الحجامة وَ الكبتاجون !!

[سلطان الدوسري]

.
.
عادل بدر .... ياهلا وغلا يابعدي ..
عنوان جذبني سريعاً حين سقط نظري عليه ..
وقرأته جيداً وكذلك جميع ردود الأعضاء ومداخلاتهم ..
ولكن أنا مع أخي نافع بما كتب حول طريقة الطرح .
.
رأيي في الموضوع :

سوف أكون شجاعاً في دخولي على هذا الموضوع وإدراج حادثة لشخصي أنا ,
مع قاريء لنصوصي قبل اكثر من اربع سنوات تقريباً وكان يعرفني فقط على
( شاشة النت ) وقد بنى في رأسه ومخيلته أن الدوسري يكتب وهو يستخدم
اي نوع من المخدرات .
المهم .. سبحان الله مرّت السنوات وإذا بي ألتقي بهذا الشخص واتعرّف عليه عن
قرب .. والتصقنا ببعضنا كونه كما انا في الرياض .. ويعلم الله انه لم يتفوّه بأي كلمة
وطالت مدّة تقاربنا إلى أكثر من سنتين ونصف سافرنا مع بعض وارهقتنا الظروف
و كُنّا بجانب بعض .. المهم أنه وصل درجة الصديق الوفيّ وأنا كذلك في نظره ..
وفي يوم من الايام كنا جالسين نتفرّج على قناة روتانا سينما وفيلم مصري لمحمد سعد
بعنوان ( اللي بالي بالك ) .. طالعت في الفيلم شوي واخذت القلم والدفتر وصوت التلفزيون
عالي كذلك وشرعت في كتابة قصيدة وكانت تلك القصيدة بعنوان ( اللي بالي بالك ) ..
فطبعا استحضرت شاعريتي وأذني تسمع الفيلم وحين أتى مقطع الفيلم الذي غنّى به
محمد سعد وقال بمعنى كلامه : ( في عيونك شقاوه .. ومدري ايش حلاوه ) في حينها
قلت لصديقي : وش قال ؟؟؟ فضحك صديقي وقال لي لفظياً : اكيد تبي توظفها يامجنون
قلت : ايه .. بس بسرعه قل لي وش قال .. فقال لي تلك المقولة واسقطتها في الشطر
وتممت الشطر الآخر بعنوان الفيلم ( اللي بالي بالك ) .. واستمريت في كتابتها إلى أن
أنتهيت ... وقلت لصديقي : وش رايك تسمع وتعطيني رايك ؟؟
قال : اسلم .. وسمعته القصيدة كاملة .. بعدها قال يابو سعد بقول لك شي ولاتزعل
منّي .. قلت : افا عليك .. ولو كان يزعّل راح اغفر لك ..
قال : تصدق قبل اعرفك قلت اقص يدي من الكتف اذا هالشاعر مايستعمل مخدرات
عشان يكتب .
طبعاً ضحكت بقوّه .. وقلت له : من جدّك يابو بندر ؟؟؟
قال : اي والله ..
قلت : طيب والحين ؟؟
قال : لا وربي اعترف لك انّي ماعندي سالفة .. وخصوصا يوم شفتك تكتب والتلفزيون
شغال وانا جالس عندك . انتهت القصة .
ربما يقول البعض : يمكن تضرّك هذه القصّة .. ولكن ردّي هو :
(( كفاني بي اثقُ في نفسي ))
.
.
نعم هناك فئة تتخيّل أن الإبداع لا يأتي إلا بهذه السموم .. وهذا يرجع لتفكير الشخص
نفسه ونظرته تكون ذات محدودية ومن زاوية ضيّقة جداً .. إلا إذا كان المبدعون سابقاً
كلهم مدمني مخدرات وجميع العلماء والمكتشفون والمخترعون .. فهنا سنقف كثيراً
ونقول : لا ليس كل مبدع مدمن .. وليس كل مبدع صاحي .
ولكن لو أخذنا هذا من زاوية منطق فإن المخدر هذا يُذهب العقل ويجعله غير سوياً فكيف
به ِ يُبدع ؟؟ هنا طاااااااامة كبرى فـ أين الإبداع من ذهاب العقل ؟؟ هذا شرقاً وهذا غرباً ..
وفئة الشعراء كما غيرها من الفئات : هُناك الصالح وهناك الطالح .. ولكن يبقى المرء
بفِكره ِ وعقله وخوضه غمار الحياة والتزوّد بها .

عادل بدر ... شكراً لك أيها النقيّ .. وشكرا لطرحك الثريّ .
وسلملي عليك ..
.
وهذه قصيدة اللي بالي بالك :
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كيف حِبّك ضم كلي في ظروف الاغتراب؟؟=وكيف قلبك احتواني كلي عن بكرة أبي؟؟
وكيف همي صار همّك واعتمدت الاقتراب؟؟=وكيف دمعك صار يبكي عن دموعي لو مبي؟؟
وكيف بعض(ن) من شعورك يرتفع بي إن أناب؟؟=وكيف لامنّه أناب يقول : لا ماني غبي ؟؟
وكيف تقفى كيف وهذي اسئلة مالذّ وطاب=طاب فالك طاب فالي لو تولّع بحطبي
إشتعلني وانتدفّى من بعضنا بااحتساب=واحتسبها عند ربّك أجر وافي ياظبي
وقدّ ماتقدر تنثّر وانتشر بي باانتساب=لو تشيطن وش حلاتك لو نسبها ف طلبي
(((( الحلاوه في عيونك والشقاوه بااقتضاب=واللي بالي بالك انته لو على قلبي ؟؟ يهبي ))))
رح فديتك واعتبرني اختلف عن هالشباب=مااحاتي من وفاك اليا وفيتك من سبي
من سبيتك قلت ازين هو سباني من لُباب=واجتمع ثنتين .. تقدر ؟؟ ايه هيّن بشنبي
من عشقتك اعتبرتك شمس كوني ماتغاب=ولو تغاب أحيان هذا من سحاب(ن) في عِبي
ابك كلي لك عليّه هاليمين اليا أثاب=من عرفتك اعتبرتك كل خوخي وعنبي
ابك حتى من تسمت بااسمك انته ويش جاب ؟=قلت غير وانت غير وامش اجلس بكنبي
تستحق تكون فيني واستحق الإنتخاب=جوهره والجوهره ماتنتقدّر بحلبي
ايه احبك وانت مثلي والخطا في يديه كاب=ايه اخطي ولكن انته لاتخليني نبي
لك عليّه ماأعاند ان وحشتك في شراب=ارتشفني باارتواء ولو ظميت أَرجَع حبي
مستحيل القى مثيلك مايجيني إرتياب=وطبعاً انته ماتلاقي وان لقيت اطلع غبي[/POEM]
.
.
احتراماتي