تعال واكتب حالتك/لحظتك شعراً ..!

[مها العنزي]

.
.
عندي قناعة، ما يكررني الوقت
‏وتبطي بك الدنيا ولا شفت مثلي'

 

[نورة القحطاني]

اِلتفت تسمع مشاعر هالأنين
ممتلي قلبي من أشواقي ملام

في غيابك ارتسم كلي حنين
وفي حضورك ايتلعثم هالكلام

 

[عبدالله السعيد]

ليتني شاعر مثلكم
أو أشيل بالدنّة عفشكم

أهم شي القافية
ههههه

 

[نورة القحطاني]

ماشاء الله عليك يالسعيد
أشعر إن داخلك شاعر لم تعطه الفرصة
أو تخاف عليه

 

[نورة القحطاني]

وإذا أقبل
ينادينا السنا والنور
وفرحتنا به تترجم ليالينا
.
الله يبلغنا ويجعلنا من المسارعين للخيرات الفائزين

 

[عمرو بن أحمد]

اذا هلّت تباشيره ...
وجانا من سناه الضوء
تصافنيا /
_______________
وطارت شياطين الزعل
والبعد صفدنا أباليسه

 

[عبدالله السهلي]

ما يملي عيون الرجال مـن الرجـال الاّ الزحـول
أبصم عليها بالعشـر .. عـن اقتنـاع وتجربـه
واصدق احاديـث الزمـان تقولـه كبـار الفعـول
ما هو حديـث الألسنة لـو وثّقتـه المكتبة !!
والمدح لا من قيل فـي رجـل ٍ يقـول ولا يطـول
كنّـه : مسبّـه ابطريقـه راقـيـه ومهـذبـه !!
والقلب ضحكة صبح مترامـي وبالحـزن مغسـول
تجمّـع الأضـداد فـي صـورة جمـال مرتبـه

للشاعر محمد جارالله السهلي

 

[عبدالله السهلي]

والشعر (فارس حلم) والفكـره (حياويّـه بتـول)
وانا الـذي يرسـم تفاصيـل (الزفـاف) ويكتبـه
ما جيت اروّج للهزل واحـاور كفـوف الخبـول !
من باب كسب اعجاب ساذج من سذاجة معجبـه !!
ولا جيت اقول ان التكبّر شـرط تبريـر الوصـول
دام الوصول احيان ما يحتـاج شعـر وموهبـه !!
لا والله الا جيت ابنشـر فكـر واخاطـب عقـول
لو اكثر اكثرهم ( نمـط تواجـدي ) مـا يعجبـه
للشاعر محمد جارالله السهلي