حَدِيثُ الصُّوَر:

[خالد صالح الحربي]

:
"تبًّا لها "!
ربّما لذلك يسمّيها بعض العرب :
" المجريحة "!
🌹

 

[خالد صالح الحربي]

:
اللي قال: أُخرج للنور .
.. أوّل مخلوقٍ "يظلمك ".
القِشرة كانت لك سُور ..
.. في خارجها كان أظلمك!

🌹

 

[خالد صالح الحربي]

:
من كثر ما هالقلم نادم ..
.. . لو إنّ هالحبر : يتروّى ..
ماضيه يسأل عن القادم
.. . عن كومة أوراقٍ تطوّى ..

:
وش يسرق الوقت من آدم؟!
.. وش يعطي الوقت من حَوّى؟!
🌹

 

[خالد صالح الحربي]

:
الشايب اللي عسى الله يمدي بعمره
.. . ويجعل نصيبه عفو مقرون في عافية .
كم شبّ قبل الفجر لا ينبلج غِمره ؛
.. . وفجوج نجد تعَرِف أقدامه الحافية .
خلوه يرتاح ..والدنيا تحت أمره
.. . هذا سهر لحظة إن عيوننا " غافية ".
🌹

 

[خالد صالح الحربي]

:
" تَخالُفُها : تَآلُفُها ".
🌹

 

[خالد صالح الحربي]

:
اللي قريتيه في " كفّك " ترى ماهو كفاية
.. . طلاسم الوهم .. ماتشبه تقاطيع الحقيقة!

من " عقرب الساعة" اللّي يشّر لما لا نهاية
.. . مايلدغك غير حُبّ .. ولا دريشة غير ضيقة!

🌹

 

[خالد صالح الحربي]

:
يالبدر؛ ودّع وسلمنا ليد الظلمى
.. . كم لك من النّور فينا لا حوالينا ..
علّمتنا كيف نمزج هالوطن بالما
.. . من أوّل العشب لين آخر أغانينا.

🌹

 

[خالد صالح الحربي]

:
هات لي حفنة من الضوء ياصاحبي
.. . لو طرَف شمعةٍ .. " أدلَه بها" قبل أنام .

لي سنة وين ما آروح الدجى صاح بي
.. . تشرق الشمس لكن.. ماتزيل الظلام !
🌹