سيرة احلى حكاية: حكاية موسم 2008-2009

[مشعل الغنيم]

المشاركة الأصلية كتبت بواسطة عبدالعزيز رشيد

مشعل
ديربي هالسنة فيه حاجة أعجبتني أكثر من العام مع ان النتيجة بس 1-0, لكن أشوفك مرررره أجحفت بحقّ الكثير حرام عليك عاد (رونالدينهو أوكي هذي قناعتك الأبديّة حولة), لكن بقيّة الفريق عالة,أبياتي أبسط مثال هذا غير زامبروتا كان جيّد جدّا ياخي جاتوزو امبروزيني أوووف من جد يوم قريت كلامك حسبتك تقصد المعلّق!(:, خواريزما لاشيء هذه المباراة فقط مورس الإرهاب الكرويّ اتجاهه, أصدقك القول منذ ان دخل ادريانو إطمأن قلبي!,فييرا لم يكن سيّئا أبدا تمنّيت خروجه لأنّه سيفكّ الخناق عن روني وكاكا كثيرا, مورينهو بقولك بالإنتر اثنين مظلومييييين خيمينيز,كريسبو لو اللي دخل كريسبو بجانب كروز ومعه خيمينيز كان أتوقّع ينهدّ حيل الميلان وخصوصا جاتوزو وامبروزيني اللي عليهم الكلام الدفاعيّ - ولاننسى ترى مالديني وكلادزه سوّوا مباراة كبيرة,وشكلك انتراويّ (:

لا أبداً، أنت اللي " ميلانيستا " وعاطفي بتقييمك (:
بالنسبة لي فأنا أشوف مفاتيح فوز الميلان كانوا [ كاكا/ مالديني/ سيدورف ] هم اللي شالوا المباراة شيل، كلادزه بالكاد أدّى دوره وطلع من المباراة بدون اخطاء فادحة (هذا ما أقدر اسميه إبداع)، غاتزوز وأمبروزيني كانوا ضايعين لولا قيادة سيدورف لوسط الملعب بإتقان شديد، المحور مركز ماهو سهل تقييمه بأنه سيء بسهولة وبنفس الوقت مستحيل نقول إنه أكثر من جيد بسهولة (المحور بالذات).. أنا قلت عنهم عالة لأنهم خلوني افتقد بيرلو، كان عليهم - في هذي المباراة بالذات - ما يخلون أحد يفتقد بيرلو... رتم الميلان البطيء حتى لو كان بسبب رونالدينيو فأنت تحمله للمحاور، كان بمقدورهم يغيرون رتم المباراة (وهذي شغلتهم أصلاً). مين باقي؟ زامبروتا؟ كان محظوظ بخروج مانسيني ، وش قدّم للمباراة؟ آخر الدقايق طلع من اللعب ودخل بونيرا مكانه وهو صار بالهجوم يضيّع وقت (وحتى هذي ما أجادها ولا أخذ ضربة زاوية واحدة على الأقل)
لو طلب منّي تقييم اللاعبين ما أعطي أي لاعب للميلان أكثر من [ 6 ] وبعضهم يصل إلى [ 6,5 ] بالكاد، ما عدى الثلاثة اللي ذكرتهم من قبل يستحقون [ 7,5 ] وحتّى [ 8 ]
ممكن تستغرب ليه ضغطت على الميلان بردّي السابق، لكن لما تشوف إن فيه لاعبين أبدعوا فعلاً من طرف الإنتر فأنت تعرف أن الفريق الفايز عنده خلل كبير.. هل نقول مايكون سيء؟ إبرا؟ كامبياسو؟ زينيتي؟ جوليو سيزار؟ والبدلاء: ستانكا وكروز؟ عندنا سبع لاعبين (أو يمكن نتفق على أربعة مثلاً) قدموا أداء أكثر من جيد في الإنتر - الفريق الخاسر - هذي نقاط تمنح لهم على حساب مين؟ على حساب لاعبي الميلان طبعاً.
شوف، أنت حسبتك مختلفة لأنك عاطفي، صدقني أنا لو نظرت للمباراة بعيون إنتراوية كان قلت تطرّقت لتسلل كاكا بالهجمة اللي جا منها الهدف، أو للكرت الأصفر الوهمي على خواريزما، أو الطرد العجيب لبورديسو، لكني ما تكلمت بالموضوع لأن الحكم أصلاً سيء وكانت عنده قرارات ضد الميلان بعد، وإن كان المتضرر الأكبر هو الإنتر.
المباراة انتهت الحين، الميلان فاز بالديربي وهذا مهم جداً. لكن بصراحة.. الإنتر ما حسسني بضعفه وانكساره، ما حسسني إنه الفريق ( المذلول اللي خسر الديربي)، وهذي من الغرائب اللي ما تمر علينا كل يوم (: حتى مورينيو، كنت متوقع يكسرون خشمه الطليان ورددت بأكثر من مناسبة هالكلام (آخرها الرد قبل ساعات من المباراة)