يوسف صالح المزيريب الشمري

[عبدالله البطي]

اصيب نسيبي يوسف صالح المزيريب الشمري
بحادث والحمدالله لم يصب بشي وخرج من المستشفى بصحة وسلامة وعافية
لله الحمد والمنه

وكما تعلمون الشاعر يوثق مايرى وينسق مشاعره
في هذا المستطيل عسى ان تليق على اعجابكم


اقدار والدنيا حضوض وتوافيق
وانا احمد الله يوم جت لك سلامه
كل شي فالدنيا مسوى بتدقيق
والوقت يومين بفرح او ندامه.
خلك طليق احجاج لو صابك الضيق
الضيق رجالً قليل احترامه.
انا اعرفك ياحر منها فلا تعيق
لو هو غلى بالسعر ترخص حطامه
مافات لو انه مثل قمة طويق
لاترد له لو هو يبدي سلامة
من فوق قبات الطوال الشواهيق
جدك حفيد اشيوخ ومضرب زعامه
وابوك من قومً حشامً مطاليق
هامات وانتم فوق مليون هامه
ماقلتها وارجي على المدح تنفيق
شاعر على المسحوب يوزن كلامه
ماهوب هرج امسرد الهرج تلفيق
الطيب الطيب كبيرً مقامه
ارسلت لك مرسال معى قايد الميق
عساه لاحول يوصل سلامه
معى طشاش اديام خير المحاقيق
بعد المطر لا هبت ازكى انسامه
تاصلك يا يوسف على حزة الريق
مادمت في خيرً وبأمن وسلامة
وكل باب لو يوصد بكبر المغاليق
يفكها محيي رميم العظامه
هذي ترى الدنيا حضوض وتوافيق
لاتضيق ماتسوى عليها الندامه