لحن ام البنات

[سعود الفرحان]

الحياة اللي بمافيها حياة
تاخذ سنين العمر لو ننتبه
لايهمك ماتناقله الرواة
اكتب الي ودك انك تكتبه
تِنبت الذكرى السنين المجدبات
للطريق الغادي الي تهتبه
والا انا مبطي عيوني ساهرات
مابقى جناح ماحلقت به
ألبس لوجه القهر طوق النجاة
وكل طاروق اقضبه ابحرت به
ماني مسافر وانا من غير ذات
كل رحلاتي امل ايست به
عادتي ما التفت باللافتات
السفر مترني ومترت به
ماتت بعيني كثير المغريات
والكلام الي اقوله مت به
كني المتنبي بهذي السوات
جبتبه مايذبح الي جبت به
المصايب والرياح الذاريات
والمهازل لو تجي مترتبه
اصغر الديوان من حجم النواة
حزن مثلي ماتشيله مكتبه
كثروا اشباهي يامالين الغنات
وابتسم في كل من شبهت به
يسرقون ابياتي من زين الابيات
الشعر والله ماآمنت به
وكثرت السرقان تعطينا اثبات
مجتمعنا ..... مهما لمت به
بعض شعار البدو تقل خوات
مع بعضهن لو يخطن اعتبه
من غدى التطبيل لحن أم البنات
اغسل ايدك من شنب فاخرت به

 

[رشا عرابي]

كثروا اشباهي يامالين الغنات
وابتسم في كل من شبهت به



الكبير لا تهزّه ريح الهرطقات
خطوة النص جاءت ثابتة على ساس الثقة


حييت وهذا الضوء

 

[سلسبيل]

تبارك الله
سمو الشعر يجعلنا بشعرائنا سعداء
يحفظك الله

 

[بلقيس الرشيدي]

...
...

رائِع أ.سعُود فأهلًا بكُل هَذَا الذوقِ من القصِيد والأدب .
صَح احسَاسك والبَنان

كُل التقدِير

.

 

[صبري القاسم]

الله رائع جدا
صح البوح وصح كلك يالغالي
تقبل التحية
طبت وطابت أيامك

 

[رزان سالم]

حضور طاغي
وبيان شعري عميق
وحكمة هادفة
صح كلك شاعرنا

أختك رزان

 

[ربى خالد]

من ديم الشعر جاءت حكمة
مطر يا مطر
وردي وودي

 

[نادرة عبدالحي]

هذا اللحن يُطرب النفس التي تهوى الشعر الجميل ولا تمل من النهل منهُ ,
وصية رائعة اكتب اللي ودك تكتبه ولا تهتم لما تناقله الرواة ,

لايهمك ماتناقله الرواة
اكتب الي ودك انك تكتبه

سلم الفكر النير ودمتَ محيطا من الشعر الجميل الذي يقدم الفائدة لاجيال واجيال .