سيرة احلى حكاية: حكاية موسم 2008-2009

[عبدالعزيز رشيد]

إلا بسألك بجد ..
طالما ان القادسيّة قريب من الخليج هو استفاد من قربه الجغرافيّ وجاب لاعبين خليجيين ممتازين؟

 

[محمد الغشام]

المشاركة الأصلية كتبت بواسطة عبدالعزيز رشيد

أضف لك الـ"17" واحد أعرفه
وان شالله تكبرون مستقبلا ..

والله حالة الشباب غريبه نادي كان فيه فهد المهلل وكان له صولات وجولات وآخرتها ماعنده ولاجمهور حتّى الحيّ اللي ساكن فيه النادي محد يشجّعه حتّى السيكرتي تلقاه يانصراوي ياهلاليّ

المشكله تواجد نادي الشباب في الرياض لو انه في جده او الدمام صدقني جمهوره راح يكون له بصمه
لكن هاذا الحظ

وصدقني جماهير السعوديه بالاجمع..ناديهم الثاني الشباب

 

[محمد الغشام]

مشعل كلهم تواجدو لكن ما اضافو شي ء ..كلهم مجرد موسم أو أقل
صعب ..صعب..وجدأ

 

[عبدالعزيز رشيد]

المشاركة الأصلية كتبت بواسطة محمد الغشام

المشكله تواجد نادي الشباب في الرياض لو انه في جده او الدمام صدقني جمهوره راح يكون له بصمه
لكن هاذا الحظ

وصدقني جماهير السعوديه بالاجمع..ناديهم الثاني الشباب

النادي الثاني لكلّ مشجّع عادة مايكون الشباب
صدقت بهالناحية لكنها ماتفيد إلا ببطولة .

 

[مشعل الغنيم]

*

عبدالعزيز،
شلون يعني قربه من الخليج؟ في كرة القدم تعتبر تركيا قريبة جداً. وبعدين اللاعب البحريني أغلى بكثير من اللاعب البرازيلي (بمباركة الدوري القطري). واللاعبين المحليين ما تقدر تتمسك فيهم لين يخدمونك لأن أمراء الهلال يروحون لبيوتهم ويغرونهم بالملايين وبرحلات شيّقة إلى الخرج ههههههههههههههههههههههههههه وين تبينا نتنفس! لو الله يفكنا من أبو خطة علمية مدروسة بتشوف ناس تشتغل وممكن ياخذ القادسية الدوري مرة كل 10 سنين على الأقل. بس محد يقدر يشتغل بدون قانون يحمي حقوقه..
على فكرة، تقول: الهلال " كوّن " أكثر من نجم وطني!؟ لا طبعاً، الهلال اشترى عقودهم بس. واسأل أندية المراحل السنية وحتى المنتخب الأول عن الأندية اللي " تكوّن " وتصنع النجوم فعلاً، نجوم الهلال الأساسيين حالياً ولا واحد فيهم طلع من شباب الهلال - تحسّفت أقول عنه: بريمافيرا (: - الحارس والدفاع بالكامل بالاضافة للفريدي وياسر والعنبر والخثران والغنام كلهم من القادسية والنهضة وأندية حائل والخرج والشباب

 

[عبدالعزيز رشيد]

ذكّرتني لما تكلّمنا عن الأرسنال وقلت هو يشتري عقود وكأنّنا نسلبه حقّه من الصنعه!,ياخي إذا أمراء الهلال يعطون الواحد رحله للخرج _ولو ان ثمنها باهض فضيحة أبديّة كون الخرج ثالث المدن المقدّسة بالسعوديّة(": _عاد تبي تقارن رحلات الخبر بالخرج؟ياظالم! هههههههههههههههههههههههههه ياخي كلّ شيء عندكم غير حتّى عمدة الخبر اللي نعرفه (": , فوق الـ"20"مليون طارت فجأه من صفقة ياسر تبي صفقات ثانيه عشان تطير؟!, أبو خطّه علميّة مدروسة ماهو مع الهلال على كلّ حال ويابخت الهلال كون التواجد فيه كفيل بإيصالك للمنتخب والشهرة كلّ نادي له صنعته والقادسيّة يلملم هالمواهب يجمّعهم عشان يكبرون ويبيعهم للاندية الكبيرة ويروحون يتقاطون فيها باقرب مشروع تجاريّ ولاعزاء للنادي نفسه انتوا كلوا الجحّه اللي جنبكم_نادي الاتّفاق_ وقتها نقول القادسيّة فعلا راح يرجع وانا متأكّد انّه لو رجع بيرجع عشان يبيع لاعبين أكثر ويسقط للدرجة الأولى من جديد,ياخي فرصه تصعدون والسهلاوي يجي هلالي ويجيب هدف عليكم ويحتفل قدّامكم عشان يعرفون الناس ان هالنادي ماقدر ينال احترام لاعبيه السابقين حتّى وياخوفي مشجّعينه السابقين وممكن تكون من بينهم (":

 

[مشعل الغنيم]

*

طبعاً أسلبه ما تزعم أنه " حق الصنعة "! بالنسبة للأرسنال والأندية الإنغليزية عموماً فوضعها ألعن. هي تستغل الثغرات الموجودة في عقود الناشئين وتفاوضهم وتوقع معهم مباشرة دون الرجوع بأي شكل من الأشكال لأنديتهم. عموماً، ماهو شرط يكون إتحاد اللعبة هلالي حتى يستفيد الهلال، لكن قوانين الاتحاد كلها بمصلحة الأندية الكبيرة وتكفيك مسخرة البنود الخاصة بلائحة الانتقال. يا أخي لا تقول الفريق يصعد يغذي الأندية المنافسة وبعدين ينزل أولى.. السوق كله شراء ما فيه بيع، الهلال يشتري عشر لاعبين ولا يبيع أي لاعب والإتحاد نفس الكلام، شلون؟ لأن الحكومة قاعدة تصرف على لاعبينهم - ولو بشكل غير مباشر - كل الهواة في الهلال مسجلين " موظفين " بـ stc سابقاً وفي موبايلي حالياً بعد فسخ العقد مع الأولى. كان فيه تجارب سابقة أثبتت إن الدوري، بطبعه وطبيعته، مرن ومن الممكن جداً الحصول عليه إذا كان يلعب في الملعب مثل ما صار مع ناديي الإتفاق والرياض


بعيداً عن الموضوع، وبالقرب منه:
القادسية متقدم على الرياض بهدف السهلاوي إلى الحين..
الله يسهل،

 

[عبدالعزيز رشيد]

.. نختصرها
نننتظر القادسيّة يجي وبس (":

يالله ع البركة عسى هالفوز يمحي حسرة الفتح