العام في July مريت ((puncak))

مشعل العبار · 07-25-2006, 01:19 PM

[POEM="font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]العام في ..July مريت ((بونشاك))=وجلست به مده.. ولاهيب مده
وسهرت مع (( راشد)) على انغام..((عفناك))=وبيّح كنيني.. بيّح الله.. سده
عزالله انّا يالغضي ما نسيناك=وعزالله ان اللي توده نوده
كل ما اتذكر بسمتك.. ياثناياك=يطير من صدري حمام.. الموده
ولا ابي من الدنيا سوى وصل لاماك=رغم الوصال ابعد من البعد.. حده
يابن الاصيل اللي بليا ..عرفناك=مجذوب من خاله.. وعمه.. وجده
ماجيت من تسطيح في شات الاشواك=وهذيك من مكه وهاذي بجده
ولكم.. 3 وردات.. يأنسه .. باك=رقمي ورى الخمسات.. ضمه ..وشده
ولو الجمال اللي على سفحه هناك=ينقل.. نقلته صوب هجره ((مصده))
ول ابدل الديبان.. با انهار.. واسماك= وينعم سموم القايله.. كا المخده
من وين ماتاطا على العشب ماطاك=والورد.. يضحك لك مع الفجر.. خده
وحدايق الشاي الخضر.. في زواياك=وصدرك مع الذعذاع هاته.. ووده
اتصافح اطياب الزهر طيب يمناك=وغصن الثمر.. ودك تشاهد بيده
مرت اسنين وصابرك واتحراك=شده تزول.. ووين.. لازال شده
لاوالله الاّ ساكنن بي.. ونا ابغاك=لاوالله الاّ ماعتقد فيك رده
عزالله انيّ اغليك.. وارجيك.. واهواك=وعشقي وعشقك ماهقا فيه قده
لكن يقين اني على الشرع بلقاك=اذا انتقل ((puncak)) هجره ((مصده))[/POEM]

متعب آل حشيان · 07-25-2006, 01:22 PM

مشعل ..

سلم قلبك على هالنص العذب الجزل ..

مودتي ..

متعب

مشعل العبار · 07-25-2006, 01:24 PM

متعب سلم بنانك على هالرد العذب ولاهنت

اخوك

عبدالرحمن المقرن · 07-25-2006, 05:44 PM

الرائع مشعل العبار

هطول يروي الذائقه

لله درك وصح السانك

وعلا شانك

على هذه الرائعه

تقبل مودتي

احمد دلي الهزاع · 07-26-2006, 01:28 AM

مشعل العبار

مـرت اسنيـن وصـابـرك واتـحـراك.......................شـده تـزول.. وويــن.. لازال شــده
لاوالله الاّ ساكنـن بـي.. ونــا ابـغـاك.............. لاوالله الاّ مـاعـتـقـد فــيـــك رده
عزالله انيّ اغليـك.. وارجيـك.. واهـواك ..............وعشقـي وعشقـك ماهقـا فـيـه قــده
لكـن يقيـن انـي علـى الشـرع بلـقـاك ..............اذا انتقل ((puncak)) هجـره ((مصـده))

جميله بجمال روح مشعل

لاكنها صعبه

اللقيا

صح لسانك مليون