عَاطِل عَن الْعَمَل:

[صائم]

*
صايم / وشايل في يميني ملفّي..
..... وآدور مابين السكك والدواير..


أبغى وظيفة دخْلها لي يكفّي..
..... على الأقَل خُبز وعصير وسجاير


دخلت لموظّف لقيته مْغفّي..
..... سلام قلت وجاوب الزول : داير


داير شنو؟! مدّيت للزول كفّي..
..... بآصافحه حسب سلوم العشاير


لا عل هالرحمة علينا تضفّي..
..... ويْحنّ.. وإلا والله الدّم فاااير..


عندك وظيفة حيّ وإلا مْتوفّي..
..... حتى ولو سوّاق عند الحراير


جاوب عليّ الزول اجابة مْقفّي..
..... ما عندنا لك للأسف ما يْساير..


**
مدري علامك ياوطن ما تدفّي..
..... وأنا مسوي لك ظلوعي عماير..


يعني لخفوقي لازم أنّي أطفّي..
..... وإلا أهاجر يا لـ مصر يالجزاير..؟!

 

[فهد محزم]

لا لا لا لمصر والا للجزاير .. انشاء الله يحن الوطن ويضم ابنائة

اخي الغالي / صايم

الصدق اللذي يسكن هذا النص هو مايجعله نصا فاااخر ومفعم بالجزاااله

صح لسان من هنا الى مالا نهاية

اتمنى لك التوفيق

تقبل صادق الود

 

[سلطان ربيع]

قراءت لوحة دعائية

مكتوبه بـ الوان الوطن

""

كن سعودياً ووظف سعودياً
""

 

[ريم علي]

صائم....صح لسانك على نقل الواقع....

الوطن قادر على ان يحتضن ابنائه بكل حب ...لكن الصبر والبحث المتواصل كل مايجب ان يقوم به العاطل..

لك التحية