مــتـى بـتــجــيـن ... ؟

[بندر الخزمري]

هنا سأكتب
ما كنت لا أريد أن أظهره لأحد
وذلك لأسباب سأخفيها

هنا
وبين ايدكم قصيده
بعنوان
(متى بتجين)
والعنوان وللحفظ الأدبي للشاعر والزميل / صالح اليامي أدامه الله بصحه



هناك قصه للقصيده
وهنا القصيد تحكي
..
.
لا لا تلوميـن (بندر) لا عشـق (نوره)
اللي يجـرب هواهـا كيـف ينسـاها !

الروح مجبـورةٍ وتسيـر مجـبــوره
والقلـب ما يسعـده يا كود طريــاها

حتى خلايـا الجسـم يا بنت معـذوره
اللي تعاف البشـر وتعيـش ذكــراها

من يوم ما غـادرة والنفـس مكسـوره
لحظـة فراقٍ صعيـبه كيف نقــواها ؟

والـوان منثـورةٍ في داخل الصـوره
من حـزنها تـفـقد الالـوان معنـاها

هذي شـوارع بلـدها صابـها ثـوره
والمدرسه اللي سكنـها حول مبنــاها

حتى الشعـر عاف قيفـانه وجمهـوره
من لحظة البعـد قام الشعـر ينعــاها

ابيـات نظمٍ على الاوراق منـثــوره
يا خـوف ناسٍ ترتـبـها وتقــراها

تبـان ذيك المعـاني كيف مستــوره
فكـرة قصيـده وشـاعرها تبـنـاها

قصيـدةٍ في مجال الشعر اسطــوره
اوضح من الشمس وقت الصبح مبداها

يا بنت شوفي حيـاتي كيف محصوره
ما بين يوم الفـراق ويوم لقيـــاها

وقلـب (بندر) تجمّـل كـلـن ودوره
اللي حصل لك كثير قلوب قد جـاها

هذا هواهـا وهذي الروح معـذوره
اللي تعاف البشـر وتعيش ذكـراها



........
.

 

[عبدالله العلي]

المشاركة الأصلية كتبت بواسطة بندر الخزمري

هذي شـوارع بلـدها صابـها ثـوره
والمدرسه اللي سكنـها حول مبنــاها

حتى الشعـر عاف قيفـانه وجمهـوره
من لحظة البعـد قام الشعـر ينعــاها

ابيـات نظمٍ على الاوراق منـثــوره
يا خـوف ناسٍ ترتـبـها وتقــراها

تبـان ذيك المعـاني كيف مستــوره
فكـرة قصيـده وشـاعرها تبـنـاها

.

بندر



ابداع وايما ابداع


صح لسانك

جزله من جزل

 

[الجفول]

بندر الخزمري


الله لا يضرك ولله درك ونص رائع لابعد مدى

وكل عام وانت بخير ومن العايدين


تحياتي

 

[شــمــ نـجـد ــس]

:

وللذاكرة نصيب من الوفاء ..

الشاعر بندر الخزمري

لعامكـ الخير

 

[سعد الجميلي]

كلنا نقف بصفك في عشق نوره




مدامها تااتي بالشعر



شكرالهذاالابداع بندر

 

[بندر الخزمري]

المشاركة الأصلية كتبت بواسطة عبدالله العلي

بندر



ابداع وايما ابداع


صح لسانك

جزله من جزل

صح بدنك عبدالله

والله الابداع وقمة الرضى
هو في تواجد مثلك في متصفحي

لك ودي

 

[بندر الخزمري]

المشاركة الأصلية كتبت بواسطة الجفول

بندر الخزمري


الله لا يضرك ولله درك ونص رائع لابعد مدى

وكل عام وانت بخير ومن العايدين


تحياتي

الجفول

شكراً لك

مرورك هنا كان نوراً لمتصفحي

تحياتي

 

[بندر الخزمري]

المشاركة الأصلية كتبت بواسطة شــمــ نـجـد ــس

:

وللذاكرة نصيب من الوفاء ..

الشاعر بندر الخزمري

لعامكـ الخير

وللذكرى نصيب الاسد من شعرنا


مرورك كالنور يضئ متصفحي