مُتنفس .. شِعري !

[سعيد الموسى]

_____

كم تهجيت الحيا
‏حتى نطق
‏قمت أرتل منه - فيه
‏اللي فَرَق!
‏حلوتي والصوت
‏في حلقي عرَق !
‏كان يركض لين
‏تاه بهالطرق !
‏علميهم
‏ أن صوتي "يحتشم"
‏أبن صدري..
‏ومْتربي عالكرم !
‏علميهم إن للكلمه :حَرم !
‏وأن حرفي طاف به
‏حافي قِدم!
‏والحكي لو كان يثمر
‏للعدم !
‏لو أكله الطير .. حلّق بالقيِم!
_____

 

[سعيد الموسى]

عن : المبدا
من الأبدى ؟
أنا أو أنت أو حوّا ؟
من الأطيب / من الأدهى ؟
أو الأعلى / من الأدنى !
أنا
أو إنت
أو أحنا ! ؟
أحد فاهم ؟ مهو لازم !
من الصانع - من العالِم ؟
من الأصدق ؟ من الأخرق ؟
من الصايع - بهالشارع ؟
من الرسام - هالبارع ؟
من اللي / مييييييييييييين .. ياعمّي !
وانا قرفان من كمّي !
تبون نعيش : يااهل الريش !
نبي نفقد - وننسى ليش !
لأن الـ ليش مخنوقه !
وهذي "الشين" مسروقه !

 

[سعيد الموسى]

حاكت من الدمعه الفستان !
__ ‏أبيض بلا لون .. له ملحه !
‏مرّت على آخر .. النسيان !
__ ‏بيدين ممدوده وسمحه !
‏قالت :وهي تمسح الأغصان !
__ ‏ياغصن والشوك .. له جرحه!
‏بالحزن حتى .. رفيعة شان!
‏__ رغم انِّه اشهر لها .. رمحـه !

.
.
سألني أحدهم " كيف ابيض بلا لون " الا تشعر أنها متناقضه ؟
- كيف أخبره أنني لاأتحدث أساساً عن " الفستان " ؟

 

[سعيد الموسى]

http://www.ab33ad.com/vb/showthread....=1#post1211372

[ نَصّ و نُصّ ]

 

[سعيد الموسى]

___

صباح المنطق

المنطق ؟ 

ياعمي عيش .. لا تنطق ! 

عشان تربي التاريخ 

يبي لك تزرع المرّيخ ! 

أو الأحرى 
من الأحرى ! 

يبي لك تعتق إيدينك !

مابين رموشك لصدرك!

 

[صالح العرجان]

.

وغرة يلعب بها نفح العبير..
كل ما ناظرتها تبعثر خفاي


اللهم اني صايم

 

[سليمان عباس]

تحت البداية.... سالب أرقام واعمار
ولاّ البداية؟... صفر موجب فما فوق

 

[عبدالله عليان]

.
.

،، قراءة ،،
سيّد المسك صبحك بالاغاني روي
تحمله كِلّ ريح وتطرب ديارها

امتدادك مداد لـ حسي المعنوي
تزرع الامنية واقطف لك اثمارها

سيّدي في ضفافك ساحلٍ يهتوي
ضحكة الموج واللهفة و محارها

سيّدي في ربوعك روح ما تنغوي
تملي الارض طهر و تورق احجارها

سيّدي في بلادك هام قلبٍ سوي
لين صارت عروقه معدن اسوارها

من خلالك يصب الود خل وخوي
من خلالك تضم الشمس نوّارها

من غنَاك وحديثك كِلْ غصن يحتوي
طفلة "الكُرد و السيكا" ومزمارها

لك تزف البلابل اغنيات ابدوي
دوزن القيض و دروبه على اوتارها

يستلذ الجداول صبحك النخبوي
يغرف السلسبيل وينثر انهارها

يستفز السنابل عطرك الفوضوي
لا عبث بالمدى وامطر على ازهارها

مُترف المسك بارضك سافِر و مرتوي
تشربه كِلّ ريح وتسقي اشجارها

وليد بن مانع

.
.