سيرة احلى حكاية: حكاية موسم 2008-2009

[عبدالعزيز رشيد]

حيّاك عقب هالغيبة وشكلي باختلف معك كثييير
"راجع لك وراح تكون ليَّّ معاك حكايات"
.. (:

 

[ميــرال]

موضوعكم ممتع
عبدالعزيز / مشعل
مبهرين

 

[عبدالعزيز رشيد]

حيّاك ياميرال
شكري وترحيبي
(:

 

[عبدالعزيز رشيد]

حي محيي الموضوع مشعل
- صدقت طلع ماريو بيريتا (متعصّب ميلاني)
-ميركاتو الأندية الانجليزيّة أغلبها فلاشات أعلاميّة الوحيد الارسنال اللي ميركاتو حقّه مقنّن لكنّ فعّال جدّا وأيّام كان الميركاتو حقّهم غزير خذوا سيطروا على الدوري- عندك بورتسموث هدّافهم "ديفوي" من توتينهام وتراوري المستعار من الأرسنال>> تحسّر المدرّب لعدم قدرته على شرائه! وكراوتش وطبعا كراوتش وديفوي بالمنتخب
-أذكر كابيللو يوم حكى عن معاناته مع تشكيلة المنتخب بعد ماسألوه عن الفرنسيين قال"آه كم هو محظوظ دومينيك بكلّ هؤلاء الـ لاعبين!" وع قولتك فرنسا تمرّ بطفرة مافيه مثلها أبدا كـ أفراد إلا البرازيل والأرجنتين,بس مدرّب عبيط
- اليوفي ان انتظر مدرّب فهو بينتظر بنيتيز مدرّب ليفربول اللي ينتهي عقده بعد سنه,ومشكلة سباليتي مع روما مشكله سباليتي على خلاف مع الكثير من الـ لاعبين المشلكه شكله الهادي مايوحي يقال إن توتي مالعب بسببه وماعتقد هالشي صراحه! وكذلك ماعتقد موسم سيّء يقيل مدرّب له موسمين جيّدين جدّا,ديلو روسي ماعتقد برضوه بيترك لاتسيو لوتيتو تفوّه برغبته بامتلاك لاتسيو لملعب خاص,والفيولا يعيشون ايّام العسل مع برانديللي,الميلان ماعتقد بياخذ ريكارد لو انه عاطل ول حصل ممكن دونادوني مع انّي أقول إن الطريق توّه ف البدايه وانشيلوتي باقي له - وع فكره عيّنوا خولييت كشّاف مواهب بشمال اوروبا(:
- بالنسبة لميكسيس أبدا ماأوافقهم الفريق نفسيّته ككل دمار والمشاكل في أوجها والنادي متخبّط ويعاقب ميكسيس المرغوب من أندية مستعدّه انّها تدفع أضعاف مايدّفعه هالنادي..غباء صراحة وع العموم راح تشوف روما يتفتّت لاعب لاعب
-كابيللو ممكن قصد كون والكوت واعد ولا مافيه وجه شبه لا من قريب ولامن بعيد وبعدين المدرّب قاعد يدير منتخب ومعه جمهور همجيّ يبي من يدهن سيره
-آرسين غرّموه 17 ألف جنيه ودفع ثمنها الحل مثل ماصار مع الدوري الهولندي,وع العموم وبصراحة بالطقّاق يطقّهم
-ديليو روسي ماعجبني كلامه عن روما استغربته صراحه واعجبني لما شكر سيموني انزاغي ووعده بأخذ فرص أكثر بسبب هدف التعادل اللي جابه مع ليتشي وفيه فرق بين شخصيّة التصريحين صراحة,بس أستغربت تصريحه خصوصا ان الرئيس لوتيتو يمنعه من كذ1 تصريح وعاد لوتيتو ودّك تمنعه بكبره من التصاريح!
-وين كلام روي كين سليم؟!! والكوت لو ماجا من ساوثمبتون للأرسنال كان تلقاه فاتح له مطعم يترزّق الله!,المهم موهبة اللاعب وين سجّلت ميلادها؟؟ومو مهم اللاعب وين ولد لعبه.
-والله مودريتش يستاهل ..بس لو ان بنيته قويّة والله يستاهل الـ 20 و22 بس أحسّه بيناسب الميلان أكثر من اليوفي اليوفي المفروض سعى لألونسو أكثر
- وأزيدك 9 أندية بالدوري الممتاز مملوكة من أجانب! وابراموفيتش خسر 12 مليار جنيه ومعه مساهم روسي بالأرسنال ويملك تقريبا 20% وخسران 6 مليارات,أحسّ أن نماذج الفرق الايطاليّة أفضل لاتسيو خرج من معاناته وتعافى والفيولا بعد وروما بس فيه كم يد فاسده يبي من يطلعها وتزين امورهم أكثر

 

[مشعل الغنيم]

*

عبدالعزيز بعد العيد صرت مو مضبوط (:

- تقدّر مودريتش بــ 20 مليون! قلت لك (مودريتش ليس بوبان) وفي السوق لاعبين كثير أفضل منه بمراحل، وبنفس عمره، أوّلهم " ريكاردو مونتليفو " و " ماركيزيو " ولاعب مان سيتي نسيت اسمه.. وفيه لاعب بلجيكي أصغر منهم بيكون حديث الميركاتو في الشتاء، للأسف نسيت اسمه بعد، لاعب ممتاز وأفضل من مودريتش وسعره أقل بكثير وإلا ما كان في خطة الفيولا الشرائية... مطلوب من أكثر من عشرة أندية ألمانية وهولندية لكني أفضل رؤيته في الكالتشيو

- بالنسبة لوضع الفريق النفسي أو التكتيكي فهذا مسألة مختلفة. الانضباط أهم، وميكسس نال ما يستحقه.. بالعكس نادي روما تعتبر إدارته سيئة وتحتاج مثل هذي المواقف الحازمة مع اللاعبين. إذا كانت للاعب رغبة بالرحيل (أي لاعب) فلا شيء يقف في طريقه سواء خصموا منه أو ما خصموا. لابد أن تكون لكل فعل ردة فعل، هذي هي الإدارة السليمة وأنا مع القرار.

- لا، كلام روي كين سليم 100% .. هو يتكلم عن شي وأنت تتكلم الحين عن شي مختلف. صقل الموهبة يختلف عن صناعتها، يعني تقدر تقول كشافين الأرسنال عباقرة مثلاً لكن ما تقدر تقول إن الأرسنال يصنع اللاعبين بنفسه، هذا موضوع مختلف حتى قانونياً. روي كين هو أفضل من يقول هالكلام لأنه كان مع فريق تمت صناعته فعلاً واللاعبين كانوا بمانشستر من البداية بينما ولا لاعب بتشكيلة ارسنال الاساسية أو الاحتياطية من أولاد الأرسنال
للتوضيح: قائمة تسجيل اللاعبين في التشامبينز ليغ لما يجي يقدمها مانشستر (على سبيل المثال) لازم تتكوّن من 25 لاعب، هذي القائمة تتقسم إلى قسمين: 21 لاعب + 4 لازم يكونون من أكاديمية النادي أياً كانت مراكزهم، مثل سكولز وبراون...الخ، بينما الأرسنال ما يقدر يضيف دينلسون من الأربعة رغم وصوله للنادي بعمر 17 سنة، ولا يقدر يضيف فابريغاس رغم وصوله وهو بعمر 16 سنة للنادي ولكنه يضيفهم في قائمة الــ 21 فقط

- المستثمر لو خسر فهي مشكلته، لكن النادي لما يخسر ليه ما يواجه الإقصاء مثل ما يحصل في كل العالم؟ الأندية الإيطالية تعلمت الدرس وصارت تصرف بحذر شديد، مو من العدل يكون نادي مثل مانشستر مديون بـ 700 مليون جنيه ويقدر يدخل الميركاتو بمبالغ ضخمة " بيرباتوف وغيره "!! ما فيه إنصاف.. يعني نادي أطلانطا يقولون بإنه صرف أموال كثيرة هذا الصيف (لم يشتري ولا لاعب قيمته تتعدى 4 مليون) وجدد بعض العقود..الخ الالتزامات المالية المتفرقة، النادي قد يبيع فلوكاري إن وصل سعره 11 مليون فقط ليوازن خزينته بسرعة. طيب ليه أطلانطا مجبور يبيع أحد أفضل لاعبيه لئلا يلاحق قضائياً بينما لم يتخلى مانشسر أو تشيلسي عن أي لاعب وعندهم امتيازات للدفع الميسّر وكل ما يصلهم من الإتحاد الأوروبي حتى الآن مجرد طبطبة على ظهورهم و " لو سمحتوا قلصوا ديونكم شوي "!؟ والانجليز الحين يقولون إن الأوروبيين يكرهونهم ويدورون عليهم الزلة! ههههههه اللي اختشوا ماتوا صحيح، ديونك مليار جنيه وما تبي تدفع وتقول لا تكلموني!؟

- شوف، لوتيتّو حقير.. جمهور لازيو يكرهه لكنه مدعوم من الحكومة وظهره قوي جداً. لوتيتّو ضد الفاشية وهذا سبب تسهيلات الحكومة له وجدولة مديونيات لازيو بهذي الطريقة المريحة جداً، الحكومة ما تبي لازيو (نادي موسوليني المفضّل) يملكه أحد الفاشيين عشان كذا بيمنحون لوتيتو أرض للملعب الجديد مثل ما قدموا له الخلاص من الديون على طبق من ذهب. لوتيتو يقدر يسوي ويقول اللي يبي، الشكوى لله (:
ديلو روسي أنا كنت معجب بعمله مع أطلانطا، ومبهور من عمله في لازيو رغم النقاط المنقوصة ومشاكل الكالتشيو-بولي. الرجل يستحق التباهي ويستحق الكلام والتحدي وحتى نرفزة الآخرين..، أتمنى إنه يتخلص من ماكينوا بس.

 

[عبدالعزيز رشيد]

"شفيه العيد علي؟؟! (":"
يامشعل معك خطوة خطوة

- مودريتش إيه بـ 20,أكلّمك على خلفيّة أسعار لاعبين معاصرين له اللاعب عنده قدرات خاصه يلعب بالرجلين وواثق من نفسه وسريع ولو شفت مباريات توتينهام أكثر من يطلب الكورة هو - مثل فابريغاس ماتحرجه الكورة لكن الطريقة الانجليزيّة تقتله,هو مهندس أقدّمه على مونتليفيو وماركيزيو بعد إنت شوف هدف كرواتيا على تركيا وقتال الـ لاعب كيف؟ مودريتش ياشيخ مهندس يوزّع الكور صح وحركاته صح بسسسس جسمه ):,بالنسبة للاعب مان سيتي فيه ايلانو وجونسون كلّهم قريبين من عمره ومدري كان واحد منهم تقصده,ببساطة مودريتش من أكثر المواهب إلتقت عليها الأضواء بعد اليورو2008
-روما إدارته راح تقضي على النادي خلّ الميركاتو السيّء على جنب بس شوف واقع خسارة لاعب أساسيّ كلّ سنة بدون تعويض,قراراتهم "خبط عشواء"
- خلّنا نتّفق ok "وش هو الأهم؟",معك فابريغاس من خارج النادي لأنّي أذكر خروجه زين )":,وكذلك والكوت كام ذكرت من ساوثمبتون لكن اللي يهمّني وش راح يكون مصيره لولا الأرسنال -الأرسنال له الفضل 75% على والكوت وتتراوح النسب مع فابريغاس النسبة أقل طبعا لكن بالنسبة لفريق الناشئين المشاركين بالكارلنج كاب كلّهم صغاااار وبناهم الأرسنال مثل والكوت - وع فكرة "رامزي" "ويلشر" تذكّر هالإسمين رامزي شراه الأرسنال العام وعشان أكون أقرب مانقدر نعتبره من أكاديميّة الأرسنال,والأهم لولا الأرسنال ماكانوا
-المستثمر مالك وهنا المشكله أغلب صفقات النادي من المالك في حين سيولة النادي من القروض,وقريت تصريح لريدناب مدرّب بورتسموث كان واقعي وقال "للأسف مانقدر ندخل بالميركاتو الشتوي"يعني الأزمة بيّنة وأصلا من قبل ماكنت احبّ سياسة الأندية الانجليزيّة - لكن تبهرني سياسة الأندية الايطاليّة ومانسى الاسبانيّة فالنسيا خرج من الكارثة بأعجوبة وملعبه الجديد يبنى على قدمٍ وساق!,في حين الأندية الانجليزية بتلجأ لبيع نفسها نيوكاسل ووستهام أندية قريبة لأي مستثمر والله العالم بعد الموسم كم نادي راح يكون منهم,ممممم بس والله راح تكون كارثة على البريميرليج المترف,ليتهم يشوفون قطّارة الملياردير بيرلسكوني بكلّ ميركاتو ويتّعضون
-لوتيتو كانت عنده تصاريح العام كريهه أذكر كان يقول للاعبين وش ذنب الجمهور يدفع من ماله ويشجّعكم وآخرتها تنهزمون!, أذكر مالديني كان ينتقده كثيير ومعه التوبيللي وكذلك رئيس نادي بارما نفس الطريقة,لوتيتو توني عرفت منك كيف أخرج لاتسيو من ازمته,لكن من قبل وأعرف انّه حقير فعلا
-أنا معك حول ديليو روسي لكن شخصيّته المهذّبة الي كنت أشوفها ماحبّيتها تتشوّه,تمنّيت أشوف صورة مثل صورة المهذّب برانديللي,وع فكرة شكلهم بيغسلون يدينهم من جلوس زاراتي.

 

[عبدالعزيز رشيد]

تصفيات مونديال افريقيا



انجلترا:كازاخستان
5-1
مهرجان أهداف فقط بالشوط الثاني!,الشوط الاوّل منتخب انجليزي ممل وبليد ومنتخب كازاخستاني مثابر_منتخب أولومبي_ والكوت الوحيد المتحرّك لكن!,تبديلات طفيفة قلبت المباراة رأسا على عقب لصالح الانجليز -أهداف سهلة باخطاء ساذجة نظرا لقلّة الخبرة للكازاخستانيين,لاشكّ الدون كبير ومتحكّم بكلّ شيء,أشار بعد الهدف الرابع بأصابعه الخمسة وهو يبتسم وكأنّه يعرف بان ديفوي اللذي ادلخه للتو سيحرزه!,والخطأ المصحّح كما قال نبيل معلول"اللعب بثلاثة ارتكاز كثير نوعا ما على منتخب مثل كازاخستان"

سويسرا:لاتفيا
2-1
فقط يهمّني هاتسفيلد مدرّب سويسرا (":

 

[مشعل الغنيم]

*

مساء الخير ياعم الحاق،

- عشرين مليون كثيرة على لاعب لم يختبر سوى بالدوري البوسني وبطولة اليورو الأخيرة. عموماً هو دخل السوق بمبلغ عالي واشتراه السبيرز خلاص، لكن لليوفي؟ مستحيل ينتقل بمبلغ مثل هذا. الله يذكرك الشهادة، هو جونسون فعلاً. وآيرلند يعجبني بالمان سيتي هل عمره صغير؟ أما إيلانو أسلوبه ما يروق لي. كان يعجبني الكرواتي الظهير، اعتقد الأغبياء باعوه لتوتنهام!

- يعني والكوت عاجبك أصلاً؟ سريع جداً لكن ما عنده أشياء خارقة نقدر نسوي له ضجة أو نقول " ولو مجاملة " مثل كلام كابيلو. شون رايت فيليبس أفضل منه بمراحل فلكية، والولد الجديد اعتقد بينتلي اسمه جيد جداً واعتقد انه افضل من والكوت. ما أدري ليه معطي الأرسنال الفضل على لاعب عادي لا أكثر. دي سيلفا كنا نقول جيد لأننا شفناه مع المنتخب بس، بالنادي على طول مصاب، بيدنر مهاجم عادي، دينلسون قفز قفزة نوعية بأدائه لكن ما نقدر نحكم إلى الآن، أما فابريغاس كان موهبة كبيرة ومعروف في برشلونة من قبل ، ما للأرسنال فضل عليه ابداً (باستثناء إنهم خلوه أساسي على طول).. يمكن " كليشي " هو اللي طوّروه بشكل رهيب،،، وما أبي أطوّل بموضوع الأرسنال لأنه أخذ أكبر حيّز بالموضوع من بدأ إلى اليوم (:

- أنا مستغرب من بورتسموث، مالكه ملياردير روسي-إسرائيلي لكن يحب يشتري لاعبين سود!! مؤسف يكون عندهم لاعب جزائري ومؤسف يكون ريدناب نفسه عندهم، لكن الشكوى لله.
إذا جينا لبرلسكوني فهو مشكلة الكالتشيو، بالإضافة إلى موراتي طبعاً. تعاون مخيف يكون بين الميلان والإنتر وقت الأزمات. في فترة من الفترات كانت عليهم ديون رهيبة لمصلحة الضرايب ووقتها تلاعبوا بميزانياتهم (ولازالوا يسوونها عموماً) وبدأوا حركة عجيبة.. كانوا يبيعون لبعض لاعبين عاديين جداً بأسعار عالية " على الورق " حتى تخف عليهم الضرايب، مثل ويست وكوكو وبروكي...الخ، وطبعاً لا ننسى إن لوتشيانو موجّي (أكبر رأس في فضيحة الكالتشيو-بولي) مسجون بسببهم، شركة الإتصالات اللي يستخدمها موجّي شريكة في نادي الإنتر والمحققين والقضاة تحت أمر بيرلسكوني.. أسقطوا اليوفي وخلا لهم الجو، واحد أخذ الدوري والثاني أخذ التشامبينز (:

ما قلت لي.. شرايك بتحرك باليرمو لشراء عقد فلوكاري بالشتا؟