قصيدة..شعر..جَزْلَهْ!

[عبدالعزيز الروابة]

المشاركة الأصلية كتبت بواسطة حسام المجلاد

الأيّام راحت بين .. "يا مصبّر الموعود"
"ومضناك" .. و"الأطلال" .. "وآميل للعزله"

ياكود "الأحد" عيّا بشحّ الحظوظ يجود
كأن الأحد ..ميعاد الأحباب.. جايزله!

بـه أقبل حبيبي والمسرّات جات وفود
وصل.. والفرح مـلّ الجميع وتحيّز له

وصل.. يزرع الظلما ضيا ، والقفار ورورد
ويبـلّ الحنايا .. اللي عطشها تفزّز له

حنايًا عجز يهزم وفاها .. -هزيم رعود-
يغازل عطشها في غيابه .. وتعتزله!

وصل.. يقلب الدنيا،يشاغب،يبلّ كبود
يخيل أبعد دروب الهوى ويتجاوز له

يسولف لي بصوتٍ مهيّل بنغمة عود
كأن الطرب في صوته العذب يختزله

يسولف،يسولف،بإندفاع وبدون حدود
وانا استغربه كيف "أجزل".. السيرة الهزله؟!

لو السالفة ماهيب دسمه وهاك الزود
تصير بـثغر خلي قصيدة شعر جزله!!

يا ما أحلاه .. يوم إنه وصل حلمي المنشود
ويا ما أحلى اللقى لا جا بدون آتجهز له!

ويا ما أحلا الأحد.. عزالله إنه عريب جدود
ويومٍ مهو شروا الأحد لحيةٍ رزله!!

وهذا النص الفخم بحاجة أن نغازله وبشدة لما فيه من الجمال والعذوبة المستحقة صح لسااااانك شاعرنا المبدع حسام

 

[حسام المجلاد]

المشاركة الأصلية كتبت بواسطة عبدالعزيز الروابة

وهذا النص الفخم بحاجة أن نغازله وبشدة لما فيه من الجمال والعذوبة المستحقة صح لسااااانك شاعرنا المبدع حسام

الشاعر الجميل عبدالعزيز الروابة..
أبهجتني هذه الإطلالة البهيّة
شكرا على كرمك 💐