ما بغيتها بالحرام ..// اخوها يصير خال ولدي ..!!

[سعيد الموسى]

المشاركة الأصلية كتبت بواسطة جزاء البقمي

السلام عليكم ورحمة الله وبركاته

مساء / صباح الخير ..


أخواني .. أخواتي ..


اي علاقه في الكون .. تبنى على أسس .. ويكون لها أهداف ,, مهما كانت هذه العلاقه ..



ضع بين يديكم هذه المتواضعة التي تبيّن ( أسس وأهداف علاقتي معهاااا ) ....








[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

انتشـر حبـك بجسمـي .. لا وحتـى بالعظـام=واختلـط حبـك بدمـي .. فالمعاليـق يـعـدي
يا هيـام ٍ فـي هيـام ٍ فـي هيـام ٍ فـي هيـام=يا ضياعي ! يا اتجاهـي ! يـا دروب المهتـدي
لو تذوق النـوم .. جفنـي مـا تهنّـى بالمنـام=طاوله فيـك الغـرام .. وطاولـه فيـك سهـدي
لك حبيبي فـي ثنايـا جـوف هالقلـب احتـرام=لك حبيبي ( قولتي ) : لبيه .. آمر .. يـا بعـدي
كيف اصبحك بسلام ! وكيف امسيـك بسـلام !=وانت في مجرى وريـدي مـع سواقيـه تغـدي
لك عيوني .. لك حياتي .. لك سنيني .. لك مقام=لك حلالي .. لك فوادي .. لك ورودي وشهـدي
فـوق كفـك دق حنّـا .. والبـلا فعـل الزمـام=والحلا .. ليل ٍ تسلـل فـوق الامتـان اجعـدي
لا طويل .. ولا قصير .. ويا حلو زيـن القـوام=جلّ مـن صـوّرك والله فـي غرامـك مولـدي
مـا لقينـا لـك شبيـه ٍ فـي غناديـر الشـوام=وما لقينـا لـك شبيـه ٍ فـي بنـات الاحمـدي
انت دانه .. وانت آيه .. وانت عشـق المستهـام=وانت نادر فـي عيونـي يـا عيونـي وسعـدي
وانت والله يا ( صغير الحب ) من قبـل الفطـام=ما قصرت الفكر دونك .. لا ولا ضـاع جهـدي
انت امسي .. وانت انسي .. وانت جرحي والختام=وانـت والله يـا حبيبـي شمعـة اليـوم لغـدي
انت غاية مطلبـي يـا روح روحـي والغـرام=وانت شف البـال والله وانـت غايـة مقصـدي
احسد البرقـع عليـك .. ولا حسـدت إلاّ لثـام !=كيف ما يخجل ! وليله ما غـدى عنـه اجـودي!
فوق خدك .. حب خالك ! وازعلوا منه العمـام !=كيـف يقـدر يستبيـح الخـد يـا خـد ٍ نـدي!
ترتدي ثوب ( الشرف ) و ( العز ) من فوقه وسام=كيف ما يصبح وسامك ! وانت ( عزّه ) مرتـدي
بنت شيخ ٍ ما ( توانى ) .. ما يفك إلاّ ( الزحام )=فزعة اللي ينتخـي ويصيـح تكفـى يـا سنـدي
و ( الحظيظ ) اللي قرب حظه من حظوظ الكـرام=ما خشى شر الزمان .. ولا خشى الحظ الـردي!
اترك الواقـع واعيشـك فـي خيالـي بنسجـام=واربـط الواقـع بأحـلام الخيـال السـرمـدي
ما بغيتـك فالظـلام .. ولا بغيتـك بالحـرام !=ما بغيتك غيـر ( بالعـز الشريـف المقتـدي )
ما بغيتـك بالتلاعـب .. مـا بغيتـك بالكـلام=ما بغيت إلاّ ( اخـوك يصيـر خـال ٍ لولـدي )
لك جنوني .. لك ظنوني .. يا حبيبـي والسـلام=وانت غالي .. ثم غالي .. ثم غالي .. يا سعـدي
[/poem]

لكم تحيتي

جزاء




ياجزاء




الله يجازيك بالخير




وش سويت فيني ؟




ياجزاء هي كلمتين من كل كل قلبي




بيض الله وجهك ياشيخ





وبس

 

[أسمى]

.


:
يا أبياتك.

 

[ماجد العيد]

مغموسة في البياض هذه الأبيات ..

و محبوكة من الحب الطاهر ..

صح لسانك يا جزاء ..

 

[جُمان]

جزاء البقمي ..

غَيمَتُك تسكُب العذوبةَ شعراً
قصيدة جميلة وحُضورٌ أجمل

أهلاً وسهلاً بِك في أبعادنا
ومرحباً ..
بِحضورِك المُبشر بالشعر


.

.

 

[ريم علي]

هنا جزا
أذن هنا شعر عذب

صح احساسك على هالرائعة

 

[خلف المهيلان]

جزء النقي والعذب
مبدع وممطر دايم
نص نقي كاطهارت نيتك وربنا يوفقك بها
مع تمنياتنا لك
إن تظفر بها وتكون كماتحب
مع ودي لك وغلاي معاً
خ

[/QUOTE]

 

[حسين الحوالي]

جزاء البقمي ..




صح قلبك ..
وأهلا ً بك ..

قصيدة كانت بداية النزف .. في إطار الأبعاد ..
وتعِد .. بـ المزيد .. من الأعذب ..

أهلا ً بك .. وبـ هذا الشعر .. ياجزاء

دمت حاضرا ً ..
و ..

دمت بخير ,,










ح . ح . ح

 

[خالد العلي]

جزاء البقمي


هذا النص سأرويه لأولادي

لك الود