الــمـــشـــهــــد الأخـــــــيــــــر

[ناصر المطيري]

من اجمل واعذب ماقرأت
من الشعر
في الفترات الاخيره
ابداع غير مسبوق

نواف التركي
شكرا جزيلا لك

 

[طلال أبا جريد]

.



وشلـون تـقـدر تـلـمّ الأرض قطـعـة حـريـر=بالله وشلـون مــا تبـكـي عـيـون الغـمـام !!

نواف ,,,,
لن أقول شيئاً فالردود التي سبقتني لم تترك لي مجال لقول شيء مختلف والإختلاف ليس هو السبب , سأطبع شعوري الأول هنا بعد قرائتي القصيده ( الله الله الله عليك يانواف )



نكشه : مي ؟؟ مو كأني قريت إسمها بصباحات حارتنا لايكون إنت نواف الي هناك

 

[هنادي المطيري]

المشاركة الأصلية كتبت بواسطة نواف التركي

.




.




.

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحه ليت لي عنها ملاذ ومجير = النور منهك وساطي فالعيون الظلام

والصبح ماهو قريب ولا بقى في جفير = عيني من السْهِر لا طلقه ولا من حزام

يا سيد البال مات من الكلام الكثير =مابين شرهه ..حياء .. تقدير ناس ..وحرام

لين إمتلى الخرج صمت وجاء يحث المسير = البوح ..وآنا أتصدّد عنه لين إستقام

قدّامي وكان لا بد الرحى تستدير = وإن طاح حب العتب فـ / إقرى عليه السلام

وإن قلت صدرك كبير أقول سرّك فـ / بير = يردون يمّه عطش.. يقفون منّه صيام

لا يشغلك هرطقات البعض.. يوم النفير = يبين حكي الفضا لا أشتد وقع الحسام

لو عذربوا نزفك إنّه من عروقي غزير = ما عابك إنك عظيم تمد مدّة عظام

يغرون بك نقص أنفسهم ولا فيه ضير = مادامهم يعرفونك حر مالك عمام

إقلط علي مالك بقلبي شريك وخشير = مبطي وأنا أمر ساحتهم مرور الكرام

ياحادي الشعر مبطي من غلاك أستخير = واليوم ذودك على فكري تسوقه حيام

تجي ..تحث الخطى يمّي ووضعي خطير = وتوقظ لي الذكريات وتستثير الغرام

تجي ..وتفتح شبابيك الغياب وتثير = وجدي على بيت طين وعاشقين وحمام

وأروح أراود عصّي الدمع حتى يحير = في مدمعي لين ينبت في عيوني ملام

للحاره الشاهده حزن الفراق الأخير = وشلون تقدر عقب (مي) الشوارع تنام

وشلون تقدر تلمّ الأرض قطعة حرير = بالله وشلون ما تبكي عيون الغمام !!

لا شاعرك مستريح من السفر والهجير = ولا أنت تقدر تعود وما بقى بي حطام

ويراودوني على الذكرى وحلم الفقير = وأهرب بقلبي عن عيون البشر والزحام

لو أملك الريش كان أنفض جناحي وأطير = وأروح أخاوي بجنحاني طيور اليمام

تعبت واللي خذاك آقول طيّب .. بخير = وأتعبني الشعر يوم أبعث رميم الكلام

وأنفخ به الروح وأكسيه الشعور ويصير = بإحساسهم همّ ليت الحرف أخر مقام

للحزن ..ماكان صرت لـ / هالمواجع خفير = أرقب له الخاليات الموحشات السقام

ولا غزتني تجاعيدي وتوّي صغير = وما كان للصدر من غبن السنين إحتدام

لو ما العزاء إني بوجه الوقت خصمٍ كبير = وإني على كثر طعناته كسبت إحترام

الناس .. ما كان يلفح وجنتي زمهرير = برده ولا أنخى دفا ربعي ولوهم حشام

والحين ياحادي إحساسي وجيشك مغير = يمّي عسى طاب خاطرك وعرفت المرام

ياحادي الشعر منك ومن عناك أستجير =أطلق وثاقي تعبت من السهر والهيام

ياطول ليلك وأنا ما باقيٍ في جفير = عيني من السْهِر لا طلقه ولا من حزام [/POEM]

ما أجمـــلك !!

 

[نواف التركي]

المشاركة الأصلية كتبت بواسطة ميــرال

نواف التركي

امتلئ المكان شعور شعر

قصيدة كــ هذا الحظور

متوهجه

ميرال
ممتن لكلماتك

دمتي بخير

 

[نواف التركي]

المشاركة الأصلية كتبت بواسطة سلطان الدوسري

.
.
بل مشهد الشعر الوفير ..
حضورك بحد ذاته شعر ..
.
صح كلك .. وسلملي عليك ..
.
.
احتراماتي

سلطان الدوسري

صح قلبك
ياغالي

ممتن لحضورك / نورك

دمت بخير

 

[دعاس الرويلي]

إن كان للشِّعْرِ نصيـبٌ من الخيـر في
هذا الزمَن الرَّديء فَهُوَ بوجودك ووجود
أمثالك من الشعـراء الحقيقيين ..



نواف التركي ..


أطربتني شعرًا


لكَ الحُب علَى الشُّكْر مَثْنِي

...

 

[محمد السالم]

نواف الشعر

دائماهكذا

الشعر يحتفي بمقدمك


لك الشعر


ولك

الشكر

 

[صالح الضويحي]

ياحادي الشعر مبطي من غلاك أستخير
واليوم ذودك على فكري تسوقه حيام

تجي ..تحث الخطى يمّي ووضعي خطير
وتوقظ لي الذكريات وتستثير الغرام

لأنه .. نواف التركي


الأنسان قبل الشاعر..


لن اقول انه مبدع.. فهذا قيل كثيرا

لكن اقول انني احب هذا الانسان شاعرا وانسانا

كثر الله امثالك


تحياتي لك