هات لي قصيدة وعلاقتك الـ شعريّة معها

[ميــرال]

فيصل اليامي ابدع بحكاية / عيال حارتنا
من كثر احساسي بعمق وبساطة النص ابكاني وبالوقت نفسه تمنيت ان القصيده لي

رائع هذا الشاعر





ياليت ان الزمن يرجع ورى ولا الليالي تدور
ـــــــــــ ويرجع وقتنا الأول وننعم في بساطتنا

زمان اول احس انه زمانًًًًٍٍ فيه صدق شعور
ــــــــــــ نحب ونخلص النيه.. وتجمعنا محبتنا

زمن ما فيه لا غيبه.. ولا حتى نفاق وزور
ــــــــــــــــ ياليته بس لو رجع ونسترجع طفولتنا

صغار قلوبنا بيضا..نعيش بعالمٍ محصور
ـــــــــــ ولا نعرف ابد اغراب ما غير عيال حارتنا

صحيح صغار فالتفكير لكن ماعلينا قصور
ـــــــــــ نخطط نكسر اللعبه.. وتسعدنا شقاوتنا

نروح المدرسه بدري ..ونضحك داخل الطابور
ــــــــــــ نحاول نزعج العالم في روحتنا وجيتنا

وعشان نأخر الحصه.. نخبي علبة الطبشور
ــــــــــــــ نشاغب بس فالآخر.. تميزنا برائتنا

نحب الضحك والهيصه.. نحب انط فوق السور
ـــــــــ نفرفش.. ليه مانفرفش مدام الضحك عادتنا

ولكن دارت الأيام.. وبان الخافي المستور
ـــــــــــــ وصار الهم متعلي على قمة وسعادتنا

كبرناوصارت الدنيا تصف أحزاننا بالدور
ـــــــ وتهدينا الألم والهم غصب عن عين رغبتنا

تعبنا من بلاوينا ..أحد ضايق وأحد مقهور
ـــــــــــــوكلٍ غارق بهمه.. وفالآخر تشتتنا

وانا ما أقول غير الا وحلالاه الزمان يدور
ـــــــ ويرجع للورى فتره.. نعّدل وضع عيشتنا