[ رَفـّـ دُنْـيـَـــايْ ]

[عبدالله العويمر]

صباحكم ورد

قديم ُ ُ يتجدد بكم



[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بعضي معك والبعض الآخر نسيته=في دفتر احزاني على رف ْ دنياي


اللي معك ياما بقلبي بكيته=واعلنت به رجوى على نغمة الناي

واسرجت فكر ٍ فارسه كان صيته=بارض الوصل جندل من اللهفه اعداي

وسلّيت قاف ٍ كلما بان بيته=يموت راي ، وينتخي فيه كم راي

ياللي بغيابك كل فرح ٍ طويته=وآسرت بالماضي خفوقي عن الجاي

ماقلتلك بعضي بحزني نعيته؟=والبعض الآخر ينتظر فيك سلواي؟

وش قلتلي؟ وعد ٍ ومنّك عطيته=إلخافقي بانّك على الدوووم مغنااااي

وش غيّرك؟ قلي وش اللي جنيته؟=خليتني مابين ياسي ، ورجواي

قلّي سبب...لو كنت تكذب رضيته=ولاتخلّيني رهين ٍ لـ:لا مااااااي

لكن رحيلك دون عذر ٍ بديته=خلّى الأسى والهم والياس معناي

ياللي معك بعضي..اباسأل : نسيته؟=كان انت ناسي..تشبه لرف ّ دنياي [/POEM]

 

[محسن الدويخ]

بعضي معك والبعض الآخـر نسيتـه
في دفتر احزاني علـى رف ْ دنيـاي

الله عليك

قصيده تنضح بالحزن

شكرا لادراج الجمال هنا يا عبداللة


دمت بخير

 

[نبراس المشعل]

كلمات وصور عميقة
موسيقى فيها شجن
جميل يا العويمر حد العمق
ود و زهور

تقديري

 

[خالد صالح الحربي]

***
ورَفّ دنياك..
رتّبَ دوائقنا../. على.. رَفّ.. العُشْب..
شكراً.. كثيراً../. لكَ.. قديماً.. لا.. يُعتَرَف.. بـِ قِدَمه..

 

[فهد عواد]

وسلّيـت قـاف ٍ كلمـا بـان بيـتـه

يموت راي ، وينتخي فيـه كـم راي

عظييييييييييييييم ..... عظيم

الف الف الف صح الله لسانك

لك احتراماتي

....................

فهد عواد

 

[نـــجد]

رف وارف من يحمل بعضك ويزدان لبعض حزنك

رائعة بكل معانيها

صح كل حرف يتفيأ ظلال رفـ دنياكـ

 

[عبدالله ثويني المانع]

..

هذا هو المبدع القـادر على خلـق أجواء غـير
مألوفة تدهش القارئ , وتزداد الدهشة مصحوبة
بالإعجاب حين يتوالى عـرض الصور البعيدة
عن التعقيد والغموض ..
( أسرجت , فارس , سليت , يموت )
هذه المفردات شكلت صور لميدان معركة
وهي بالفعل معركة فكرية انتصر فيها
فارسنا / شاعرنا ..

العزيز / عبدالله العويمر ..
لك الشكر والتقدير .. ودام تواصلك وتفاعلك


أرق التحايا لقلبك



..

 

[شوق]

نص رائع

سلمت يمينك

كون بود

أختكـ/شووق