سيمفونِيّة مَطَرْ

[سعيد الموسى]

ياسيّدي الأجمل.. مافي البشر أكمل!
لاشفتني أخطي ..
إرفق ووجهني!
مافي البشر كامل!
ياسيّدي الفاضل!
مافيه ابد داعي.. تزعل وتجرحني!
يكفيني اوجاعي

 

[سعيد الموسى]

كل ماقلت : أكتبك !
داخلي طفل..
" أرتبك"
وين أهرب منك...لك!
وإنتي أفكار القصيد!
وإنتي للشعر/ النشيد!
إنتي فكره/ وانتي صوره!
وإنتي مشهد /كل غنوه

 

[سعيد الموسى]

مدّي الفنجال ..
" مدّي"
لو هو .. سمٍ
.. بشربه!
ماشرب هالبن ..
فمّي!
قلبي " أولى"
يشربه!
لاتقولي لي علامك!
قهوي صدري !
جوفي ناسٍ "مُتعبَه"

 

[سعيد الموسى]

من تفارقنا.. طلع لي " شيبتين"
تو هذا العمر .. يبدأ أوله !
ياأحب الناس .. ضاقت هالسنين!
ماذبحني غير .. جور الاسئله!
ليش خنتي؟
ليش .. ليش؟
ليه وإنتي ... كنتي أوفى؟
ليه وإنتي كنتي .. أدفى؟
ليه وإنتي ماء طاهر ؟
والله أنقى!
والله أصفى!
الف صرخه .. تسألك!
ليش هذا الجرح .. منك؟
ليش إنتي؟
ليت غيرك .. ماهو إنتي!
ليه يابنت الكرام ...
ليه يابنت الغمام...
ليه .. ليه
والف ليه!
ويختنق كل الكلام!

 

[سعيد الموسى]

‏يارب سامح ..
من جرحني!
مسامح!
مكسور أنا يارب
.. بس العوض منك!
كم كلمةٍ بالصدر
عيّت .. تبارح!
وكم شخص غالي ..
مير يارب جارح!
والله أنا يارب .. برفع يديني
وادعي عليهم ..
صرت أدعي إليهم !
أستقبل القبله .. وانا ب أرض مكه!
وارفع يدي ... وادعي لهم !
يارب أنا أستغفر لهم !
ياربي إن تغفر لهم!
يارب هم مايقصدوا ..
لو هم بصدري أذنبوا !
لو هم بصدري أجرموا !
طفلٍ بجوفي شوّهوا !
يارب هم مايقصدوا !
يارب .. انا سامحتهم!
يارب سامح .. من جَرَح!
يارب جازه بالفرح !
ماني ب ارحم منك .. وانت !
انت السلام .. إنت الرحيم !
إنت الغفور ... إنت الودود!
البارئ الحيّ ... الصمد !
الواحد .. الحق .. الرشيد!
يارب .. سامحهم
وانا ... !
ماضعت
وإنته خالقي !
مااطيح لا
وانت الرؤوف!
وإنت العظيم المقتدر!
يارب ... انا سامحتهم!
ياربي إن تغفر لهم!

 

[سعيد الموسى]

كل الجروح
" أنثى"
لو للجروح
" أسما "

 

[سعيد الموسى]

هذا الضياع
" التيه "
ظلٍ يرافقني !
بعض الحكي " أحكيه"
والبعض " يخنقني"
مابين .. ليه ؟و إيه !
الصمت " طوقني "
ياحلوتي .. ماآبيه !
هالحزن " شوّهني"
قومي ... خذيه !
أرميه!
أرجوك ... " قطّعني"
تعبان ممّا فيه !
تعبان أنا " منّي "
صدري طفل " مرّيه "
يبكي .. ويوجعني !
ضميه لك " هدّيه"
عيّا يطاوعني !
حاكيه .. او ناجيه !
قولي له " يغّني"
قولي " وتحزن ليه"؟
وإنته " جزء منّي " ؟

 

[سعيد الموسى]

والله
إني يااجمل الناس أزريت!
..... أشوف طيفك في وجوه الخلايق!
مجبور أبعد
.. والعفو كان أخطيت!
..... مرتاح ؟
لاوالله .. شارد وضايق !