقيه

شكراً لأمتاعي بهكذا نص
عاطر التحايا

 

[العطر]

مَلَكتَ كُل شَيءٍ جَميل ياحسين ..

وكُلُ ما عداهـ زااائف .. فَبارك لـِ روحِكَ كُل هَذا ..

أجمل الشِعر أنّت .. شُكراً تليق بِك

 

[نواف التركي]

الله الله

جميل يا حسين

صح قلبك

 

[حسين الحوّاس الجباري]

المشاركة الأصلية كتبت بواسطة جُمان

فِعلاً يا حسين ..
الشِّعر الأبيض العذب المُنسدل من كفِّك شفَّافٌ
وجمالهُ وفيرٌ يأسِرُ الروح

شُكراً لك

.
.

جمان منتهى التحنان

باقة ورود تليق بكي

 

[أكرم التلاوي]

حسين الحواس


نص شفاف جدا ً ببساطته
أجمل الشعر ما يأتي دون تكلف لأنه يصل من القلب للقلب

لك ودي

 

[حسين الحوّاس الجباري]

المشاركة الأصلية كتبت بواسطة محمد الغشام

,

,


ياحسيِن الحُواّس
وقلبك شفاف وروحك جميله ونبضك سلسله
يتجلى كل حرف على ارواحنا بكل جماله
ورقته ..ومفرداته الراقيه

شكراً لأمتاعي بهكذا نص
عاطر التحايا

لا خلا ولا عدم

سعدت بحضورك يالعطر