سيرة احلى حكاية: حكاية موسم 2008-2009

[عبدالعزيز رشيد]

سكّر الجرح

ماينلام المسأله فيهاخمسة لاعبين جدد طبّق طريقة ومانجحت!,يعني اختلاق تشكيله تلمّهم وتمزجهم يبيله وقت وهو على كلّ حال يستشير كرويف كثيرا وسيفيده _للأسف هو قليل خبرة_,المشكلة إنّه نجح بالودّيات لكنه صدم وبالعكس شيء جيّد انّه تدارك بهالسرعه غيره يجلس فتره أطول

وبالنسبة لـ روني حكم الزمن ):, ممكن تمنّيت رحيله عشان مكانته ماتهتزّ لكن أبدا ماتمنّيت زمانه يرحل وصعب مايرحل - السنه هذي فرح وراح نصفّق للبرشلونا,وآآخ رونالدينهو يكفيك لمّا تجي دعايات مايقولون برشلونه كانوا يقولون رفاق رونالدينهو شفتي كيف؟؟!!

 

[سكر الجرح]

شفت

إيه من الطبيعي إذا كان من خلفه كرويف يستفيد من استشارته وخبرته بس يبي لنا كذا مباراه عشان
نتطمن ونقول قو هيد غوارديوولا !!



أنا متفائله وإنت كذلك أعتقد متفائل ..
وعلى إنتظار

 

[عبدالعزيز رشيد]

غوارديولا أهم شيء إنّه يمتلك شخصيّة قادره على جعل الـ لاعبين يقدّمون أجمل المستويات بطريقة معيّنة,البرشا كان يحتاج لمدرّب بشخصيّة غوارديولا
القويّة إيتو ابتعد عن عبطه وبالعكس اجتهد لجل يبقى بعد مارضخ للواقع هنري تفهّم المدرّب مهمّته ووظفّه واعطاه الثقه والنتيجة أخذ 9\10 تقييم موقع غول في مباراة سبورتينج مع انه ماجاب هدف! شوفي التطوّر الملحوظ مرّه باللين مع هنري ومرّه بالشدّه مع ايتو ومع ذلك غوارديولا يقول "راضي عن هنري وايتو انتظر أن يتطوّر اكثر من ذلك" جيرارد بيكيه الـ لاعب الجديد لو شفتيه بالودّيات لاعب جدّا مبتدئ لكنّ مستواه تطوّر بشكل كبيير,شخصيّة غوارديولا هي السبب وآخر خبر المدرّب قرّر ان على اللعيبة توانل العشاء بعد كلّ مباراة مع بعضهم البعض(:,يمتلك المقوّمات لكن تنقصه الخبرة التكتيكيّة فقط وهي تأتي مع الأيّام,ولو قارناه بريكارد ريكارد ممكن أفضل بنواحي لكن مثل ريكارد ينجح مع الأرسنال لاعبين صغار غير نجوم ومتقاربين لكن مع البرشا الوضع مختلف وبيب اللي هو غوارديولا مناسب لكن هل سيكتسب الخبرة سريعا؟وهلسيوفّق في دمج الـ لاعبين؟؟..ننتظر

لكن راح نقول من الآن قو هيد "بيب" (:

 

[مشعل الغنيم]

المشاركة الأصلية كتبت بواسطة عبدالعزيز رشيد

توّنا مفطرين (:

دي ميلو لاعب يحرث لك الملعب حرث,بس انت مثل ماشفته نشيط زياده حبّتين لـ درجة من طفاقته خذ كرت أحمر - يبي يثبت نفسه وفعلا أذكّرك راح يثبت نفسه يبيله ركادة الدوري الايطالي لانه جايك من الليغا السريعه هو نوعا ما يذكّرني بأبوديابي ,مجتهد متحمّس لكنّه يعفسها آخر شيء (قلّة الخبرة), وقت ويعجبك(:, الفيولا تمنّيته تمسّك بـ اوجفالوسكي
تعال وترى فيه خبر جديد وجب معك رايك فبانوتشي.

مممممممم، يا أخي ما أدري لكن كلما أقارن بين ميلو وبين ليفراني ليفراني يكسب. عموماً المسألة ماهي مخيفة، إذا ما أدّى بينركن بالاحتياط وصلى الله وبارك. اويفلوسي جيد، صلب ويلعب بشغف، رحيله مؤسف بس مو مصيبة.. راحوا اللي أحسن منه، لا تنسى أن الفيولا عوّضوه بكوموتّو وهو أفضل منه بمراحل.

- بانوتشي كبير، لكن رأيي من أي ناحية؟ الكلام ممكن يختلف حسب توجهه
الرجل انتقل لأندية كثيرة وكان في فترة من الفترات فتى كابيلو الأول، لعب ظهير يمين وظهير يسار ومتوسط دفاع، على مر السنين كان يؤدّي مهامه الدفاعية والهجومية بصورة طيبة.. وبالنهاية لا ننسى مباراة اسكتلندا (:

عطنا الخبر الجديد (:

 

[عبدالعزيز رشيد]

الخبر ع السريع أبد
دي ميكيلي يسلّم عليك وهو بويستهام ويقول جاب هدفين قدام نيوكاسل (:

..راجع بعدين

 

[خالد صالح الحربي]

:
ياالله لا تشغلنا إلاّ بطاعتك !
هلحين من جدّكم أنتم يوم أنّكم خاشين بتفاصيل تفاصيلهم .
تذكروني صراحة بمحللين العربيّة حقّين سوق الأسهم الله يذكرهم بالفلس .
تدرون عاد ودّي أسوي لكم حاجة بس للآن مدري وشّي ، لقيتها لقيتها بأقترح على الإدارة تصبغ نكّاتكم . بألوان جحلّطكم ~ <<<<< متأثر بمناحي
وبأقول لقايد يصرف لكم أرقام .. رأي وربّي حلو مو كذا .


عموماً علّموني بالله متى مباراة المنتخب الجايّة
لحيتي طالت وودّي أحلقها ؟!

 

[عبدالعزيز رشيد]

هلا:خالد
مثل ماتهتم بتفاصيل تفاصيل تفاصيل الأشياء اللي نهتم فيها,برضوه لنا الحقّ ع الأقل نهتم بشيء يهمّ الملايين (:
والله مدري متى مباراة المنتخب لين جت أرسلت لك ~ أقول بس بكره مباراة ميلان لاتسيو انتبه تفوتك ترى باسألك عن النتيجة بكرة ,عاد ذكّرتني ف الوقت اللي ترسل لي الشاعر الفلاني تمام وانا ارسل لك روما فازوا على الريال(:

 

[مشعل الغنيم]

*

عبدالعزيز،
شفت دي ميكلّي بالهاي لايت..
بس اصبر اشوف الكريه هذا وش يبي (:


خالد،
نعم يالطيب؟
اتركنا نمارس الحب براحتنا

وش سالفة اللحية الطويلة؟ علّموك إني جيتهم ملتحي وإلا قلتها كذا صدفة؟ :d