اقتباس:
المشاركة الأصلية كتبت بواسطة ناصر بن حسين
ياليلي ، والحزن حبر المفارق .. واللقا دفتر
............... تعب يرسم .. مرآسي للحياه ، ومات به مينا
كتب ربي عليْ آطشْ نومي للسما / وأسهر
................ قبل لاجيك .. انا واطفال حبك .... ثم تبكّينا
تبخّر حلمنا : شوفه سحاب افراقنا .. ممطر
................ سقى نخل الهموم وطاح تمره في اراضينا !
انا وأغلى ثلاث سنين فيني : كم لنا نشعر ؟
................ طفى ضي الحنين ونام طفل الأسئله .. فينا
من اول : حيّنا / تربة شقانا / صبرنا الأكبر
................ مآذن صمتنا /.. طوفة أملنا /.. باب أمانينا
خذتنا ريح صدّك .. للتغرّب .. والبعاد المُر
................ تكرّم .. سمّع آذآن المدى صوتك : ونادينا
وقفنا ... وابتدا ساعي بريدك بالضياع يمر
................ لقينا : الذكريات وصورة الأيام ..... تنعينا
كبرنا حسره ومالت عذوق أشواقنا / أكثر !
................ تولّاها الزمن .. قبل الحصاد .. ومات ساقينا
حرام يضمنا .. برد الشتا ... في واديٍ مقفر
................ حرام نضيع .. في درب إحتياجك .. مانلاقينا
حرام إنطيّر أصوات الرجا .. ونعيد .. ونكرر
................ ولانلقى .. سوى كف الصدى تخنق رجاوينا
تشح وينثني من سدرة آيامي غصن اصفر !
................ وآنادي : يابعادك ... في بعادك شوف جفّينا
انا .. واغلا ثلاث سنين فيني .. لو بنستفسر
................ إذا : نمنا على جمر إنتظارك .. من يصحّينا ؟
من يصحّينا ؟
من يصحّينا ؟
من يصحّينا ؟
|
ناصر الشعر الحقيقي
شهادتي فيك مجروحه وتعرف رايي
نقي وقلب ابيض وحر اتشوق لجديده دايم
ودي وغلاي لك ياودق
آخر المشاركات
02-27-2009, 09:23 PM
العرض الشجري