◊۩¯−ـ‗ خـــيـــل آلـ معآآآآني ‗ـ−¯۩◊

[معاني الشوق]

لخيُوَلْنا أَصْل وَنسب

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
من فوق هيجاء طاولت برق الدجى في كل حال =أي والله الا واثبتي ياروح جوف المعمعه
هاتي صنيع الحالمه من فكرة تلغي الزوال =اما جمعني من شتاته أو كسرت الأقنعه
يعني أبي في جرهدي البيد مردام الخيال =في شربة تسحر خفوقي لين عقلي تقنعه
لا مرها كل أرقطن قام يتبرم في السؤال=يبطي عظم لا مازرق منها وسمه يجرعه
من فكرة عديتها للعاديات أم الظلال =وأسقيتها بالزعفران وصافي العد أجمعه
تاريخها يسبح على صفر الصحاري والرمال=في ذمتي ياعشقها لا ماقوينا نردعه
حيث ان لي منها كميت* ماربيته ع الدلال=به عنفوان وبرق عز يقصره ثم يجمعه
مقباس من برق شعا في مهمهيات الضلال=يروي عطش ذيك الكبود الضاميه مايقطعه
قد عاش في وجه السنين الموحشه مضرب مثال=مثلي وانا بنت العبيه ياانكسار الاشرعه
ماكنه الا من شعاع الشمس وحشي الخوال=بطن وظهر عنق وقدم في فزته يامشجعه
أحمر حمر به سمرة لامن عرض صد وقبال=قاني السمار مخالط الحمره كريم منبعه
ماكنت أصدق في وجوده لا ولا بمحض الخيال=حتى التقت عيني بعينه وأنجرف قلبي معه
أي ذاك لا صهّل وصحّل مابقى فيها مجال=كنه يبي نجم الجدي بين الصهايل يتبعه
متجحفلن في مشيته مختال غاشيه اعتدال=متغطرس بالصف الأول تقسمه أو تجمعه
له من سواد الليل حندس غالب سود الليال=أي ناجد مهصار هاصر مرزم في الزعزعه
وله من نسيج الفخر شال مطرز بأروع خصال=ربي حماه لعشق قلب ماقوينا نردعه
يعني كذا والا كذا بنقولها بأجزل مقال=ما قل دل الهرج خيره ياكثير الجعجعه
والله لو كان الفخر يفهم تواصيف المحال=ليقول ذا خيل المعاني في مكاني مرتعه[/poem]

* كميت : الأحمر مثل المدمى , إلا انه أشد حمرة منه الذي أشتدت حمرته واستوت في أطراف شعره وأصوله