نسبة الدهون
سيروا في الارض مثل الناس تحت الشموس
طيحوا ك باقي عباد الله وسط الحفر
امشوا مشى دودكم من بعد طول الجلوس
يا شاويين اللحوم وشاويين الصبر
امشوا تزول الدهون امشوا تطيب النفوس
تجوّلوا في شوارعنا ومامن خطر
كُلوا ( بليلة ) مثل ما تاكلون الفلوس
كلوا من الارض بس لا تاكلون البشر
تبلّعوا سوبيا او شفّطوا عرقسوس
كُلوا مطب و كُلوا معصوب أكلكم همر !
وبنّشروا مثلنا في شمس شارع عبوس
ثم اصدموا مثلنا في هايلوكس القدر
شموا المجاري ففي شم المجاري دروس
وشموا إبط الزحام الساعه وحدة الظهر
بدل رموش الفتاه الناهد العيطموس
شوفوا رموش الفناة اللي لعنها الفقر
ياشاربين الكؤوس احنا طفحنا الكؤوس
لكم شراب الخمر ولنا شراب الجمر
احنا يمين التعب وانتم يمين الغموس
احنا شباك السجن وانتم شباك الصقر !
هيا احلقوا مثلنا : كل اربعه انفار موس
يا حالقين الذقون وحالقين النظر
نحسّكم في العيون وتحت دمّ الضروس
لنا احاسيس ما احنا مثلكم يا غجر
والنصر لو جاءكم يا عائلة فايروس
احنا ( اذا جاء نصر الله ) جانا النصر !
أملاككم من حجم كوكب الى حجم سوس
واملاكنا تمر ابو القاسم ونومة عمر !
آخر المشاركات
12-24-2020, 09:24 PM
نسبة الدهون
العرض الشجري