[ قدّيش غنّينا للأحباب قدّيش ].

[صالح العرجان]

المشاركة الأصلية كتبت بواسطة خالد صالح الحربي

تحية طيّبة لهذا الفضاء وأهله
عودة لجزء من الذاكرة والروح.

:
للملح يا حلم الفقارى من ( الريش )
___ للحلم يا ملح الحيارى .. من العُمر

وقاية الميّت من .. ( إخناعة العيش )
___ ما تشبه إلا سجنتك بالقفص نِمْر !

البارحة : كنت ( الملك ) بـ الدراويش
___ رسااااااااااالةٍ ، لمْنهو ( يهمّه الأمر )

ساع الوريد يمدها صخب بشويش
___ والبرد يسرق من طرف مائها : جمر

كأنّها من عصر ( حمر الطرابيش )
___ عادت بعد تاريخها ما شِبِع طَمْر ..

قم مدني بالعقل وأسعفك بـ الطيش
___ مثل ( العنب ) بآخر تفاصيله الخمر .

بذرت كيف ؟ وحاصدٍ .. سنبلة ليش
___ حروف فرّت مثل مستنفرة : حُمْر ..

قدّيش غنينا للأحباب ( قدّيش ..
___ وقدّيش أعدنا نخلة العُمر .. للـ تمر

لا ذا الحرير الكذب بيعوّض الخيش
___ ولا ساعة الحايط تبي تعيد لي غمر

من عمري اللي ضاع يوم إنّي غويش
___ ومن وقتي اللي سال من لوحة العمر.

ابو يوسف
قل الشعر اللي تقراه وانت تفليه فلي تدور معانيه
رجعتك رجعت الشعر لابعاد
صح لسانك يا شاعري


برايفت
ليه اذا زهفت نفس الشاعر مشى على هالقاف ليه
وحلوه كلمه غويش يقولونها شمر للعيال الصغار

قبله على جبينك يا عشيري