اقتباس:
المشاركة الأصلية كتبت بواسطة مشعل الغنيم
*
أهلاً سعد،
رأيك تقريباً مطابق لرأي عبدالعزيز، وأنا ما اختلف معك أو معه على موهبة رومان، بالعكس.. أنا من أشد المعجبين بطريقة لعبه وقراءته للمباراة وقدرته على تقاسم الملعب مع لاعبين آخرين. هذا كله شي واحترافيته شي ثاني. ريكلمي تخلى عن اكثر من نص دخله السنوي ورجع للبوكاجونيور، ليش؟ لأن التمارين والانضباط في الارجنتين أقل صرامة من اوروبا، والحين يفكر باللعب في الخليج العربي لعدم وجود أي انضباط ولا حتى تمارين حقيقية - على خطى صديقه اللدود جونينيو برومبكانو. وعلى فكرة.. اللي سميته أنت محاربة النجوم هذا للسيطرة على الفريق لا اكثر، كابيلو معروف بهذي التصرفات وآخرها إقصاء رونالدو (الفونومينو البرازيلي مو البرتغالي ابو المكياج) وبيكهام والزج بلاعبين محد يعرفهم مثل غاغو وهيغوين وتوريس الظهير الصاعد من الناشئين، تحول بعدها الريال من فريق مفكك وضايع ومستسلم لبرشلونة لفريق منظم استطاع خطف البطولة من أندية كانت جاهزة أكثر منه في بداية الموسم
لكن وش رايك باللي يقصي من فريقه أكثر اللاعبين انضباط وموهبة؟؟ هذا مورينيو الغبي اللي رفض كريسبو وكروز وستانكوفيتش والأغرب إنه اول ما استلم الإنتر اقترح بيع كامبياسو!!!!!! إذا هذي الاسماء اللي ما يحبها ياليت نعرف الاسماء اللي آمن فيها هذا العبقري و " السبيشل ون " كما يسمي نفسه: خواريزما، أدريانو، إبرا - وكلهم خانوه. إبرا طلب ترك الفريق وأدريانو " خرج ولم يعد " وخواريزما مجرد 24 مليون يتحسر عليها موراتي كل ليلة
وراجعين الليلة للنتايج.. (:
|
مرحبا مشعل
ريكيلمي رجع للبوكا بعد مااختلف ايضاً مع بيلغريني بعد ماجاب الولد التشيلي ماتياس فرنانديز واشركه مكان ريكي
وكل هذا بسبب تأخره عن التمرين يوم واحد علىمااعتقد ,,انا معك انه ريكي مزاجي وانا اكره هذا الشيء فيه مع انه لاعبي الاول عالمياً لكن في اي لحظة ينهي الأمور بفاول ولا تمريرة ,, شوف وين وصل فياريال معاه درو الاربعة وهو ماكان يحلم انه يتخطى دور المجموعات وكان قريب من النهائي وآآآخ لوقابل البرشا في النهائي ,,
ماراح اتكلم عن كابيللو لأنه يذبح المتعة وعلى القبلة كمان ,,
مورينهو مطابق لفان غال تقريباً واكثر منه غروراً ولا عندك لاعب زي كروز كل ماينزليسجل هدف تقريباً ومنضبط الى ابعد الحدود وراضي بالاحتياط وتتركه يمشي من عندك علشان الخال بالوتيللي ,,غريب جداً
هي العنجهية في رؤوسهم وبعد كم سنة حتلاقيه يدرب ويغان ولا هال سيتي !!
آخر المشاركات
08-25-2009, 02:04 AM
العرض الشجري